أخبرني الحقيقة (باللهجة الجزائرية)

19

اتفاعلو ودعموني ❤❤

الحلقة 19 :::

جازو ثلاث ايام .. الروتين غير هو ، كنزة تروح تخدم ونهار كامل شاردة تخمم فادهم ..
ادهم كامل النهار فالدار مخلاوهش يخرج على جال الجرح ، ووحيد عطاه كونجي قصير بالرغم ملي هو حب يرجع باش يخلي لابوليس تحكمو ليه ليه ، مي محبش يكسر كلمة يماه وباباه ..
ناضت كنزة الصباح ، وعرفت من فريدة بلي مكاش خدمة فالشركة باسك راهم معروضين عند وحد السيد للعشا .. حتى وصلها ميساج من سهام ..

سهام : كنزة وش راكي ؟؟ .. راني هدرت مع خالتي وريم واليوم رح يديرو العشا ، وكامل راهم يستناو فيك ، نعرف بلي رح تجي .. ❤

قعدت كنزة تخزر فالميساج وعضت على شفايفها متوترة ، ماعرفتش وش دير .. عندها ثلاث ايام تخمم فالهدرة تاعها ، وقريب اقتنعت بيها .. خلات التيليفون بلاما تريبوندي وحبطت باش يفطرو كيف كيف ..

سعاد : نظن بلي فريدة قالتلكم على العرضة اليوم ، رح يروحو معايا ثلاث رجال وثلاث نسا ..

ياسر : انا نجي جدة

تبسمت ليليا وخزرت فيه (حقا ما قلتلكمش بلي ديجا تصالحو)

ليليا : انا تان نجي جدة .. كنزة ؟؟

خزرت فيها كنزة ماعرفتش اذا تقبل ولا لالا .. قعدت ساكتة شوية تخزر فالارض .. ومن بعد خذات القرار تاعها ونطقت بالزربة باش ما تبدلش رايها

كنزة : اممم ، تفكرت جدة ، صاحبتي هاذيك دارت عشاء على لي خرجت من السبيطار ، وعرضتني اليوم تعيشي خليني نروح وما نبطاش

سعاد : الخرجات تاعك هاذ اليامات كثرو

كنزة : تعيشي جدة ، مش جاية نرفض العرضة

ماهر : خليها يما ، راها صغيرة وتحب تشوف صحاباتها

خزرت فيها سعاد وتنهدت

سعاد : خلاص روحي مي زوج سوايع برك

كنزة : ربي يخليك ..

خزرت ليها ليليا مقلقة ، عارفة بلي رح تروح عندو !!

سعاد : ايه شكون يروح تان ؟؟

كريم : انا تان واسماء

فاتح : انا وميس تان يما

سعاد : ايه خلاص مالا ، نخرجو من هنا السبعة ، نتوما تعشاو باسك رح نرجعو حتى مع العشرة ولا الحداش

لي رح يبقاو : معليه

غير كملو ، طلعت كنزة لبيتها ، خزرت فالميساج وتبسمت ..

كنزة : نجي 😘

وحطت التيليفون ، دخلت دوشت ، غير خرجت لقات ليليا قاعدة وزابطة وجهها ..

ليليا : رح تتلاقاي بيه ؟ وزيد فالليل؟ كنزة راكي تحوسي على آخرتك ولا كيفاش؟ رانا عايشين ف ماريكان واقيل؟! الهدرة لي راني نهدرها كل يوم ماراكيش تفهمي حتى كلمة منها؟