KING AGUS [ MAFIA'S QUEEN]

04

Jieun pov

" Teh reng a hmasa berah a naupang ber jeon jungkook kum 22 niin jeon enterprise neitu te fapa ani. Mi hausa an nih sia eng vangin nge hetiang hian a om inti maithei a chhan chu heng mafia ho nen hian rei tak an in hriat tawh vang ani, jeon jungkook pawn lama fel hmel em em mahse mit khap kar loah a that hreh lo ang che, tual thah case pawh nei nual finfiah na a awm pawn awmloh pawn anu leh pa fapa duat anih avangin jail a tang thei chi ani lo. A dawt ah kim taehyung ani pawh hi jeon ang tho kha a ni pawn lama fel hmel tak chhung lamah chuan lung ang maia chang thah hreh reng reng lo tur tho che ni, ani ve thung hi chu ka hriat dan in mi dawp chhuah lam ati ber apa hian ram hrang hrangah hotel anei a, a fapa hming chawiin TAE REST hotel ani. PARK JIMIN drug dealer, ani hian an hnuai a drug sem chhuah leh chhawn ho a en fiah thin. Kal sual emaw lo hlep ru an awm chuan a that, chu chu ni tawp a chhungte hi car accident an thi a an sawi dan phei chuan unau hmeichhia ala nei a tun thlenga hmuh ala nilo. Jung hoseok,  ani hi chu silai chi hrang hrang a ruka tawlh ru thin ani. Heng ho in illegal ni mahse police te hriatpui na vek ani, police ten an sawisel ngamlo, thah an duh te nih loh chuan. Jung hoseok hi chu south korea a lawyer tha ber fapa neih chhun ani a. Apa hian an tan court ah a din sak ziah bawk. Kim namjoon, club anei stripper club, mi naran luh theih loh multi millionaire ini te anih ngawt loh chuan chu club ah chuan luh ngaihna a awmlo. Ani ve thung hi chu, anu leh apa south korea doctor tha ber ber te an ni a, south korea a damdawiin lian ber KIM HOPE hi an ta ani. Kim seokjin ani hi chu hacker niin, apa hi south korea a assembly man ani a. A tawp berah king agus a hming tak hriat loh, a hmel hriatloh, leh a chhungte lam engmah hriat loh." A sawi zawh chuan a thaw huai a.

"Soyeon engtin nge police pawh ni la ti em em hi i hriat a mafia members te chu an in thukru hle lo mi?" Kan zinga pakhat chuan a zawt a .

" Heng information hi mi naran hriat theih ani hlei nem, kei tak ngial pawh heng ho hi captain office ami ka lak ruk ka chhiar ani a. Ka la tih an hriat khan kan nih na hlih sak mai bakah, thih emaw jail ka pan tur ania. Mahse ka tlan chhuaklh na lamah heng mite hian min man ta ni"  soyeon chuan a kut a en a.

"Mahse misual information inhriat vangin eng vangin nge nangmah jail ah i tang  emaw thah inih zawk anga?" Ka zawt a.

"I hrethiam lo mi heng mite hi an pawimawh lutuk a, south korea government in engmah tih theih a neilo." Min chhan pah chuan a ham a.

" Kei chu ka mu tawh mai ange" tih pah chuan ka khum te reuh te ka len chan chan naah chuan ka va mu a.

Midang pawh chu an mu sang sang maia light an off hnuah chuan naktuka min tih dan tur mawlh chu ka ngaihtuah a. Eng mafia pawn min la se an sual in an nun rawn hmel vek bawk si, thlang thei dinhmun ah pawh om ni ila ka thlan theih ka ring mawlh lo. Mahse ka ngaihtuah let a kha mipa hmeltha vun nalh tak mai a aw thum mai em em mai si, khang thisen tam tak karah pawh a rim tui tak chu ala awm tho, a tawng tlem em em a. A-

Enge maw ka ngaihtuah tlan chhiat dan tur emaw engemaw ni tal ngaihtuah ka ngai!

