قصة : ( ابن الجيران ) ل سهيلة سعيد المنجي

الحلقة ٢٧ و ٢٨

قصة : { #أبن_الجيران } ♥️🏹

الحلقة السابعة والعشرون { ٢٧ } 🌆

شهاب : مش دة قصدي ، انا البنت دي اعرفها ومش هكدب انا كنت مصاحبها ، بس والله قبل م اخطب فاطمة ، ومن ساعة م دبلتها اتحطت ف ايدي ولا خنتها ولا عرفت بنات تاني
هند ب عدم تصديق : كداب ، اومال دي جت منين والي حصل بينكم دة ، احنا شوفناك ي شهاب ف حضنها وف وضع زي الزفت متلفش وتدور !
شهاب : ي بنتي والله قطعت علاقتي بيها ، بس هي اليوم الي انا مشيت فيه من عندكم اتصلت بيا وعمالة تصرخ والحقني انا انتحرت ف انا ب غبائي رحت عشان عارف إنها عايشة لوحدها ولو فعلاً عملت كدة هتموت ومحدش هيحس بيها ، مرضتش اشيل ذنبها إني عارف وساكت ، ووالله رحت ب نية صافية ووالله م فيه ف بالي اي حاجة وحشة ، ولقتها فعلاً قاطعة شرايين ايدها ومنهارة ، فضلت معاها عشان متكررهاش تاني بس ومعرفش إن دة هيكون اخرتها 🤦
هند : ماشي ي سيدي مصدقاك ومصدقة نيتك الكويسة اما رحتلها بس كان ايه اخرتها ؟ كنت ف حضنها ف الأخر ف مازالت خنت ومازالت كسرت قلب فاطمة !
شهاب ب زعل : عارف ، عارف ووالله ندمان ، انا عملت حاجات كتير ف حياتي غلط وزفت بس وربي دي اكتر مرة ندمان فيها ووالله مقهور من جوايا إني جرحتها كدة ، ومش عارف اعمل ايه عشان ترضى عني تاني ، كلميها والنبي ي هند او اديها الموبايل اكلمها 😟💔
هند : مش راضية والله دي طردتنا م الأوضة ونامت لما انت اتصلت
شهاب : هند والنبي اعملي اي حاجة انا عفاريت الدنيا كلها بتتنطط قدام وشي ، وربي ولو خسرت فاطمة بجد مش هبقا ع اي حاجة تانية ف حياتي وهضيع وربي 😔💔
هند : والله انا لو ب ايدي حاجة اعملها هعملها ، بس زي م انت شايف الموضوع لسة ف اوله وهي مش هتصفى بسهولة كدة دة لو صفت اصلاً ، اديها شوية وقت حتى 😕
( تطلع فاطمة م الأوضة منهارة م العياط )
فاطمة ب عياط : انتي لسة بتكلميه ؟!
هند : اه 😐
فاطمة : هاتيه 👋
( تديها الفون )
فاطمة ب زعيق : انت عاوز مني ايه تاني هاااا ، عاوز ايييييه 😡
شهاب : فاطمة .........
فاطمة : سيبني ف حالي بقا مش خلاص عملت الي انت عاوزه وقهرتني وانتقمت ل امك واخواتك
شهاب ب خضة : ايه الي بتقوليه دة !!
فاطمة ب عياط وقهرة : اقول إنك انتقمت مني احسن م اقول إني حبيتك وكسرتني ، احسن م اقول إني كنت مصدقة حبك ليا وطلع كدب ، ابعد عني بقا بالله عليك ، انت لو اخر بني ادم ف الكون دة عمري عمري عمري م هرجعلك ي شهاب ولا تطول مني شعرة انت اخرك الأو*اخ الي تعرفهم ، الي من كلمة يبقوا ف حضك ، روح ل كارمن هتموت عليك ع فكرة ، لكن انا تنساني تمحيني كدة من حياتك فااااهم 😡
( تقفل الفون ف وشه )
فاطمة وهي بتنهج : لو رديتي عليه تاني ، لا انتي اختي ولا اعرفك ي هند ⁦☝️⁩💔
هند : طب ممكن تهدي هتموتي م القهرة كدة !
فاطمة ب عياط : اغور ف ستين داهية سيبوني 😣
( تدخل اوضتها ، ف الشارع ، شهاب واقف عند المتوسيكل بتاعه والفون ف ايده ، تنزل دموعه ، يمسحها ويمشي يروح المكتب يقعد هناك ، يعدي الوقت ويعدي اليوم وشهاب مازال ف المكتب ، كل الي بيعمله باصص للفراغ وبيشرب ف سجاير )
شهاب ف باله : روح ل كارمن هتموت عليك ع فكرة ، روح ل كارمن هتموت عليك ع فكرة ...........
( يمسك الفون بتاعه ويتصل ب سو )
سو ب لهفة : شهاب 😟
شهاب : لو جيبتي سيرة ل كارمن إني عارف إن هي الي ورا الڤيديو دة هتقومي الصبح تلاقيه منتشر ع كل موبايل ف مصر حتى بواب عمارتك
سو : انا مقدرش اقولها إني قلتلك دي تموتني 😕
شهاب : تمام
( يقفل ف وشها ، يطلع الصبح ، ف شركة كارمن ، كارمن قاعدة ف مكتبها ، يدخل شهاب مرة واحدة )
السكرتيرة : ي استاذ شهاب مينفعش كدة !!
