ارهقتنى الحياه

الخامس عشر والاخير

وقفنا المره اللى فاتت 🥀
لما وائل رمى الكلام علطول فى وش رائد وقاله بان اخته سقطت..
يلا بقا بينا نكمل 🌺🌺
♡♡♡♡♡♡♡♡♡♡♡
ذهب رائد مسرعا ناحيه غرفه اخته ودخل دون ان يرد على عمر الذى ناداه
شمس : رائد قمر قمر سقطت
رائد : ايهه اللى حصل
شمس : كنا بنتكلم عادى انا وهى وراحت جابت سيره سائر وفضلت تصرخ وتعيط جامد وفجاه لقينا دم نازل منها الدكتور دخل وقعد كتير عندها طلع قالنا بانها سقطت انا خايفه عليها اووى
احتضنها رائد : متخفيش خير ان شاء الله
شمس : ربنا اخد حق همس يارائد... اخد حق همس من قمر قمر هى اللى قتلت سائر ربنا اخد حقه وحق همس منها حرمها من ابنها
يالله كيف له بان يتحمل كل ذلك كيف له اخته الذى فقدت طفلها وزوجته الذى تعرضت للضرب..اخته الذى علم بعد ذلك بانها قتلت زوجها وحبيبته الذى كان يهينها وهى اطهر من ان يذكر شخص مثله اسمها على لسانه...يالله انا بشر وليس جبل..بشرا لايتحمل كل تلك الصعاب....افاقت قمر
قمر : رائد رائد ابنى ابنى يارائد
اقترب منها رائد واخذها بين احضانه
رائد : ربنا هيعوضك ان شاء الله ياقلبى
ظلت تبكى قمر بشده بين احضان رائد وتنظر لها شمس وهى تبكى بصمت
عند همس فاقت وجدت نفسها بغرفه المشفى ممده على السرير وامامها بنت والدكتور
همس : انا فين وانتى مين
اسما : انا اسما اخت اسر صاحب جوزك وكنت مخطوفه معاكى بس اسر وجوزك وصاحبه اللى اسمه وائل ده جم واخدونا وانقذونا بس انتى كنتى تعبانه و كان مغمى عليكى
همس : رائد فين
اسما : مشى
اغمضت همس عيونها بالم فهو تركها وهى بتلك الحاله نزلت بعض الدموع من عينيها لم تستطع حبسها اكثر
نظرت لها اسما بالم فهى من المؤكد حزنت من عدم بقاء زوجها معها
ـــــــــــــــــــــــــــــــــــــــــــــــــــــــــــــــ
ذهب ذلك اليوم المحزن على كل شخص علمت همس من وائل بان قمر اجهضت فلذلك ذهب رائد اردت ان تذهب اليهم ولكن اسما لم تسمح لها
اتى يوم جديد اخبرت همس الطبيب بانها تريد ان تذهب وبعد عده محاولات استسلم لرغبتها الطبيب وذهبت
عمر : همس انتى
همس : انا عايزه ادخل
عمر : اتفضلى
اتت لتدخل همس ولكن الباب فتح فكادت ان تسقط همس ولكن زراع اسما كانت اسرع
اسما : انتى كويسه
همس : ايوه انا تمام
امسك رائد كتفها : همس انتى كويسه ايهه قومك
همس : جيت اطمن على اخت صحبتى.. وجوزى
ابتسم رائد لها ابتسامه حزينه امسك يدها وهو يسندها : طب تعالى ادخلك
اشتدت همس على قبضه يده : ماشى
استغرب رائد استسلام همس له ولكنه لم يعلق ادخلها
قمر : جايه ليه ياهمس... اهو ربنا اخدلك حقك منى وخسرت ابنى
همس : قمر انا مليش ذنب بكل حاجه مش انا اللى قتلت سائر والله
قمر : مانا عارفه
رائد : قمر همس مراتى
قمر : ايهه مراتك ازاى
شمس : اتجوزها علشان ينتقملك منها
قمر : بس انا مقولتلكش اتجوزها
رائد : خلاص ياقمر انسى بقا اللى حصل حصل ولازم ننسى وكل حاجه ترجع لاصلها
نظرت له همس ماذا يقصد بكل شئ يرجع لاصله هل يقصد بانه سيطلقها هل سيتركها هل وعدت نفسها بنسيان الماضى والبدء من جديد معه
بعد عده ايام خرجت قمر من المشفى وتحسنت حاله همس ايضا وذهبوا للمنزل ذهب رائد الى غرفته ليبدل ملابسه دخلت خلفه همس
رائد : فى حاجه ياهمس
همس : هو انت هطلقنى
ابتلع رائد ريقه فهو لم يضع فى حسبانه بان تاتى همس وتخبره بانها لاتريده نعم حقها ذلك بعد ماشاهدته منه ولكن هو عشقها واصبحت كيانه
همس : مش بترد ليه يعنى هتطلقنى... انت ايهه هاا ايهه.. هو انت انسان زينا عندك دم وبتحس ولا طوبه مبتتاثرش
