TUNED IN (Wattys2021 WINNER)

PART TWO: TUNING INTO THE PARALLEL WORLD

"OPEN YOUR MESSENGER!"

Napatingin ako sa cellphone dahil tadtad na chats ni Zero ang nasa notification bar ko. Sunod-sunod din ang pagtunog kaya lahat ay napatitingin sa akin sa loob ng bus.

Buwisit na bubwit. Nag-da-drama pa ako rito, eh.

"Bakit ba?!" reply ko.

"Check mo GC. Bagsak ka, tanga."

Dali-dali kong hinanap ang GC namin na naka-mute sa akin. Nang makita ang pangalan ko sa samahan ng mga bagsak ay hindi ko alam ang mararamdaman ko.

I failed my exam in Physics.

Again.

For the hundredth time.

Ngayon, imbis na pumunta sa organization namin, kailangan ko pang mag-remedial class.

Great.

I mean, nag-expect naman ako na babagsak talaga ako before. Ngayong bumagsak ako ay hindi ko alam bakit umaalma ako.

Napapikit ako.

Today, I am broken hearted, anxious about my death, and my grades were falling apart.

Ang husay! Iba ka talaga, February 14. Ano pang pasabog ang mayroon ka riyan?

Tiningnan ko ang mga grades ko sa iba ko pang subjects. Ang ilan ay ayos lang naman pero karamihan ay siguradong bibigyan ako ng sakit sa ulo at baka maging problema pa bago ako tumungtong ng college.

Bakit ba ako namomoblema kung magiging balakid ang grades ko? Eh, baka nga iyong college admission test na kinuha ko ilang buwan na ang nakararaan ay hindi ako pumasa?

With frustration, isinuot ko na lang ang earphones ko at pumikit.

Bahala na kung boba ako. Ang mahalaga, mabuti akong tao.

Napangiti ako sa sarili kong rason.

Sino nga ba’ng niloloko ko?

Boba pa rin naman ako.

Malapit nang mag-11 am. Mag-re-remedial class muna ako siguro bago pumunta sa school organization.

Tumugtog na ang kanta. It was Make it with You by Bread.

Napangiti ako.

Ah, yes. Comfort song.

It was going just fine when suddenly, I heard a strange sound.

Iyong tunog na maririnig mo kapag walang signal ang TV.