قصة وضاح
الفصل التاسع عشر
الكاتبة Jawhara************
صباح الورد حبيباتي ومتابعاتي الراقيات 🌹 اتمنى تابعون الاخت غزل حسين وهاي قصتها اريد دعمكم واعرفكم متقصرون
https://www.wattpad.com/story/336963315?utm_source=android&utm_medium=link&utm_content=story_info&wp_page=story_details_button&wp_uname=jawhara_2028&wp_originator=c2KFi1oZBEYNbQm%2Fsre6KVkHlVyrGtKaJyz%2BRvxdeuDoSbCj7XM1UcW63oTvIapuzwXEcq8OHbGBDpq6lFxIa1WWoO5WwnAkeJdEeEPQZK4ntdYZgBUJKXoW0YEzvK8s********
وضاح ..
حاوطها بعينه وهو يشوف لبسها برنسيسة نفنوف لونه خردلي وحجاب كريمي ومورد حيل حلو على جسمها شالت جنطتها ..نروح هسه
عدل ردن قميصه ولبس ساعته وشال الجنط ..يلا
نوصل قبل الظهر
ودعتهم ام وضاح وام حسام جانت جايه عليهم تطمن على بنتها ومن شافت مريم كاشخه ومبين مرتاحه فرحت وصت وضاح عليها
ضحك وضاح على سوالفهن هي وامه الجانت محظرتلهم حافظات اكل وخبز وخابصته خبص
ودعوهم وصعد سيارته ومريم كعدت بصفه وانطلقو لبغدادجر ايدها وخلاها بيده ومركز بالطريق ..قليل رايحه لبغداد مو
التفتت عليه .. مرات نزور الشيخ والامام الكاظم
ومرتين حسام جابني للزوراء
هز راسه ..اي اتذكر بوكتها جنتي ناجحه من صف سادس
ابتسمت وهي تتذكر شكد بوكتها تونست
حاولت تسحب ايدها وضاح ماقبل ..عوفيها لو بعدج تستحين وتضوجين مني
راسا حجت ..لا لا والله ما ضوج منك
ترك ايدها وهي خلتها بحظنها تفرك بيها
عدل نظارته السودا ..تتعودين وروحتنا لبغداد علمودج تاخذين راحتج تتونسين تشترين التحتاجينه
ردت بهدوء ..ما احتاج شي
التفت عليها ورجع ركز بالطريق ..ميخالف هسة من تشوفين المحلات والاسواق تنفتح نفسج هههههوصلو للبيت طبك السيارة بالباب ونزل فتح باب الحوش ودخل سيارته بالكراج نزلت مريم وضاح راح سد الباب ونزل الجنط من صندوك السيارة
مريم عينها عالبيت والحديقه مرتب وحديقته حلوة صغيرة اول مرة تشوفه تدري عدهم بيت واحمد يبقى بي بس ماشايفتهخلة الجنط باب الغرفه الراح ينامون بيها وصاح مريم الجانت واكفه بالكراج دخلت من باب المطبخ
ذبت جنطتها عالميز
دخل وضاح للمطبخ وراح يشرب مي من الثلاجه
وينج تعاي رتبي الملابس وانه اروح اشغل المكيف البيت حار يلا تعاي هسة خل نشوف المبرده بيها مي لا
طلع للطرمة مخلين مبردة عالهول فحصها بيها مي وصوندة يم بوري ممدودة الها فتح البوري ورجع للبيت شغل مكيف الغرفه وفتح المراوح
مريم نزعت حجابها وفتحت الجنط ورتبت الملابس بخانه فارغه بالكنتور دخل وضاح ..لاتفتحين بقيه البيبان بس هاي الخانه كافيه لان غراض وملابس احمد وهو من النوع يحب الترتيب لاتقربين على غراضه
_لا شعلية رتبت ملابسنا ..صدك وين علاكه الاكل
_يووو نسيتها بالسيارة راح اطلع اجيبها
دحك عليها بهدوء ..اكلج تعبانه
رفعت راسها ما افتهمت قصده
_هسة الساعه ١١ نسبح ونطلع نتغدى بمطعم لو ماتردين تطلعين
_هاا هسة اسبح بس خل ارتب الاكل لايخرب احطه بالثلاجه
أنت تقرأ
وضاح
Romanceواثق بخطواته ..كبريائه وتفاخره يميزانه ..احبها بفطرته وحماها برجولته اصبحت تعتبره فخرها وهيبتها امانها ومأمنها صديقها وحبيبها بعدما كان نقيض هذا كله .. اصبح عالمها وضااااح💖