ارهقتنى الحياه

الفصل التانى

وقفنا المره اللى فاتت عند الحته دى 👇
قمر بصدمه : متخفش ياحبيبى متخفش هخدلك حقك من اللى قتلتك وهقتلها سائر انت سامعنى
(اكملت بانهيار)  سااااااائر اااااه سائرررررر رد عليااااااااا والله لاقتلك ياهمس هقتلك زى ما كنتى السبب فى موت جوزى وحبيبى هتقتتلك ياهمس على موت سااااائر.... قتلتيه زى ماقتلتى اختى اااااه والله لاموتك ياهمس
يلا بقا نكمل 😉
عند همس
بعد ماخرج من عندها سائر فضلت مغمى عليها وبتنزلف من وشها فضلت حوالى ربع ساعه كده وبعدها بدات تفوق وهى بتتوجع قامت من مكانها بتتسند على الحيطه وصلت للباب
همس بوجع وبتحاول تطلع الحروف من فمها : افتح الباب ممش قادره ارجووك
وقعت على الارض بتاخد نفسها وتتحكم فى الوجع اللى فى جسمها
فجاه فتح الباب بصت همس ليه لقيته الحارس اللى جابها و اول شخص بتثق فيه فى الفيلا
°°فلاش باك °°
بعد ماهمس وافقت على جوازها من سائر بدموع وتم كتب الكتاب سائر طلب من الحارس (ماجد) بانه ياخدها معاه فى عربيه الحراس وفعلا اخدها وركبها جنبه همس كانت قاعده دموعها موقفتش ولا لحظه ماجد صعبت عليه اوووى
ماجد : والله يابنتى غصب عنى انا لو عليا اخدك وابعتك لابعد مكان ميوصلكيش فيه سائر ده
كان رد همس عليه صوت عياطها اللى زاد
ماجد :طب هسالك سؤال ليه وافقتى انك تتجوزيه ليه توقعى نفسك فى النار وانتى عارفه انها هتحرقك
همس بدموعها وبصوت خافت : مش فارقه على الاقل ده شخص غريب عنى وهيحرقنى مبالك بقا لما تكون قريبتى وخالتى هى اللى حرقتنى علشان كده النار معاه هتبقى احسن بكتير من النار هناك
ماجد : خلاص احنا فيها بصى انا هبطئ العربيه وانتى افتحى الباب ونطى واجررى وانا هجرى وراكى براحه لحد ما تختفى من وشى
همس بصتله : هو حضرتك عندك عيال
ماجد بابتسامه :اتنين ومراتى حامل كمان فى التالت
همس بابتسامه منكسره : اهو ده سبب يخلينى ارفض بالتلاته اللى انت بتقولى عليه اصلى معنديش استعاد اخلى عيالك ايتام زى ملهومش ظهر
ماجد باستغراب : مش فاهم
همس : سائر هيعرف انك هربتى ومش بعيد يقتلك
ماجد : بس يابنتى
همس : خلاص ياعمو انا مش ههرب ده واقع ولازم اعيش فيه
ماجد : ربنا معاكى يابنتى وانا اللى اقدر عليه والله هعمله وهحاول متاخرش خالص
همس بابتسامه : شكرا
وطبعا لما كان سائر يضربها كان بيدخل هو بعد مابيمشى ويعالج جروحها او لما كان سائر يعاقبها ويمنع عنها الاكل كان بيدخلها سندوتش علشان تعرف تسند طولها وهو اللى هربها يوم ماكان مراد ده جاى ياخدها
°°باك°°
ابتسمت همس بوجع : عم ماجد اذيك
ماجد بضيق : لحد امتى هيفضل كده ربنا ياخده ياشيخه
همس بحزن : نفسى اعرف بيعمل فيا كده ليه
ماجد : لانه انسان مريض وغبى ومعندهوش ريحه الانسانيه...يلا تعالى يابنتى ادوي جروحك
همس : لحد امتى ياعم ماجد لحد امتى هيفضل يضرب فيا وتيجى انت تعالجنى
ماجد : لحد ما ربنا يبعتلك اللى ينجيكى من عذابه ده
همس :ينجينى!! هه اشك اللى زى اتكتب عليهم انهم يفضلوا كده ويعيشوا كده
ماجد : لا ربنا هيبعتلك انا متاكد وواثق من كده
