𝐃𝐄𝐂𝐀𝐋𝐂𝐎𝐌𝐀𝐍𝐈𝐀

[𝖙𝖍𝖗𝖊𝖊]

Proof reading ka nei hman ta ngang lo

**
**
**

March thla tantir ni mahse seoul khawpui chu duhthusamin ala vawt tihtheih tluk ani,office kal tur emaw mahni hnatul thawk tur te pawh chu a lum thei ang berin an inthuam a.Kum dang aiin tun thlasik hi a na a mahse vur erawh a tla hauh lo thung

Ni engmawi tak chu inchhuang takin a awmna tang chuan van laizawl lam panin a in her chhuak riai riai a

Taehyung pawh chu a room tukverh atanga ni zung lo lang chuan a hmai atahna vanga mittui luanna val kalh kalh te chu a chhun eng ser ser a,muang changa rawn meng diar diar in alu chu a dawm vang vang a

Chutah tho ta mai lo chuan khum sira side table a darthlalang a dah ziah thin chu lakang in a hmel chu uluk takin a bih nghal a,nizan a tahna vanga a mit bui lui a hmuh chuan duhlo tih hriat takin a ner zui sak a,nilengin a mitmen a nawm loh phah leh dawn tih pawh a hrereng

Muang changa tho chhuakin a khum dup nuam taka nizung lo luhna tukverh lam chu panin parda chu sir lamqh a hnawl tawm hmiah a.Thlasik khawvawt kara nieng mawi tak lo lang chu nalh ti takin a thlir reng a

Minute 10 zenzawn a din hnu ah bathroom ah shower nei turin a lut tlang zui a,zan hmasa lama thilthleng a ngaihtuah let a azah em em rualin mal ta riaua a in hriatna chuan a luah zawk tlat si a mit mawi tak tuipui ang maia pawl phat ah chuan mittui chu a tle sar sar a

*
*

"Jungkook tun weekend hi camp trip ani dawn a ka kal peihlo ti miah suh ang che,a chhan chu eng chhuanlam mah ka pawm dawn hauhlo ania"

Jin chuan thutawp sawi tih hriat zetin aka chu a chip chhunzawm hmak a,'ka peihlo'tih emaw'ka hmanlo'tih tawngkam hian a rilru chu a sawhsawn tir thei dawn chuanglo tih chiang taka an hriat vangin peihlo tak chung pawn 'aw' tia chhanna an pek a ngaih a awm chawk

"Kartluan a i an hla ngaihthlak ai chuan camp na a hun rei lote va hman chu ka thlang zawk tih i hriatchian kha"
jungkook in atih chuan jin chu alo nui sek a,a chhandan tur chiang taka a hriatchian em vangin trick pakhat a hmang mai chauh ani.An tih loh san pawh ani lo,heng thil zawng zawng hi kumthum liam ta atang daih tawh a an weekend hman dan ani kumtluan ziah

"Ka hria alawm"tih pahin jin chu a nui ruah ruah a

"Friday tlai ah kan kal dawn tih i hriat kha chumi hma chu buaina siam tum hauh suh"jungkook dar a ben thek thek pah chuan cafeteria lam chu apan nghal zat a

"Evil jin"a hrait tawk leka phun sap chung chuan cafeteria a thian neihchhun mawl ve tak tak mahse atan a thian tha tak nisi te awmna lam chu apan hnak hnak a

*
*

Taehyung pov~

Nizan ka tahna vanga mit bui luk chuan ka tho chhuak a hyung chu alo awm tawhlo, tunah dar 7 ari awrh chauh ania nizan alo haw har ngaihtuah chuan a chhuak hma hle mai.Amah hrim hrim hi a invawng fel hle tih ka hre mai

Ka breakfast tur chu ka insiam mawlh mawlh a,ka ei zawh meuh chuan dar 8 alo pel duai tawh.Seoul hi ka vawikhat kalna chu ani miahlo mahse he hmunah hian ka mikhual hle a hmun han hriat vak pawh ka nei der lo hahthlak hian....................

Khau ala vawh em vangin sweater chungah jacket chhah tak chu ka ha leh a converse dum ka birthday a jimin min present chu ka inthawlh bawk a,kalna tir ber hrelo chuan pawn lamah chuan ka chhuak ta rawih a

Kawng sira landline ka hmuh hmasak ber lam chu ka pan nghal vat,jimin nge ka nu ka biak hmasak ang

Pawisa thir pakhat chu ka thlak zeuh a