رائد : قولى انتى عايزه ايهه وانا هعمله
همس بعصبيه : عايزاك
رائد :ايهه
همس : ايهه مسمعتش ولا دى كمان مش هتتحقق....هه ااه صح وايهه الجديد ما دايما الدنيا مش مديانى حاجه ابويا وامى ماتوا فى حادثه عربيه وده ليه علشان ماما بعد ماولدتنى جالها مرض والمفروض تروح تتعالج بس يشاء القدر يموتوا.. فضلت عايشه مع خالتى اللى كانت مطهقانى فى عشتى وبتكرهنى فى اليوم اللى اتولدت فيه..ااه صح ماخالتى كانت بتحب بابا وطبعا كانا بتحقد على ماما علشان بابا اختارها هى وساب خالتو.. كنت بدعى علطول واقول ربنا هيرزقنى بواحد يعوضنى عن كل ده وبعدها.. وبعد اول فرصه جواز خالتى وافقت ومنغير ماتقولى اصلا ده انا اكتشفت صدفه بان كتب كتابى انهارده يعنى كان ممكن معرفش غير وهما بيكتبوا الكتاب.. بعدها اتفاجا بان جوزى بيكرهنى اووى ليه معرفش... تعرف انا يوم كتب كتابى جوزى خلانى اركب مع الحراس علشان بيقرف منى عرفت بانى رايحه على جحيم اضعف من جحيم خالتى ومقولكش شتايم وتهزئ وضرب وحاجه اخر قله قيمه وفى يوم واحده جت خلتنى ابقى اميره بجد لبستنى فستان شيك اووى وحاجه اخر جمال وحطيت ميك اب كانت اول مره احط كنت مبسوطه جدددا تقريبا كانت اللحظه الوحيده اللى فرحت فيها... لحظه.... عااادى ماهى الفرحه مش بدوم شوفت جوزى بيتجوز وضحكته من الودن للودن مع عروسته اللى لبسه فستان ابيض اللى عملها فرح يحلف بيه العالم وانا كتب كتابى كنت لبسه طقم اعوذ بالله وروحت على بيته وعفا الله عما سلف..فاليوم المشئوم ده كان جوزى جوووزى عايزنى اقضى ليله مع واحد علشان هيدفعله فلوس متخيل انت اللى هو انت شخصيا ملمستنيش واسمك جوزى عايز واحد غريب يلمس مراتك.. هربت من البيت بمساعده ماجد وروحت لخالتى اللى عارفه كل حاجه بس سكتت..قولت الدم هيحن وهتساعدتنى ويارتنى ماروحت اتصلت بيه وخلته يجى ياخدنى اخدت يومها حته علقه كانت ايده تقيله...بعدها اعرف بانه مات وبعدها اتفاجاه بانى المتهمه الوحيده لقتله الله واكبر قتلته وانا محبوسه تعرف يومها ان يومها كان اول مره اشوفك فيها شوفت فى عيونك كميه كره خلانى ابقى ضعيفه اوووى معرفش ليه مع انى معرفكش ولما خرجت فضلت نظرتك دى فى دماغى مش قادره انساها بعدها اشوفك عند ماجد فى البيت وواخدنى عند البيت الغريب الاطوار ده بس تعرف حبيته اوووى لان المكان ده اتجوزنا فيه واول مره احس بالامان كان فيه معاك بالرغم من الاهانه اللى كنت بتوجهالى بس مقدرتش اكرهك خالص...انا عارفه ان حاليا المفروض كل حاجه ترجع لاصلها وانك تطلقنى..بس انا
قاطعها رائد ووضع يده على فمها
رائد : بحبك...انا عمرى مافكرت بانى هطلقك انا كنت خايف انك تطلبيه بعد ماحبيتك وعشقتك...كنت مرعوب من الفكره دى لانى مش هعرف اقولك لا مش هطلقك لانه حقك ولا هعرف اطلقك..انا حبيتك ياهمس اوووى
همس : وانا بحبك اووى اوووى بجد
رائد : يعنى انتى سمحتينى
همس : انا مسمحاك من بدرى اصلا
ابتسم رائد لها بادلته الابتسامه
رائد : حيث كده بقااااا
انهى كلماته وانحنى لكى يحملها
همس :انت بتعمل ايهه
رائد : كــل خــيــر..يلا استعنى على الشقا بالله
واخذها معه فى ليله تكتب بها معانى العشق والغرام الذى غرق فيه كلاهما فها هما يعيشا اجمل لحظات عمرهم اعتراف كلاهما بحبه للاخر
نزلا هما الاثنين مساءا
قمر : يااه كل ده فوق اكيد راحت عليكوا نومه يلا هروح احضر الاكل انا وشمس مستنينكوا
همس : استنى هروح معاكى
دخلا الاثنين المطبخ
قمر : هنس انا اسف..
