رانيا و ريان🖤حب رغم المشاكل 😍🦄❣( باللهجة الجزائرية )

بابا واشبيك؟

كوبيت على ريان و رحت للصالون ملقيتش بابا و نور راحت  سقسيت يما قاتلي نعيطلو مايريبونديش، الحق الحق تقلقت خايفة كاشما صرالو ولا احساس يقولي بلي الفرحة هادي تاع الباك ماتدومليش علاباليش و علاش، بقينا نستناو حتى صونا التيليفون العام تاع الدار ريبوندات يما.
يما : الو
...........
يما : ايه حنا علاش؟
..............
يما : ككيفاش؟ و دوكا وين راه؟
............
يما : واش من صبيطار؟
............
يما : رانا جايين
.........
يما : صحا
كوبات و أناتخلعت مافاهمة والو حتى قاتلي يما بلي بابا كي كان يمشي باش يولي للدار طاح تغاشا باسكو هبطلو السكر! أنا تم الدمعة طاحتلي مشيت خارجة أنا و يما كرينا طاكسي و خلينا سمير فاالدار و دينا أكسال برك و قلنالو يوصلنا للسبيطار ******وصلنا و كنا نجريو و أنا كنت خايفة بززاف سقسينا الفرملية على الغرفة و لقيناها بقينا نستناو حتى خرج الطبيب منها و قاللنا: حالتو ماشي خطيرة بززاف مي يلزم يريح روحو السكر هبطلو و هاد شيء خطير باسكو ماكلاش دواه اليوم فالصباح و هو type 2 تسما ساهل و لازم ياكل برك دواه، اتهلاو فيه.
انا : نقدرو ندخلو نشوفوه ؟
الطبيب : وي نورمال و كي يخلاص السيروم يخرج. انا : اوك
دخلنا و شفتو كان نايض و باين بلي كان عيان.
انا : بابا راك بخير؟
بابا : حمد لله ماتتقلقيش
يما : علاش ماكليتش دواك حاب تخليني وحدي؟
بابا : يا مرا الدوا غالي و ماعنديش دراهم باش نشريه لازم نتهلا فيكم هاداك هو الصح و نتي يارانيا السبت ولد علي جارنا ريان جاي يخطبك وجدي روحك يابنتي و نورمالمو فهملك كلش.
رانيا : ايه علابالي و مانيش واجدة
بابا: علاه؟
رانيا : ماحاش نكون عبء عليك نتا راك مريض لازم تشري دواك و تتهلا فروحك ماحاش نزيدلك مصروف.
أكسال : ثح بابا ثح لازم تثري ذواك باث تبلا  و غذوا تثريلي ثوكولاطة ياااي! ( صح بابا صح لازم تشري دواك باش تبرا و غدوا تشريلي شوكولاطة ياي )
ضحكنا كامل عليه و على براءتو.
بابا : ريان قالي أنا المسؤول علىا لخطبة و الدراهم و كلش ماتتقلقيش و الدوا غدوا نشريه.
رانيا : كيما تحب .
خلاص. السيروم و رجعنا للدار و عيطت لنور حكيتلها و تاني ريان و تفاهمنا غدوا نخرجو باش نحوسو و نشري شا نلبس للخطبة و أنا كنت فرحانة بززاف بويسك حلمي تحقق ههههه .
نضت الصباح على العشرة غسلت و طميت شعري كوتشوفال و لبست سروال جينز زرق مع ليكات غوز بوردو و باسكات بيشا و زدت جاكيت زرقة جينز و خرجت تلاقيت مع نور و ريان بصح جاب صاحبو واحداخر 😉وسمو هشام بقلاوة تاني و ضل يشوف فنور هههه و هي تاني هههخ المهم تفارقنا أنا و نور رحنا نديرو شوبينغ دخلت لوحد الحانوت أنا وياها و بقيت نشوف فليروب هادوك كانو  كامل شابين، شفت وحدة جاية نواغ sur taille طويلة وسانتري مستورة شوية و عندها بيير بلون شابة بزااف عجباتني شريتها و نور شرات غوب حمرا ميني عندها بروتال ننواغ و شريت طالون كومبونسي هايل جاي فالنواغ تاني و شريت معاها لي زاكسيسوار ، أومبعد عاودنا تلاقينا مع ريان و هشام.
ريان : شانديرو دوك؟
هشام : نروحو للريستورون و لا واش قالت نور؟
نور : ااا ايه اوك
رانيا تهمس لنور : السيد طاح على راسو و نتي تاني طحتي على راسك ههههههه
نور : بلعي رب فمك و لا نقلعهولك.... يتبع