الحلقة 14 :::
غدوة من ذاك .. ناضت كنزة وصلات ولبست قشها ، وراحت حبطت باش يفطرو كيف كيف التحت ...
سعاد : احم .. نحب نقولكم حاجة
حطو كامل وش كانو ياكلو وخزرو فيها ..
سعاد : اليوم الهدرة متعلقة بكنزة
كنزة قلبها خبط ، قالت زعما تكون فاقتلي ، خزرت فيها ليليا وجهها صفر وخايفة عليها ..
كنزة : وي جدة ، وش كاين ؟
سعاد : بعد شهر ، يعني فسبتمبر رح تدخلي تخدمي معانا فالشركة لي يخدمو فيها كامل ، راهم بداو يوجدولك البيرو ديالك
كنزة تنهدت ، فرحت لي مافاقتش مي ماهيش حابة تخدم فالشركة ..
كنزة : ووش رح نكون ؟
سعاد : مسؤولة على الحسابات والفواتير مع ياسر وبعدما توالفي الريتم تاع الخدمة راني نبدلك البوسط
ياسر خزر فيها وعوج فمو ، هوما من لي كانو صغار كي القط والفار ، ودوكا رح يخدمو مع بعضهم خزرت كنزة فيه تان وقلبت عينيها ..
كنزة : ما يكون لا خاطرك جدة
سعاد : مليح .. كملو الماكلة
كملو كلاو وراحو كاملين يخدمو ما عدا نسا خوالها اكيد ، وكنزة حبطت للجنينة باش تشوف سليم حتى جا ليها ياسر ، هي لعبتها راها غير دور لتم .
ياسر : وش راكي ديري ؟
كنزة : نسلم على الحشيش عندي مدة ما شفتوش
ياسر : تقتلي بالضحك بسلامتك
كنزة : قولي برك علاش ما تحملنيش
ياسر : شعور متبادل لالا ؟
كنزة : ايه
ياسر : حبيت نوصيك من دوكا باش تسمعي كلامي وتساعفيني فالخدمة وماتجيش روطار ولي نقولها ديريها وتجيبي القهوة تان
كنزة : زيد؟ نغسلك رجليك بالماء والملح كل صباح ؟
ياسر : مذابيك
كنزة : بوس عينك .. بهلول
ياسر : ياخي جدة لي قالت رح ترجعي مساعدة ديالي
كنزة : لالا قالت قيس ما نوالف برك
ياسر : ايه هاذيك قيس ما توالفي رح تكوني مساعدة
كنزة : خلاص فهمنا ، مي على حساب ما راني نشوف مام نتا راك روطار دوكا ، ازرب روح عليا
ياسر : معليش عندي خدمة دوكا ، اومبعد نتفاهم معاك
راح ياسر وهي خرجتلو لسانها ..
حتى وصلها ميساج من ادهم ..
ادهم : واش les yeux bleus صافا ؟
تبسمت كي قالها هكاك ..
كنزة : صافا ونتا ؟
ادهم : بيان .. ارواحي للبالكون
YOU ARE READING
أخبرني الحقيقة (باللهجة الجزائرية)
Romanceفتاة من اغنى العايلات ، يتيمة الوالدين ، عاشت تحت سلطة وسيطرة جدتها ، تتعرف على شاب فقير وترجع تحبو .. وش راح يصرا وهل رح يقدرو يبنيو قصة حبهم ولا القدر يوقف فطريقهم ؟💥💥 اول كرونيك ننشرها ، باللهجة الجزائرية، من قلمي 💗💗 نتمنا تقراوها وتعطوني راي...
