#البارت_الثاني
وسق : كل الصار اني صافنه عليهم ماعندي كلمه احچيها مصدومه وارجف جرتني عمتي وشمرتني بالباب ضليت واكفه ماعرف شسوي لا تلفوني لا ملابسي كمت ابجي وين حروح بهالليل واني بنيه ياربب سترك دكيت الباب واني منتهيه من البچي على الاقل ينطوني ملابسي وتلفوني ، عمهههه بس فتحيي الباب
عمتي رحاب : شتريدين ولج لتفضحيني بتالي الليل
وسق : بس اريد غراضيي ، دخلت للغرفه وزوجها يباوعلي بـشماته شويه وطلعت لامه ملابسي بالجنط حطتهن بالباب وشمرت ملابسي الباقيات بوجهي وشمرت التلفون عليه وسدت الباب مچان عندي كلمه غير حسبي الله ونعم الوكيل حطيت ملابسي الباقيات بالجنط جريتهن وكعدت على الرصيف ابجي وماعرف شسوي ووين اروح بـهالليل تمنيت بهاللحضه اموت واروح يم اهلي ياربب ماعندي غيرك يتيمه ارحم بـ حالي واسترني لزمت تلفوني مكسوره الـشاشه مالته اجتي ببـالي خاله اسراء ماعندي غيرها دكيت عليها شويه وجاوبتني
اسراء : الو
وسق : مكدرت احجي كمت ابجي
اسراء : الوو وسق خير حبيبتي بيج شي ليش دتبجين
وسق : عمتي طردتني خاله وماعندي غيرج فدوه ساعديني
اسراء : صخام الصخمني وين انتي
وسق : بالشارع
اسراء : دليني بيت عمتج هسه جايتج اني وحمزه ، دلتني وسدت التلفون
حمزه : شكو ماما منو هاي
اسراء : وسق بت ناديه مو كتلك راحت يم عمتها هسه عمتها طاردتها والبنيه بالشارع خنروح ناخذها بسرعه
حمزه : ياااا خطيه بدلي بينما احضر السياره ، رحنا اني وامي دلتني الحمدلله مطولنا وصلنا للمكان شفت بنيه مدنگه دتبچي وحاطه ايدها على وجها ممبينه وكفنا يمها نزلت امي تركض عليها راسا حضنتها شكلها يكسر الخاطر منتهيه من البچي ومتگدر تحجي بس تشهك
——————————————————
وسق : دليتها وضليت كاعده ابجي وميته من الـخوف الشارع فارغ واضلم يخوف ، حطيت ايدي على وجهي وابجي بـ حرگه على المذله الـ اني بيها ياربب احميني وقويني اواجه هـالدنيا وحدي اذا القريب هيج سوه بيه الغريب شـ حيسوي يارب ماريد بس سترك ، سمعت صوت سياره باوعت ممبين منو بيها متت من الـ خوف وكفت يمي نزلت خاله اسراء ركضت عليها حضنتها وابچي
اسراء : شكو حبيبتي شهالحاله شصار شلون تشمرج بالشارع بهالليل شصار
وسق : مجنت اكدر احجي من الـبچي
YOU ARE READING
خلقت لك 💗🔏
Romanceتروي القصه حكايه فتاه تفقد اهلها في ليله وضحاها ، فـ تحدث سلسله من الاحداث التي تمر بها هذه الفتاه لـ تعتمد على نفسها وهي وحيده وعاجزه بلا مؤى ولا سكن ولا سند ... 🥀