كارمن ل السكرتيرة : روحي انتي سيبيه
( تخرج السكرتيرة )
كارمن : من الزوق إنك كنت تخبط ع الباب الأول 💁🏻‍♀️
شهاب : ابويا طردني
كارمن ب تريقة : ي حرااااام ، طردك لييييه 🥺
شهاب : كنت اعرف بنت وصورتني معاها وبعتت الڤيديو ل ابويا واخواتي ، حتى خطيبتي وسابتني 😐
كارمن ب عدم اهتمام : وجايلي ليه بقا إن شاء الله 😏
شهاب : ملقتش مكان اروحه غير عندك 😒
كارمن ب انتصار : مش قلتلك هتجيلي راكع ي روحي 🙂
شهاب : تمام هنمشيها زل يعني عشان جتلك 😑
( لسة هيمشي ............. )
كارمن وهي بتقوم ب لهفة : استنى
( يقف ، تقرب عليه )
كارمن : متزعلش انا بس مش مصدقة إنك رجعتلي 😕♥️
شهاب وهو بيقعد : كل حاجة باظت ، حياتي كلها اتهدت 🤦
( تقعد قصاده ع الترابيزة وتمسك ايده )
كارمن ب ابتسامة : كل الي اتهد دة هنبنيه تاني سوا متقلقش 🙂
شهاب : لسة عوزاني بعد كل الي قلتهولك ؟!
كارمن : الي قلتهولي دة علقني بيك ذيادة مبعدنيش ، عرفت إنك راجل بجد ومش اي بنت تعجبك مهما كانت حلوة او غنية ، ودة عجبني فيك اكتر 🙂
( يبوسها ، تتخض ب فرحة )
كارمن وهي بتبعده : استنى لحد يشوفنا ، زهير مسافر ومش هيرجع قبل الأسبوع الجاي ، هتقعد معايا ف الڤيلا انهاردة بس اكون بعت الشغالين ينضفه الشقة بتاعتي وبعدين هنروح نقعد فيها زهير ميعرفش عنها حاجة
شهاب : هتطلقي ؟
كارمن : اول م يرجع هطلب الطلاق
شهاب : ايوة انا مش هستحمل تكوني ف حضن حد غيري 😕
كارمن ب ابتسامة : متقلقش هكونلك لوحدك 🙂⁦🖤
( ف بيت فاطمة ، نايمة فاطمة ف اوضتها ، تدخل الأم )
الام وهي بتفتح البلكونة : فاطمة ، فاطمة قومي ي ماما كفياكي نوم هند نزلت 
فاطمة وهي بتتقلب : ااااه 😞
الام : ايه مالك ؟!
فاطمة ب وجع : اااااه 😔
الام ب ب قلق : في ايه ي بت 😕
فاطمة ب عياط : جسميييييي اااه 😣
الام : اهدي طيب 😧
( تقرب تشوفها وفاطمة عمالة تعيط من وجع جسمها ، ييجي الليل ، تدق الساعة خمسة الفجر ، ف بيت كارمن ، نايمة ف اوضتها ف حضن شهاب ، يقوم شهاب من جنبها بالراحة يلبس هدومه ب هدوء وينزل تحت ، يدخل المكتب ، يلاقي اللاب توب ع المكتب ، يقعد ويفتحه ويدور ع الڤيديوهات بتاعة كارمن ، يلاقيها ، يبتسم ويقفل اللاب وياخده ويمشي م الڤيلا ، عند فاطمة ، مسنداها هند عشان تدخلها الأوضة )
فاطمة ب عياط : بالراحة ابوس ايدك بالراحة 😣
هند : حاضر والله 😟
فاطمة ب وجع : ااااه ، ااه مش قادرة
هند : معلش معلش وصلنا خلاص
( يدخله الأوضة ، تنيمها ع السرير ، تعيط فاطمة )
هند : بالله عليكي بطلي بقا 😕
فاطمة ب عياط : اااااه ااااه ، اه هموت م الوجع 💔
هند : مهو كل م نفسيتك زفت كدة هتفضلي موجوعة 🤷🏻‍♀️
فاطمة ب عياط : الوجع ف قلبي ، ف قلبي هيموتني ، وحش اوي وجع الخيانة دة ي هند ، وحش اوي إنك تحسي إنك كنتي ولا حاجة عند اكتر بني ادم حبيته ، وحش إن كل حاجة تتهد فوق دماغك لما تكسرهالك ، وحش إن سبب وجعك صعب تسامحي فيه 😣💔
( تاخدها هند ف حضنها ، عند كارمن ، تصحى م النوم ، تبص جنبها متلاقيش شهاب ، تستغرب ، تقوم تقعد )
كارمن : شهاب !!
( محدش يرد ، تقوم تبص عليه ف التويليت متلاقيهوش ، تبص ع الكرسي متلاقيش هدومه ، تنزل تحت تطلع م الڤيلا متلاقيش متوسيكله ، تعرف إنه مشي ، ترجع تدخل )
كارمن ب استغراب : مشي ليه من غير م يقولي !!
( تطلع فوق تتصل بيه تلاقيه مقفول ، ترمي الفون ع السرير وتدخل تاخد دش ، شهاب واقف ف محل عصام محل موبايلات )
عصام : يعني انت عاوز الڤيديوهات الي هنا احطهالك ع فلاشة ؟
شهاب : ايوة بس تنسخها متنقلهاش
عصام : ماشي بس دول مساحتهم كبيرة هيحتاجه فلاشة كبيرة
شهاب : إن شالله مليون جيجا اخلص 🙄
عصام : ماشي طيب
( شهاب يلمح هند بتفتح المحل )
شهاب : دقتين وجايلك
عصام : ماشي