قصة : { #انحناء_الياسمين } 🌼
الحلقة الخامسة عشر { ١٥ } 👄
( يفضلوا باصين ل بعض ، يقرب عليهم فهد )
فهد : كنتي فين طول الفترة دي ، قالبين الدنيا عليكي !
( متردش مش عارفة حتى تبلع ريقها م الرعب )
عائشة : معلش اصل ياسمينا حصلتلها حادثة وكدة ومكانتش فاكرة اهلها ساكنين فين ، ف كانت قاعدة عندنا عبال م تفتكر
فهد ب ابتسامة فهم : ااااه ، بس فكراني طبعاً 🙂
( تشاورله ب اه )
فهد : بعد اذنكوا ي بنات بس عاوزها دقتين ✌
ميادة : اه اكيد ، احنا هندخل نشوف حاجات ف المحل دة عبال م تخلصي
( تشاورلهم ب اه ، يدخله البنات المحل )
فهد : فاقدة الذاكرة هاا ، فاقدة الذاكرة بس فكراني ، حلوة دي 😏
ياسمينا ب صوت ضعيف : عرفت ازاي إني هنا ؟!
فهد : انتي لو روحتي المريخ هتلاقيني وراكي ، متفكريش إنك تقدري تهربي مني ب الفيلم العربي القديم دة ، تعملي فاقدة الذاكرة عشان مترجعيش ، عشان مترجعلييييش ، مش كدة ؟!
( متردش )
فهد : هترجعي معايا
ياسمينا ب خوف : مش هيحصل ، ابعد عني وملكش دعوة بيا بقا 😟
فهد : طب ياترى صحابك دول عارفين إنك رقاصة ؟
( تتخض ياسمينا )
فهد : ولاااا دي كمان نستيها ي حلوة ، انا بقا اخش اقولهم ووريني هيقعدوكي ف بيتهم تانى ولا ﻷ 💁🏻♂️
( لسة هيمشي ............ )
ياسمينا : استنى !
( يقف )
ياسمينا : هاجي معاك 😕
فهد : عين العقل ي قلبي 🙂
( يطلعه البنات ويقفه ع جنب يستنوها )
ميادة : تفتكري دة اخوها ؟
عائشة : لا مظنش ، عشان هي بيضة وهو قمحاوي !
ميادة : عادي ، بس شكله ابن ناس اوي ، ممكن قريبها 🤔
عائشة وهي بتبصله ب اعجاب : ااااه ممكن 😍
( عند ياسمينا )
ياسمينا : مش دلوقتي ، خليها بكرة
فهد : انهاردة بالليل هاجي اخدك ، دة اخر كلام عندي ☝
( متردش ، يقربوا البنات )
ميادة : ياسمينا اتأخرنا معلش !
ياسمينا : هنمشي خلاص
عائشة : هو انت تقربلها ايه ؟
( يبص ل ياسمينا )
فهد ب ابتسامة : خطيبها 🙂
( تتخض ياسمينا والبنات يبصوا لبعض )
ياسمينا : يلا
ميادة : يلا ، عن اذنك
فهد : اتفضلوا ، هاجي اخدك بالليل هااا
( متردش ، يمشوا البنات وياسمينا ع تكة وهتعيط ، ف البيت ، طارق ومامته قاعدين )
طارق : بصي انا عملت الي انتي عوزاه ومفكرتش ف نفسي ومرضتش ازعلك ، قبلت ب واحدة اكبر مني ومبحبهاش ، كل دة عشانك ، ووصلت إنها هانتني كمان ، وانا عندي كرامة برضو
الام : وانا بهدلتهالك ، حصل ولا ﻵ ؟
طارق : ي ستي تشكري ، بس انا مبتكلمش ع كدة ، بالله عليكي ي امي سيبيني مرة افكر ب دماغي ، سبيني افكر ف نفسي شوية ، سبيني اخد الي اختارها انا زي اي شاب ، سبيني احب 😟
( تسكت الأم )
الام : الي انت شايفه ي طارق ، طلاما انت بتحب ياسمينا خلاص الي انت شايفه ، بس اهلها احنا منعرفهمش ، لما تتحوزها هتعمل ايه ؟!
طارق : من هنا ل الجواز إن شاء الله تكون افتكرت حد
الام ب تنهيدة : ماشي ي بني ، لما تييجي انل هبقا اكلمها
طارق ب فرحة : ربنا يخليكي ليا يارب 😃
( يوصله البيت ويدخله ، تقعد ياسمينا ع الكنبة )
الام : جيبته الحاجة ؟
ميادة : اه خلاص
عائشة : شفته ، مش قابلنا خطيب ياسمينا
( يتخض طارق )
الام ب استغراب : خطيبها 😕
ميادة : اه كنا ماشيين ف المول نده عليها
( يحكوا الي حصل )
عائشة : وهي طلعت فكراه
( طارق يبص ل ياسمينا الي باصة ف الأرض )
عائشة : هييجي بالليل عشان ياخدها
( تدخل ياسمينا الأوضة وتنهار م العياط )
الام ب استغراب : هي مالها زعلانة ليه ؟!
عائشة : مش عارفة ، من ساعة م شافته وهي مقلوبة كدة !!
