أريد طفلا (بالهجة الجزائرية)

🚼 الحلقة 20 🚼

جيش القراء نسيتو بلاك راني نكتب نهار بعد نهار يعني نكتب اليوم و ما نكتبش غدوة المهم نبدو
.
.
نزيم كان في الطريق حتى سمع صوت تيليفونوا
نزيم : وي رائد وش كاش ما زادت طلبت رحاب 😁
(رائد راح معاهم للمستشفى)
رائد : رحاب مريضة ياسر و الأطباء قالوا بلي كاين إمكانية إجهاض .. رحاب راهي خايفة و تبكي
نزيم : ااا ... ااا راني جااي ما تخليهاش تخاف خلاص راني جااي
رجع نزيم و كان رايح لعندها يجري وصل لباب و كانوا العيلة كامل برا و كان الطبيب خارج من عندها و تلموا عليه كامل (كان راشد و رائد و أم رحاب برك )
نزيم : وش كااين ولدي مااات و رحاب وش صرالها
الطبيب : بالعقل أنت راجلها
نزيم : وي أنا
.
.
الطبيب : أسمحولنا برك هي كان عندها وجع خفيف و المتدربة الجديدة خلطت بين الغرف و دارت في بالها هذي غرفة لي لازم تجهض
راشد : معناها أختي ما صرالها والو
الطبيب : وي والو برك شوية وجع و هذا من قلة الأكل و القلق كتبتلها فيتامينات و شوية أدوية ما لزمش تحبسهم حتى تفوت 3 أشهر الأولى و غدوة نقدروا تخرجوها
نزيم : أوكي ... درك نقدر ندخل لعندها
الطبيب : وي أما ماتقلقوهاش
نزيم : أوكي
راح الطبيب
نزيم : راح ندخل لعندها شوية و نروح معليش
أم رحاب : وي تقدر تدخل
دخل نزيم لعندها و قعد جنبها هي كانت راقدة و ضامة رجليها لعندها و تحسب (1..2..3....) باه يجيها النعاس
نزيم : حبيبتي مزلتي مريضة
رحاب : ما تقليش حبيبتي و وييي مزلت
نزيم : خلاص درك نروح نجيبلك الدوا تشربيه و ترتاحي
رحاب : وي ما طولش
خرج و قال ليهم بلي هو راح يقعد معاها الصباح وهوما وافقوا و دخلو باه يشوفوها .. راحو و رائد قعد معاها يحاول ينسيها
رحاب : أووووف قلقت
رائد : و أنا قلقت 😂😂
رحاب : وعلاه ضحكتي
تفكرت وقت كنت أنا و نزيم صغار و هو كان مريض و كنا قاعدين قالقين .. حتى وقف نزيم و قلي هيا نروحوا نطبطبوا في بيوت المرضى و نهربوا 😂
رحاب : حاب تقنعني سيد وحش شرير كان يلعب قبل 😁
رائد : سيد وحش شرير 😂😂 حرام عليك أنتي برك ماتعرفيهش مليح
رحاب : ممم بلاك تخاطرني على 50 أنو مايحبش يلعب و يتمسخر ياااسر
رائد : ممم خليها 100 😁😁
و هنا دخل نزيم
نزيم : مممم و على وش راكم تتخاطروا
رحاب : والو 😏
رائد : لا كيفاه هذي تخاطرنا على 100 لي يرقد لول يخسر 😁 تلعب
نزيم (شاف فيهم بواحد النظرة): جاهزين تخسروا 😁😁
و راح قعد جنبهم شربت رحاب الدوا و بعدها قالتلو أنو هي مريضة و ما تحب حتى حفلة تحب تعقد برك و خلاص و هو قال بلي هذا راي محمد ... بقاو ساهرين
رائد : راهي 4 و نص أنا نعست
رحاب : 😂😂 حط 100 الف و روح أرقد في البنك
رائد : 😁😁 أوكي
راح رائد مقابلهم و تكا رقد .... وهنا خيم صمت رهيب حتى
رحاب : أنا جعت
نزيم : اااا إيه وش تحبي نجيبلك
رحاب : ما راح تلقا والو في المستشفى غير قهوة و gâteaux
نزيم : و أنتي وش تحبي توكلي
رحاب : مممم jsp بلاك pancakes
نزيم : خلاص أرقدي شوية راه قريب يجي الصباح و نجيبلك
رحاب : لا روح جيبلي gâteaux و jus حتى يطلع النهار
نزيم : أوكي راني رايح
راح و جابلها وش طلبت و رجع قعد جنبها
نزيم : رحاب
رحاب : وي
نزيم : وعلاه كامل تضحكي معاهم و تحكي معاهم عادي غير أنا
رحاب : يعني أنت ما درتي حتى غلطت تستاهل أنو ما نحكيش معاك
نزيم : وي أنا غلطت أما هذي كانت أجمل غلطة في حياتي
رحاب : و هذي أخيب حاجة صراتلي
نزيم : إيه مزال قدامك شهرين إذا راكي حابة تجهضي
رحاب : وش هذي الهدرة .. أنا أصلا راح نتزوجك علاجال ولدي
نزيم(بصوت عالي) : إيه خلاص بلاش منو هذا الزواج  أصلا ما خصنيش نتحمل مسؤولية طفلة صغيرة كيما نتي
رحاب قلقتها هدرتوا و من غير ما تحس دموعها هبطوا .. و رائد ناض مخلوع
رائد : وش كاين !!