همس : مبقتش فارقه ياعم ماجد والله المهم يلا علشان لما يجى يلاقى حته يضرب فيها بدل مانا متشلفطه كده ههههههه
ماجد : ههههه يلا يابنتى يلا
عالج ماجد جروح همس وشربها ميه وخرج وقفل عليها همس قعدت فى مكان وفضلت تعيط وتفتكر وقت ماخالتها غصبتها على الجواز
°°فلاش باك °°
خالتها : يلا يا اختى علشان فى ناس جايه
همس : مين ياخالتو
خالتها بلا مباله : واحد جاى يكتب عليكى
همس بصدمه : نعم ازاى يعنى
خالتها بقرف : عادى قابلنى من كام يوم لما كنتى بتجيبى طلبات البيت وبصراحه لقيته فرصه علشان اخلص من شكلك
همس بدموع : بس انا مش موافقه مش عايزه اتجوز كده ياخالتى
خالتها بعصبيه : اقسم بالله لو نطقتى ليكون موتك على ايدى انا تعبت اصلا منك واتخنقت مش كفايه كنتى السبب فى موت امك وابوكى ايهه يابت سناء عايزه تموتينى انا كمان
همس بصريخ وعياط : انا مكنتش السبب فى موت حد مكنتش السبب فى موت حد
خالتها ضربتها بالقلم ومسكت شعرها جامد : اقسم بالله لو سمعتلك صوت ليكون اخر يوم فى عمرك والعريس اللى جاى هيكتب عليكى وهخلص منك يابت سناء وهنشوف كلمه مين اللى هتمشى انا ولا انتى
وزقتها على الارض وتفت عليها ومشيت
°°باك°°
همس : ااه يا امى فينك انتى وبابا سبتونى ليه انا تعبت واتخنقت تعالو خدونى انا مليش قعاد هنا ياااارب خدنى عند امى وابويا يااارب
دخل ماجد : همس سائر مات
همس رفعت راسها بسرعه : بتقول ايهه مات مات ازاى
ماجد : مش وقته يلا بينا بسرعه على بيت الست قمر اصلها طالبكى تكونى عندها
همس : طلبت اكون هناك ليه مش فاهمه
ماجد : معرفش يلا
مشيوا ووصلوا البيت
قمر اول ما شافت همس قامت وحطت ايديها على رقبتها همس اتصدمت من عملتها
قمر : هموتك ياهمس هموتك زى ماقتلى جوزى هقتلك يااااهمس
ماجد كان واقف مصدوم من المنظر والكلام اللى بتقوله قمر ازاى قمر قتلته وهى اصلا كانت محبوسه لا وقمر عارفه انها محبوسه وهى اللى كلمت ماجد وقالتله خرج همس من الحبس وهاتها منين بقا بتتهم همس انها هى اللى قتلت سائر فاق من صدمت على دخلت رائد وهو بيشد قمر من همس
رائد : اهدى ياحبيبتى اهدى مضيعيش نفسك علشان خاطر ناس زباله ومتسواش
قمر بانهيار حضنت رائد جامد : اااه رائد سائر مااات..مات يارائد همس هقتلك ياهمس هقتلك ااااااه
وفجاه اغمى عليها شالها رائد ودخلها اوضه وخرج لتلك الهمس الذى تسببت فى حرمان اخته وحبيبته وابنته من زوجها سائر وحرمت طفل ابنته من والده فيجيب ان يجعلها تندم على كل دمعه سقطعت من عيونها وكل ذل تعرضت له من قبل تلك الهمس
رائد بوجهه غاضب : اقسم بالله ياهمس والله العظيم لاخليكى تندمى على كل اللى عملتيه
همس كانت مصدومه ايهه اللى بيحصل اولا سائر مات وثانيا اتهام قمر بانها هى اللى موتته ثالثا اخوها رائد اللى بيتحلفلها بانها هتندم على اللى عملته...ماذا فعلت هى لكى تندم  فهى من تحملت كل انواع الذل والتعب والضرب ورات باعينها زوجها يتزوج من فتاه اخرى هى من اراد زوجها ان يجعل رجل اخر يلمسها وهو حتى لم يلمسها لانها كانت من وجهه نظره اقذر من اى قمامه رائها فماذا فعلت لكى تندم لم تسطيع تحمل تلك الصدمات فسقطت بين يدى ماجد فاقده للوعى.............

استوب ✋✋