Paano Magka Mego?

UMPISA

"Hihi! Enebe!"

Napa-untat ako sa pagsulat sang gin picturan ko nga PowerPoint presentation kagina sa klasi sang may nabatian ako nga may nag-ingaw nga daw kuring sa kilid ko.

Gin padayon ko na man ang pagsulat ko sang naghipos na.

"Ambot nalang ah! Pafall!"

Napaginhawa na lang ako sing madalom sang nag-uyog ang akon nga armchair nga gin tunaan nga magkakuris ang akon nga gina-sulatan.

Ayawan ko ka hinay-hinay nga sulat para magnami ang agi ko! Daw doctor na nga daan ang agi ko tapos ma kurisan lang? Ano ni ya man? Naway ta?!

Ginlampos ko ang ballpen ko sa tam-an nga kaakig. Dali ko nga gintubang ang rason kung nga-a nagkalaw-ay pagid ang malaw-ay ko na daan nga agi.

Daw ulod nga ginbudburan sang asin ang tupad ko samtang may ginabasa sa cellphone niya.

"Lynn! Bal-an mo nga ga sulat ko di tapos uyugon mo ang bangko ko! Whiteout da!" Singgit ko sa bestfriend ko nga indi mapanas ang ngirit sa tsura niya.

"Bes! Bes! Hihihi!" Gintampa-tampa niya ang kamot ko kag gin uyog-uyog ako.

"Na ano ka man?! Ga lingin ya ulo ko!" Gintampa ko man ang kamot ya nga ara sa abaga ko kag gina uyog ako.

"Ga chatay kami bi sang gapangaluyag sakon! Isa ya pagid ni ka pick-up line sabton ko na gid ni sa!"

Gin bawi ya man ang kamot ya nga ga-uyat sakon kag nag pusdak-pusdak duman.

"Kung gina kilig ka gani, wala lang sakitay! Gina pahisa mo na ko gani tapos sakiton mo pa gid ko!" Akig ko siya samtang gina kwa ang bag ya kag gina pangita ang whiteout niya.

"Sorna bes! Swabe ambi magpakilig ni si John ah!"

"Sus! John? Bal-an mo nga basta John ang pangalan mapanakit na sila! Indi kada! Masakitan ka lang!" Hambal ko samtang gapangita man gyapon sang whiteout sa daw basurahan niya nga bag. Gwapa man tani ni sa pay ya bag tan-awa!

"Problema mo sa 'John' haw? Basta sabton ko na ni sa karun ah."

"Kagapon lang nangaluyag sabton mo na? Nga-a haw? Manug expire na bwas pagpangaluyag ya simo nga dapat sabton mo na sa bwas?"

Sa wakas! Nakita ko na gid man ang whiteout niya!

"Kag isa pa kung sabton mo na ika pila mo na na dayon nga mego? Ika-pulo? Ika-kinse?" Pamangkot ko sa iya samtang gina whiteoutan ang kuris tungod sa pag-uyog sang bangko ko gina.

"Ika-onse palang! Daw ano ni hu!" Hambal niya kag nag pout pout pa.

—

"Drea! Picturi kami di danay!" Gin butong ako ni Lynn sa may tubang sang heart design nga Christmas lights kag gin hatag dayon ang cellphone niya.

Nauntat ang pagkagat ko sang fishball kag gin kwa ang cellphone niya.

Ari kami di subong sa Provincial Hall ga lagaw. December na amuh na kung nga-a gin decoratan ang Provincial Hall sang lain lain nga christmas lights. May ara nga gin palibot kag gin pakabit sa kahoy, may-ara man nga may nakasab-it sa gin-arc nga alambre kag sa building.

Masanag ang palibot tungod sa christmas lights amuh na nga makita mo gid diri kung ano ka damo ang ga date date.

"1,2,3! Isa pa.. 1,2,3... 1,2,3.." Wala gana ko nga hambal samtang gina-picturan ko sila nga duwa ni John nga mego niya na.

"Teh pilahon niyo gid nga pose?"

Natak-an ako mag tulok sa ila! May ma akbayanay, may makup-anay kag kung ano-ano pa! Indi lang ka ngirit hay.

Gin kuha naman ni Lynn ang cellphone niya kag gin pang lantaw ang picture nila. Ihatag man tani ni John ang cellphone niya para amuh naman na ang gamiton para picturan sila. Gintulok ko malain ang cellphone.

"Indi uso SHAREit?"

"Dreya! Kami man picturi!" Ginbutong naman ako ni Ziya pakadto sa bench nga gina palibutan sang Christmas lights. Nagpungko sila upod sang mego ya. Napaginhawa nalang ako sing madalom kag gin picturan sila.

Sa tanan nga oras nga ga lagaw kami, ako ang manug picture nila. Gusto man tani nila ako picturan galing nahuya man ko kay ako lang isa.

Kung nabal-an ko lang nga pangdal-on nila ang mga mego kag mega nila, wala nalang tani ko nag-upod.

Nagchat sila sa gc kagina nga gapanghagad lagaw. Nag-oo man ko kay abi ko mabonding kami.

Nagkit-anay kami nga lima, Si Lynn, Ziya, Troy, Niña kag Kurt sa isa ka mall. Natingala man ko nga naghambal sila nga indi danay kami mag lakat kay may gina hulat pa. Abi ko gani classmate namon gali mga mego kag mega nila.

—

"Tita! Isa pa gani ka kan-on!" Singgit ni Troy samtang gina saylo ang bilin nga kan-on sa pinggan sang mega ya.

Nag-untat man ko timo sang panyaga ko kag gin lantaw ang palibot ko.

Ara ako sa kabisera sa lamesa. Sa wala ko nga kilid, ara si Lynn nga ga hungitay upod ni John kag sa kilid nila, ara si Kurt nga ga hutikay sa mega ya nga Grade 10. Ara naman sa tuo si Ziya nga ginapahidan sang tissue ang bibig sang mego ya. Sa kilid nila ara si Troy nga gina dugangan ang sud-an sa pinggan sang mega ya.

OP nalang ko ni ya permi sa ila. Maano nalang ko ni ya man?

"Mego ka bala. Daw patyon mo na kami sa tulok mo." Sabat naman ni Lynn nga na notice guro ang pagtulok ko.

NBSB ako amuh na kung kis-a gina hambalan ko nila nga ma mego. Gina hambalan man ko nila nga bitter ko kuno  or nahisa lang. Panuh ko magkamego kung indi ko kabalo?

Nag ginhawa ako sang madalom kag gin tulok siya. Nag-untat naman ang iban namon nga upod sa mga landi-anay nila.

"Paano magka-mego?"