همس بابتسامه : مفيش اعتذار خالص مابين الاخوات وكمان انتى اختى الكبيره صح ولا ايهه
قمر بابتسامه : اكيد صح
بعد ان اعدا الاكل ووضعوا على الطاوله وهما ياكلوا
رائد وهو ينظر للطبق ويدعى الامباله : عمر طلب ايدك ياشمس
شمس :امم طيب......انت قولت ايهه
همس وقمر ضحكا على شمس
قمر : بجد طلب ايديها
رائد : ههههههه اااه والله طلب ايديها قولتله مش وقته بس تقريبا كده شكله وقته
ارتبكت شمس من اثر كلمات اخيها فماذا تقول له بانها تعشق ذلك الفتى وانها كانت تحلم باليوم الذى يضع فيه خاتمه فى يديها
همس بخبث : امم ده وقته ووقته ووقته كمان اخس عليك يارائد بقا كده بردو تقولهمش وقته ده بدل ماتحدد معاد الخطوبه الله
ضحك رائد على طريقه زوجته
قمر : ايوه بالظبط ياهمس اخس عليك يارائد
رائد : ياجماعه هى ممكن متكونش موافقه اصلا بعد كل التنمر ده
شمس : لا طبعا موافقه...قصصصصدى سسبنى اصلى صلاه استخاره الاول
خبطت همس كتف رائد بيديها : شوفت اديها مواف..قصدى هتصلى هتصلى طبعا الاول
رائد بعيون مدمعه من كثره الضحك : طيب ياحبيبتى براحتك صلى واستخيرى وقوليلى ردك وانا هقوله ماشى
اومات شمس بخجل
عدى كذا يوم واخبر رائد بموافقه شمس واخبره بان ياتى لكى يحددوا معاد للخطوبه فرح عمر بشده من ذلك الخبر..اتى اليوم الذى سيذهب له وحددوا معاد الخطوبه وهاهو اتى يوم الخطوبه
عمر : اقسم بالله انا مش مصدق يعنر انتى دلوقتى خطيبتى
نظرت شمس للارض وعلى وجها ابتسامه
عمر : لا وحياتك اخوكى بصيلى هنا وانا بكلمك
شمس : افندم
عمر : فى اوردر وصل باسم حضرتك يافندم
شمس : وحيات تيته
عمر : الا صحيح هو كان اسمها ايهه تيته
شمس : فوزيه
عمر بابتسامه : اهو ده اسم بنتنا
شمس : اسم فى عينك انا مستحيل اسمى بنتى فوزيه
عمر : مش مشكله نتجوز ونخلفها وبعدين نبقى نفكر فى اسمها
شمس : علفكره انت....