------------------

Kawngkhar beng ri vak vak ri hi ka hria a, a tawp theih loh vang chuan ka ka harh a.

Kawngkhar lehleh a tang chuan "tho vek ang che u tunah tlai darthum a ri tawh, nakinah kawr ka ron pe ang che u in hak tur chumi hma chu lo inti fai vek ang che u." A pen ri chu a hla tial tial a.

bathroom chu an in luh chhawk a, a tawp berah chuan ka hun ani ve ta a. Ka luh meuh chuan dar 4 alo pel hret  tawh. Ka inbual zawh chuan toothbrush la hawn loh chu ka hawng a, ka ha chu ka nawt tan a. Ka ngaihtuah a ka nun, hetiang em em a vanduai tur hian enge ka tih sual ni? A hmasa berah nu leh pa ka neiloa, thiann pakhat chauh ka nei a , ka lawm lo pawh nilo in school ka kal lai pawn hmeichhia in min kawm an duh ve ngai lo. Ka hausa loa engmah ka neilo khawvel a ka neih chhun ka thian tha ber solomon tang lah in min la hrang bawk si tunah lah.

Ka ngaihtuah hian kha mipa mak tak mai kha soyeon in a hmel hriatloh atih danah, tukina news kha a hmulo anih hmel a an taksa nizana ka hmuh reng reng pawh khan nizan lawka lak chu an nilo tih a hriat hlom renga. Engpawh nise khapa kha a dam tawh ang chu maw , a hliam kha a thuk ang reng sia.

Thawhuk pah chuan bathroom tang ka chhuak a, kha mipa khan kawr alo sem vel mek a. Kawr pawh ni em em lo lingerie bra leh kekawrte ni ber. Ka hming alam chuan ka va kal a ka ta tur chu ka la a. Pawn lamah chuan hlau thawng lo ang hian ka lo lang maithei dik tak chuan ka hlau lutuk min hralh ta se engtin nge min tih dawn pawh hriat hlei loh sex slave te pawh ka ni thei , khawvela ka thil duh loh ber ani. Min that nghal maithei bawka. Engpawh nise ka intih chak hram hram angai, solomon tan tal pawh.

Ka thil hak tur chu a dum ve ve ani a. Midang ta rawng chu a sen te, a pawl te ani a ka ta ve a dum. An in phelh sup supa a an ha tan a. An zak lo mi le? Kei chu a kil deuh ah kal in ka va in thlak a. Ka in thlak zawh chuan ka bulah soyeon a ron kal a.

"Jieun lo kal roh i make-up ka lo tih sak ang che" dressing table bulah chuan ka thu a.

"Soyeon" ka mittui chu a tla tep a " ka hlau....mi-min th-that angem? Mi-min pawng-su-sual angem" ka mittui chu a tla nge nge a.

" A pawi ka ti i zawhna chhanna ka nei hauh lo mahse, engpawh thleng se inti chak rawh. Hmeichhe chak tak inih ka ring tlat ania aw" ka mittui chu min hruk fai sak a "khawi le ka lo che ang che, kan lu a silai mu a luh kan duh loh chuan an thu hi awih zel phawt mai ang u"

Min chei zawh chuan mak tak mai chuan keimah pawh ka anglo zawk.  Make-up ka hman ngailoh vang pawh ani maithei.

" Jieun i hmeltha lutuk" minti sup sup mai a, ka nui a , tuman hmeltha min la tih ngailoh vang pawg ni maithei.

"Pft, ka tha zawk" jina chuan alo ti a.

" I muttui phah na nih chuan ni mai teh se" ka nin em avang chuan ka chhang let a, miin an duh duh dan hian min hruainkual nasa tawh lutuk a ka kha tawh.

Min chhan let a tum lai tak chuan mipa chu alo let a.

" A hun tawh e"

A hun tawh e, ka thih ni emaw ka zahawmna ka hlauh ni tur, heni hi ka theihngilh pawh ka ring tawhlo.

_________________________________

Vote & comments <3

A hma mi kha ka a dik loa a ron ti tha leh ani.