شاف رحاب تبكي و نزيم خرج برا .. راح لعند رحاب و عنقها
رائد : رحاب أختي ماتبكيش
وهي عنقاتوا و زيرت عليه حتى حست الباب تفتح و رائد بعد عليها مزالت ما فهمتش وش كاين حتى تحس نزيم عنقها و حط يدو في شعرها
نزيم (يحكي في وذنها): أنا برك نقدر نعنقك .. سمعتي
رحاب : بعد عليا
نزيم : أسمحيلي
رائد : ااا أنا نخليكم
هو خرج و نزيم باقي معنق رحاب
نزيم : يا طفلة أفهمي طفولتك هي أكثر حاجة خلاتني نحبك
أما رحاب كانت تسمع فيه و مركزة أكثر مع ريحتوا ... ما حست غير وقت عنقاتوا و رقدت
ناضت الصباح على صوت أمها و جداتها
أمها : رحاااب نوضي يا طفلة راهي 9 وش نسيتي ليوم لعرس
ناضت رحاب فتحت عينيها
رحاب : ماما ما كاين حتى عرس
جميلة : ها بنتي رجعت لعقلها و عرفت بلي ما يخرجش عليها
رحاب : لا برك أنا راح نعقد و ما راحش ندير حتى حفلة
أمها بدات تبكي
رحاب : ماماااا وعلاه تبكي خلاص برك مانيش راح نموت
أمها : وش خليتي راح تتزوجي بلا عرس وش نقولوا للعيلة
رحاب : إيييه قوليلهم تزوجت و العرس بعد لولادة عادي ماعنديش مشكل
و هنا دخل محمد و قالولوا و هو قبل
.
.
خلونا نفوتوا شويا الوقت .... عقدوا وهي بكات شويا مع صحباتها و أمها و هديل بعد حكات شوية مع سيف و ضحكت شوية و بعد جاتها أم نزيم سلمت عليها و لبست لها سنسلة ذهب
أم نزيم : ربي يوفقكم
رحاب : 😇 نشالله
علي : أما هديتي أنا راح تكون بعد سمانة لازم نتلموا كامل و نعطيك هديتك
رحاب : 😇😇 mercii
علي : محمد أنت و عيلتك كامل معزومين عندنا بعد أسبوع
أم رحاب : مالا أنتم تروحوا  معانا درك تتغدوا
أم نزيم : لا شكرا
هديل : لا والله لازم تجيوا معانا رانا عيلة درك
و بعد نقاش طويل قنعوهم
أم نزيم : خلاص نحنا نجو و أنت نزيم روح مع مرتك لدار باينة تعبانة
نزيم : أوكي
راحوا للدار
.
.
.
يتبع 😂😂
جيش القراء سمحولي تأخرت شوية البارت كان راح يهبط البارح أما كيما تعرفوني رقدت و ما كملتوش المهم أعطوني رايكم و أفكاركم وش راح  يصرا و ماتنساوش نحبكم كااامل 💗💟
Peace 💪💪