عمر : ايوووه انا ايهه
شمس : كويس ومحترم
عمر : ايوووووه شاطره
===========================
عند قمر واسر
اسر : قمر انا بحبك
قمر : احم استاذ اسر مينفعش كده انا حياله مريضه عندك مينفعش كده
اسر : بس انا حبيتك ايهه ميجوزش ليا انى احب
قمر : لا ميجوزش ليك انك تحب مريضتك
اسر : بس انا معلجتكيش انتى اللى اتغلبتى على مرضك بنفسك يبقى انتى مش مرضتى يبثى من حقى احبك بس كده وانا هروح اتقدملك واطلب ايدك من اخوكى
قمر : لا طبعا انا لسه فى شهور العده مينفعش
اسر :مااااااشى هستنى الشهور دى تخلص اما نشوف اخرتها...ايهه ده ثوانى يعنى انتى اصلا موافقه
قمر : احم
اسر : لا ابوس ايدك مش وقت حمحمه اخلصى وقوليها
قمر : مش هينفع بعد الجواز عن اذنك
اسر بفرحه : بعد الجواز يعنى هى...مــوافــقــه
========================
وائل : يامصبر الوحش على الجحش حب انت ياخويا حب
اسر : فى ايهه يالا مالك محدش قالك متحبش
وائل : لا فى السن القانونى
اسر : نعم يا اخويا مش فاهم
وائل : وانت هتفهم منين بس وانت غبى ماشاء الله
اسر : ماتتعدل يااالا
وائل : يالا مين بس رائد متهنى مع مراته وهمر عايش مع خطيبته وحضرتك هتتهنى وانا حاسس ان حد راشش زيت قدامى كل ما امشى قدام اتزحلق
اسر بضحك : الله يخربيتك
وائل : منوره يا اسما الا هو انتى قولتلى عندك كام سنه
اسما : ١٦ سنه
وائل : مش بقولك منوره
اسر : فى ايهه يالا انت مالك باختى
وائل : مالى يعنى يا اخويا مانا اهو تمام الا هو انت قولتلى هتجوزها عندها كام سنه ١٧ صح
اسر برفعه حاجب : لا ياخفيف ٢٠ واتلم هااااا
وائل : وانت يعنى شايفنى متبعتر وكمان ليه ٢٠ هاا ليه اذا كان السن القانونى ١٨ تخليها انت ٢٠ لييييييه
اسر : اااه السن القانونى قولتلى وائل اتلم احسنلك انا بقولك اهو انا اخوها مش قرطاس جوافه انا
اسما : اسمها كيس يا اسر
اسر : وحياتك امك
وائل : ايهه قالت حاجه غلط يعنى ماهو مفيش حاجه اسمها قرطاس جوافه انت كمان
اسر : غلطت ملكش فيه انت وهى وبالذاااات انت
وائل : مااااااشى مااااااشى يااارب صبرك
===========================
رائد : بصى اختى فرحانه ازاى واخيرا بجد الدنيا ضحكتلنا بقاااا
همس : ياحبيبى طول ماالفرح مجاش الحزن منتهاش..والفرح اهو جه يعنى الحزن هيختفى حتى لو جه فى الاول كنا بنستسلم لاننا لوحدنا ومفيش حاجه حلوه لكن دلوقتى فى حاجه حلوه هنعيش ليها علشان كده هنتغلب على الحزن بكل سهوله...وكمان انا حاسه ان مش هو ده الفرح بس اللى هيجى فى فرح تانى جاى انا حاسه بكده..بص هناك كده
مظر رائد الى المكان الذى اشارت له همس وجد قمر تتحدث مع اسر
رائد : ده الدكتور النفسانى بتاعها بس
ضحكت همس : طب بص كده على اسر وانت هتفهم هل ده منظر دكتور بيكلم المريضه بتاعته ياشيخ اتقى الله
اقترب رائد من اذن همس : انا ملاحظ ان حبيبتى بتركز مع الشباب هاااا
همس : والنعمه ماانا ده اختشى مننى هههههه ياحبيبى مش بطمن على مستقبل البنات الله ايتتاااا
ضحك رائد : لا يا اختى متطمنيييش
همس : حاضر اباشاا تحب تؤمر باى حاجه تانى
رائد : هفكر واقولك
جاءت همس لكى تمشى بجانب رائد : ااااه تفكر طب لما تفكر ابقى قول
امسكها رائد : تعالى ياهبله انتى هنا بس رايحه فين
همس : اسيبك تفكر براحتك
رائد : ياغبيه انتى كل تفكيرى اصلا
تلك هى الحياه اعتقد رائد بان همس لاتنفع له بانها مثال للفتاه السيئه ولكن قلبه احبها وعشقها واكتشف بعد ذلك بانها احسن اختيار اتخذه...حاول عقله مرارا بان يجعل قلبه يكرهها ولكن قلبه هو من جعل عقله يحبها
اعتقدت همس بانه مكتوب عليها الحزن والشقاء دائما مكتوب على نصيبها الارهاق والتعب ولكن ماذا حدث جعل الله لها نصيبا لم تكن تتخيله نصيبا ما اروعه..اعتقدت بانها فتاه لاتصلح للحب ولكنها بالنهايه عشقت...اعتقدت بانها ستظل تحت مسمى ارهقتنى الحياه ولكنها اكتشفت بان ذلك الاسم قابل للزوال وها هو قد اختفى واصبحت تحب الحياه وعلى يد محبوبها

💖💖انتهت💖💖