Paano Magka Mego?

Ikaw-duwa nga Tikang: Beautification

"Ano nami nga shade man? Ari or ari hu?" Pamangkot ni Kurt sa akon samtang ga uyat sang BT21 x Vice Cosmetics nga liptint. Sa wala niya nga kamot gina-uyaptan niya ang light shade nga red kag sa pihak ang dark shade nga red.

"Ambot ay! Nga-a ako pamangkuton niyo kay wala man ko gapang liptint!"

Ari kami subong sa mall sa sulod sang Watsons. Gin chat ako nila kagina para hagadon ako nga ma lagaw kuno kay may baklon sila. Nag-oo man ko kay libre kuno nila ang pamasahe kag pamahaw. Abi ko gani sa Penshoppe ukon sa Bench kami una masulod kay mabakal sila sang bag-o nga bayo ni Troy pay kibot lang ko sang gin butong nila ko pasulod sa Watsons.

"Anhon niyo na haw? Hatag sa mega niyo?" Pamangkot ko samtang ga lantaw sang mga lipsticks kag gina basa ang ngalan kag shades nila.

"Indi ah! Kami ni ya magamit." Hambal naman ni Kurt nga nag tupad sa akon.

Halin sang lunes, wala na sila gina pahulam kanday Lynn, Niña kag Ziya sang liptint kag pulbos nila. Ga reklamo ang duwa nga subra pa kuno sila sa tag-iya kung mag gamit. Ayawan man ka pangita si Kurt kag Troy kung diin gin tago sang duwa ang gamit nila pay wala gid nila nakita. Biskan ang mga classmates namon, wala na gid sila gin pa hulam pa.

Amuh na nga subong nga sabado gin hagad nila ko nga makadto sa mall sa pihak nga banwa para guro makabakal sila sang ila gid nga liptint kag pulbos.

May nabatian naman ko nga na shock sa tubang. Ara sa tubang namon sa pihak nga stall may nakita ko nga tatlo nga bayi nga ga hutikay samtang naga tulok sa amon.

"Ay kanugon! Gwapo tani galing agi!"

Nabatian ko nga hutik sang naka red nga croptop sa upod niya.

Napakadlaw na lang ko nga ginkatingala man sang duwa nga nasal-an nga mga agi.

—

"Ay Ma'am! Amuh ni nami nga shade sa imo hu! I-try bala." Gulpi nga may nag tuhaw nga saleslady sa kilid ko nga may gina-uyaptan nga lipstick.

"Ah miss. Indi ko ya mag bakal gin updan ko lang ang friends ko." Nahuya ko nga pang-indi sa iya.

"Sige lang Ma'am. I-try lang tapos sa sunod ka lang bakal kung gusto mo na."

"Wala kamo liptint sina? Indi ko bi kasaho sang lipstick."

Wala nako may nahimo kay feel ko piliton niya gid ko ni nga piliton nga butangan sang gina endorse ya.

Gin kuha niya ang isa sa mga tester nga liptint kag gin pahid sa bibig ko. Yuck! Pila na ni ka bibig ang nabutangan? Basi may COVID pa bala aw.

"Ara Ma'am lantawa sa mirror kay bagay gid sa imo. Light lang na siya pay ga bagay sa skin tone mo." Nag tango na lang ako samtang naga tulok sang tsura ko sa ispeyo. Okey man siya. In fairness.

"Try ta bi Ma'am nga kilayan ka. Gamay lang nga kurit kag brush mas ma highlight pagid ang mga kilay mo." Suggest niya naman sa akon.

Bal-an niya naman nga indi ko mag bakal nga-a gina pa try ya ni ya sa akon man? Kanugon sang mga tester.

Gin kilayan niya ko kag gin patubang naman sa ispiyo.

"Ari Ma'am ang clay blush, tutal daw high school ka pa man lang, indi pa gid pwede sa inyo ang make-up. Try ni Ma'am."

Mayuh lang kay na saktohan niya nga high school pa lang ko kay kung ihambal niya sakon ni kung college na ako ambot kung ano ni mahimo ko sa iya!

Gin pahid niya naman ang clay blush tester sa akon.

"Oh diba Ma'am! Nag gwapa ka pa gid! Mas damo na na mangaluyag sa imo!"

Daw nagbagting man ang talinga ko sa nabatian ko. Bal-an niya ni guro nga gusto ko na magka mego amuh na gina into into niya ko para kabakal sang ginabaligya niya ay?

Two points para sa sales lady nga ini. Kaduwa na siya nga intsakto.

"Dreya ta. Lakat na ta!" Hagad sa akon ni Kurt kag gin butong ang kamot ko.

Na shock naman ang duwa sang nag-atubang ako sa ila.

"Hala! Nag gwapa ka!" Nag-acting pa si Troy nga na shock gid kag gin tabunan pa ang baba ya sang iya nga kamot.

Amuh ni nga kakasal-an lang sila agi!

Nag gwapa ako? Ano ni hay? Sang una indi gali ko gwapa?

"Miss! Ano ni gin pang butang mo siya? Baklon namon." Hambal ni Kurt nga gina examin ang tsura ko.

"Sige Sir! Wait niyo lang sa counter." Masadya nga hambal sang saleslady.

—

"O-oh? Kay sin-o na?"

Napauntat ako sang pagbutang sang liptint nga gin bakal ni Kurt kag Troy para sa akon sang namangkot si Lynn sa akon.

Ari kami sa subong sa C.R. kag ga atubang sa ispiyo. Gin try ko na gamit ang gin pang bakal nga liptint, eyebrow pen, clay blush kag pulbos nga gin bakal nila sang sabado. Kanugon man kung indi ko ni pag gamiton.

"Akon ni sa." Nubo ko nga sabat sa iya nga nahuya pa gawa.

—

"A catalyst class, is a substance that enables the chemical reaction to proceed at a usually faster rate or under diff—" Na-untat ang pag klase sang physical science teacher sa  amon.

"Excuse lang sir.." Na-agaw ang amon atensyon sang nag panuktok ang SHS head sa pirtahan sang room namon.

"Yes Ma'am?"

"Ari subong ang taga CPU para mag conduct sang admission sa gusto magskwela sa CPU sir." Pag explain sang SHS head namon.

"Sige get inside."

Nagsulod upod sang SHS head namon ang 5 ka estudyante kag isa ka teacher.