بين أسوار الشيخ

part 13

#بقلم esraa1289
#بين اسوار الشيخ

——————————

ام زهراء: زهراء كومي يالله بسرعه.

زهراء: خير شكو شصاير ماما.

ام زهراء: كومي العصر نروح لبيت جدج.

زهراء: شنو تحجين ماما.

ام زهراء: بسرعه يالله كومي حضري جنطتج واخذي فساتين لان علمود عرس رعد.

زهراء: لعد تعالي وياي حضري ما اكدر وحدي احضر.

ام زهراء: اني راح اكعد اخوج واجيج.

زهراء: اوكي بس لا تتاخرين اكلج ماما نور ورزان يرحن ويانا.

ام زهراء: لعد خابريهن هسه علمود يحضرن روحن.

زهراء: كمت غسلت وجهي وصليت رفعت شعري كعكعه فتحت الكنتور وكفت كدامه.

ام زهراء: ها ماما شو صافنه.

زهراء: ما اعرف شنو اخذ وياي وشنو يلبسون.

ام زهراء: تعالي اني اكلج شنو تاخذين.

زهراء: بقينا اني وماما نحضر جنطتي كملت وخابرت نور ورزان بس هنه راح يجن وبقيه عمامي بالعرس يجون احنا قبل اسبوعين رايحين لبست بنطلون عريض مو كلش ضيق وسويتر لون بنفسجي وشال ويا نزلت مصطفى مبدل وبابا يسوي بالسياره وماما بعدها تبدل كملنا رحنا اخذنا نور ورزان بعدها توجهنا الهم......
——————————

عمر: بقيت لليل اجونا شيوخ رحت للبيت بدلت ونمت الصبح كعدت بدلت علمود اشوف سالفه اخويه نزلت جويه صباح الخير.

أم عمر: صباح العافيه تعال يمه اتريك.

عمر: شكو يمه جاي تجهزون.

أم عمر: يمه غير عمتك راح تجي من بغداد اليوم.

عمر: اي هلا بيهم اني راح اروح اشوف مرتضى شصاير.

ام عمر: الله وياك يمه لا تتاخر ارجع من وكت.

عمر: انشالله.
طلعت من البيت رحت شفت مرتضى بعدين رحت على ابو المريض حجيت ويا على ان يسحب القضيه قبل اخذته ورحت على المحكمه سحب القضيه هو راح واني رحت للسجن كملت الاجرائات اخذت مرتضى ورجعت لبيت...

ام عمر: هلا بسوره وبنوره شلونك يمه.

مرتضى: الحمدلله يمه بس اريد انام كلشي ماريد بعد.

ام عمر: انشالله يمه هسه اخواتك يحضرن الغرفه واتنام وانت مرتاح.

مرتضى: ماشي اني راح اسبح.

ام عمر: روح يمه.

—————————

زهراء: بعد ست ساعات احنا نمشي بحيث اني تعبت كلش وصلنا.

زهراء: نور اكعدي وصلنا نور راح تفضحينا.

نور: عوفيني اريد انام.