ميادة : يمكن عشان هتمشي
الام ب ارتياح : يلا احسن كدة ، تروح ل اهلها بقا 🤷🏻♀️
( يعدي الوقت وييجي الليل ، طارق واقف ف البلكونة ، تقرب عليه ياسمينا )
ياسمينا : طارق 😕
( ميردش عليها ويفضل واقف ساند ايده ع سور البلكونة ، تقرب تقف جنبه )
ياسمينا : انا .........
طارق وهو باصص قدامه : مقلتيش ليه إنك مخطوبة بما إنك فاكرة ، سيباني بس عمال اغرق قدامك 💔
ياسمينا : انا والله بحبك 😟
طارق وهو بيقف قصادها : ازاي بتحبيني ومخطوبة ، خنتيه يعني !!
ياسمينا : مكنتش فكراه
طارق : كدابة ، عيشة قالت إنك طلعتي فكراه
ياسمينا : لما شوفته ، لما شوفته بس افتكرته 😕
طارق : طيب اديكي رجعاله 😒
ياسمينا : انا والله م عاوزة ارجع ولا عاوزة اسيبك ، اقسملك إني بحبك ♥️
طارق : خلاص مترجعيش ، مترجعيش معاه وانا هعرف عنوان اهلك واكلمهم واخطبك 😕
ياسمينا وعيونها بتدمع : ياريت بسهولة كدة 😟
طارق : وايه الصعب ف كدة ، طلاما مبتحبهوش وبتحبيني 🤷🏻♂️
ياسمينا : بس ........
( يخبط الباب ، يبصلها طارق ويروح يفتح ، يلاقي فهد )
طارق : ايوة ؟!
( يبصله فهد من تحت ل فوق )
فهد : ياسمينا موجودة ؟
( يتخض طارق يعرف إنه خطيبها )
طارق : اه !
فهد : انا فهد خطيبها ، قولها إني مستنيها ف العربية ، اه ، وشكراً إنكم قعدتوها معاكم وضايفتوها 🙂
طارق ب ضيق : العفو 😒
( يمشي فهد يروح يركب عربيته ويستنى فيها ، يطلعه البنات والأم )
ميادة ل ياسمينا : جه ولا ايه ؟
ياسمينا ب حزن : اه 😔
الام : مالك ي بنتي زعلانة ليه ، انتي مش عاوزة تمشي ؟!
( تشاورلها ب ﻷ وتنزل دموعها ، تقرب تاخدها ف حضنها )
الام وهي بتطبطب عليها : بس ي حبيبتي بس ، انتي مش فرحانة إنك هتروحي ل اهلك ، موحشوكيش ؟!
ياسمينا ب عياط : بس انتوا هتوحشوني اكتر 😣
عائشة : وانتي كمان هتوحشينا ي سوسو والله 🙁
ميادة : ابقي تعالي زورينا برضو ، انتي عرفتي العنوان اهو
( تشاورلهم ب اه ، يسلمه عليها ، تقرب ع طارق ، تمدله ايدها )
ياسمينا : باي 😔👋
( يبص ل ايدها ، وبعدين يبصلها ويبتسم )
طارق : باي 💔
( ميمدلهاش ايده ، تنزل ياسمينا اديها وتبصله ب قهرة ، تطلع م البيت تركب مع فهد ويمشوا ، طول الطريق مبيتكلموش ، ساكتة ياسمينا ودموعها عمالة تنزل )
فهد : قالبة وشك كدة ليه كأني خاطفك !
ياسمينا وهي بتبصله : والله ، كأنك خاطفني ، اومال انت عامل ايه دلوقتي ؟!
فهد : انتي جاية ب مزاجك
ياسمينا : انت غاصبني ، ومش فاهمة عاوز مني ايه ، عاوز ايه ي فهد ؟!
( يوقف العربية ويبصلها )
فهد : عاوزك ، وطلبت دة منك بالزوق وقلتي إني زي اخوكي ، بس انا مش اخوكي ي ياسمينا
ياسمينا : وانا مش عوزاك ، وكنت اتمنى تبقا زي اخويا ، بس دلوقتي ميشرفنيش اتعامل مع اشكالك حتى 😠
( يضربها ب القلم )
ياسمينا ب وجع : اااه 😨
( تحط ايدها ع خدها وتبصله ب زهول )
فهد ب هدوء : حاسبي ع كلامك عشان من بعد انهاردة كل حرف هتقوليه هتتحاسبي عليه ، تمام 🙂
( تفتح باب العربية )
فهد : لو نزلتي متزعليش م الي هيحصلك
( تنزل دموعها وتخاف ، ترجع تقفل الباب )
فهد : انتي ليه مش عوزاني ؟!
( يحط ايده ع خدها )
فهد : ياسمينا انا فهد ، حبيبك 👋
ياسمينا ب عياط : حبيبي سجن امي ، حبيبي بيأذيني دلوقتي 😥
فهد : هخرجها من بكرة
ياسمينا ب خضة : بجد 😧
فهد : بس ب شرط ☝
ياسمينا : ايه هو ؟
فهد : امضة قرار خروجها مش قبل امضة كتب كتابنا
أنت تقرأ
قصة : ( انحناء الياسمين ) الجزء الأول ، ل سهيلة سعيد المنجي ، 2018
Romance_ كلنا ف الحب انانيين ، كلنا عاوزين الي بنحبه يبقا لينا احنا وبس ، ملكنا ، ومحدش يقدر ييجي جنبه غيرنا ، وممكن نعمل المسحيل عشان نحافظ عليه ، ونكره كل الي يحبه .
