شاب اسمراني لابس قميص كحلي مكفكف يوينو، ساعه فضيه، بنطلون رمادي شاكيهو مع حزام جلدي بني وجزمه بنيه بنفس لون الحزام وجاي بأتجاههم، غزل بي صوت واطي قالت غيث!.ه قال ليها غزل بي لهفه كدا، كيفك؟ ساكته ما ردت عليهو قال ليها ممكن تجي معاي شويه عايز اتكلم معاك، قالت ليهو جايي بعد ثلاثه سنه تقول لي عايز أتكلم معاك! ثلاثه سنه يا غياث أنا ماعارفه عنك حاجه وأسي بي كل بساطه جاي تقول لي نتكلم! انا ماعندي معاك كلام أبدا وما عايزه اشوفك تاني بتتكلم والعبره في حلقها و مشت خلتو وهو حالتو لاتقل عنها سوء جا يلحقها ريم مسكتو من يدو قالت ليهو لحظه عايزه اتكلم معاك، واتصلت لي هبه سريع وقالت ليها أمشي علي غزل بتلقيها في الأستراحه وقفلت علي كدا ما فهمتها اي شي، هبه كلمت البنات ومشو علي غزل وريم وغياث دخلو الكفتريا أتكلمت معاهو كتيير بعدها شال مفاتيحو وطلع، ريم شالت ليها ببسبي ومشت علي الاستراحه لقت غزل حالتها تحنن والبنات قاعدين أهدو فيها وهم مافاهمين اي شي، ريم قالت ليهم يا جماعه انتو أمشو المحاضره عشان ماتكون فاتتنا كلنا انا ح أوديها البيت تمام؟ نِعم قالت ليها لا طبعا ما حنخليكم براكم بعدين أنا من قبيل بسأل فيها وهي ماراضيه تتكلم في شنو ياريم؟ ريم قالت ليها اسي مافي زمن انا حأفهمكم اي شي بس انتو امشو المحاضرة عشان أحمد ومصطفي ما يقلقو ولو سالوكم اخترعو اي حجه، فعلا مشو وطوالي أحمد سألهم قال ليهم الزفتات ديل وين المحاضره باقي ليها دقيقتين 😒 ولي أتأخرتو كدا الكفتريا رحلت؟ ايه قالت ليهو غزل بطنها وجعتها فجأه وما قدرت تقعد وريم مشت توديها البيت، قال ليها طيب أرح ودخلو علي محاضرتهم، بي هناك ريم ساقت غزل البيت ولحسن الحظ لقوهو فاااضي أمها وابوها في الشغل واخوانها في المدارس، قاعده الحبوبه بس ريم جات داخله وسايقه غزل حبوبتها أول ما شافتها قالت ليها اجيي مالك يابت ماده قدومك كدا والجابك بدري شنو؟ ريم قالت ليها مصدعه يا حبوبه، دخلتها ومشت المطبخ عملت ليها ليمون قفلت الباب وجات قعدت قالت ليها غزل اول شي انتي بتحبيه فمافي داعي تكابري تاني شي انتي عارفه البعد دا ماكان خياره الحاجه الثالثه والأهم انو هو لسه متمسك بيك ما شفتيهو قبيل وهو بتكلم معاي شويه ويبكي، غزل قالت ليها ما عايزين نتكلم في الموضوع دا نحنا عندنا أمتحان برسايت بكرا صح؟ قامت من السرير جابت كميه من الشيتات ومرجع قالت ليها يلا نقرا، ريم بتعاين ليها كدا 😳 غزل قالت ليها ما تخافي علي أنا كويسه أتماسكت ثلاثه سنه حأنهار الليله يعني؟ فتحت الشيتات وقعدت تقرا ريم بتعاين ليها بي أستغراب لمن لقت ماعندها ردت فعل هي زاتها استعدلت في قعدتها وقعدو يقرو لحد الساعه أربعه مريم جات لقتهم بقرو وشويه أنس جا من المعسكر وعبد الرحمن مريم ختت الغداء نادتهم اتغدو كلهم وغزل وريم رجعو يقرو تاني ، شويه كدا الباب دق كانت مريم ختت ليهم عصير وطلعو لمن فكرو للزمن لقو المغرب أذن ريم رفعت تلفونها وشهقت وهي بتلملم في حاجاتها سريع سريع وقالت لي غزل يا زفته انتي مضلمه الغرفه كدا وفاتحه لينا النور الليل من النهار مابتعرفو عايني ابوي ضارب لي كم مكالمه 🙂 رجعت ليهو وورتو أنها جايه في السكه ودعت غزل بعدما وصتها جغلميه مره انها ما تبكي وما تفكر في الموضوع كتير، ريم طلعت من هنا وغزل رجعت غرفتها وطوالي أتصلت علي وعد وحكت ليها ودموعها غلبتها، وعد قالت ليها غزل كلام ريم صح انتي بتكابري انا عارفاك اكتر من نفسك 🙂 واسي موضوع غياث دا حاولي ما تفكري فيهو أمتحاناتك أولى والله يرضي عليك ما تشغلي بالك واتأكدي أنا معاك 💜أتكلمت معاها كتييير وعرفت تمتص جزء كبير من الغضب والسلبيه الجواها قفلت منها ورجعت لي شيتاتها شويه كدا جاها أتصال من ريم اطمنت عليها ودخلو البلابل مكالمه جماعيه بعد ما حكت ليهم ريم اتونسو معاها وفرقو عليها ولسه مواصلين برغو لحدما مصطفي هرشهم وقال ليهم بالنسبه لي أمتحان بكره يا دكاتره يا محترمين🐸 قعدو يضحكو وريم فصلت المكالمه واي زول مشي علي شيتاتو
