(عاشقان الروح ج1 ) بقلمى يمنى الباسل من ( سلسله عشق وترابط الأرواح )

الفصل الثالث عشر

الفصل الثالث عشر
قراءة ممتعة
حدث سيهوى بروح عدى الجارحى

فى بيت عبدالحميد
مصطفى :  يا حج فى عريس اتقدم لبيلا
عبدالحميد : مين دا يا بنى
مصطفى : عبدالرحمن
لتهوى الصينيه أرضا بعد ان سمعت كلام اخاها
بيلا : ومين قالك انى عايزة اتجوز ولو فكرت عمره مهيكون هو
وجرت سريعا لغرفتها تتذكر ما فعله معها وتبكى بحرقه
عبدالحميد : استنى يا بنتى فهمينى ليه مش موافقه
مصطفى : ممكن بعد اذن حضرتك أنا اكلمها
عبدالحميد : روح يا بنى بس أنا مش هغصب عليها مش هشارك فى غلط امك تانى ولا هسمحلها تلعب فى دماغها فاهم
مصطفى : حاضر يا بابا
وذهبت لغرفتها
مصطفى وهو يمسد على شعرها الاسود الطويل
مصطفى : انتى مش موافقه عشان معملته المستفزة ليكى
لم تجيبه
مصطفى : عارفه عبدالرحمن مكنش كدا بس موت خطيبته هو الى وصله لكدا أنا مش هخبى عليكى هو بقى بتاع بنات وبيعمل حاجات مخالفه كتير بس صدقينى هو محتاج فرصه فرصه وحده يطلع من المستنقع دا ومفيش غيرك انتى الى قدرتى عليه يعنى انتى الى هتساعدى عشان فهمتيه أنا بحب وعارف الواحد لما بيحب بيعمل ايه وانتى حبتيه يا بيلا متكدبيش على نفسك وجهيها وعترفى واوعى تفتكرى انى هرميكى فى النار بالعكس انتى الوحيدة الى تقدرى تطفى النار دى وبكره لما تشوف التغير الى على ايدك وصله لايه هتعرفى انى الفرصه جابت نتيجه وهتجنى ثمر تعبك معاه وانا عارف ومتأكد انى سعادتك هتبقى معاه لو مش شايف دا عمرى مكنت هاجى وافتح بابا فى الموضوع دا
بيلا بعد فتره الصمت
بيلا : يعنى هو يستاهل
مصطفى : يستاهل يا حبيبتى
ومسح لها دموعها
مصطفى بمشاكسه : والله خساره فيه الخدود دى والشعر الحرير
بيلا : ههههههههه
مصطفى : ايوة اضحكى هى دى بيلا الى اعرفها
جهزى نفسك بليل وكمان يمنى جاية عدى لسه مكلمنى
بيلا بفرحه : ايه دا بجد
مصطفى بغمزه : والفرحه دى ليمنى ولا عبدالرحمن
لتضع رأسها ارضا سريعا قبل ان ينكشف امرها امامه
مصطفى بسخريه  : كل دا ومش بتحبيه
لتضربه سريعا بالمخده
بيلا بغضب مصطنع : طيب اطلع بره بقى
مصطفى : طيب اهدى خلاص طالع
بعد ان خرج
ظلت تبتسم كثيرا وتدور حول نفسها انها ستكون له لا تعلم انها تكون له الحب منذ أول مقابله لهم
مصطفى : دا انتى واقعه اوى
لترمى عليه المخده وتتخبا خلف الباب
مصطفى : بس عايزك تربيه فاهمه مهو انتى اخت مصطفى مش حد تانى
بيلا بجديه مصطنعه : طيب كلامك اوامر
بس أنا هكلم ملك واخليها تعمل كدا بردو انت عارف أننا بقينا اصحاب اوى واهو نبقى فى الهوى سوء
مصطفى وهو يقبض على ملابسها
مصطفى بغضب : طيب فكرى كده اعمليها وشوفى هيجرارك ايه مش كفايا الدعوه الزفت الى كنت هاخد فيها جزا وحبس
طيب ادعى عليه هو مش أنا الى غلبان
بيلا بخوف : والله ما يحصل غير الى تأمر بيه يا باشا هو أنا اقدر دا أنا انفذ تعليماتك بالحرف انت أول مره تعرفنى يا كبير
مصطفى : ما المصيبه انى أنا عارفك وغورى يالا أعمل النسكافيه بدل الى دلقتيه وانا اروح اشوف الحج اطمنه عشان الى دخل الداخله دى وحده عبيطه
بيلا بفخر : الله يخليك يا برنس
مصطفى : برنس الله يكون فى عونك يا صحبى ويرحل سريعا قبل ان يفتك فيها