#البارت_الـ 12
بعد مرور شهر ....
سيف : ها وسق بشري مخلصتي
وسق : اجيت اجيت هاهيه خلصت ، حلو لابسه ؟
سيف : اي كلش حلو يلا بس امشي حتتاخرين لازم تشوفين جدولج
وسق : صدك سيف علا كالت اجي وياكم ماروح ويه هيثم
سيف : ديلا حته نلحك عليها
ام سيف : متتريكون
وسق : لا خاله منلحك بس سويتلج ريوكج وحضرت دواج ووقت دواج اني ادك عليج واصلاً حطيته يم راسج حته متكومين
ام سيف : الله يوفقج يمه
وسق : تسلمين ، بوستها وباوعت على نفسي مره اخيره چنت لابسه بنطرون قماش اسود وقميص ابيض ولافه على ركبتي ربطه قصيره اسود واحمر وحذاء كعب احمر وشعري لامته كله ومنزله خصل على وجهي ، صعدنا بالسياره دكيت على علا حته تطلعنا ومنتاخر لكيناها واكفه بالباب
علا : گعدت الصبح واني بـكامل حماسي لاول يوم كليه غسلت وجهي وشسورت شعري على السريع و لفيته من جوه بالشسوار لبست تنوره قصيره سوده بيها شيالات مثل الاوڤر منفوشه شويه وقميص ابيض منقط اسود دخلته بالتنوره وحذاء وردي فاتح ومكياج وردي باوعت لنفسي كلش حلوه طالعه شربت حليب عادتي الصباحيه شويه ودگت عليه وسق طلعتلهم بالباب اجوي صعدت ، ها شلون طالعه
وسق : تجننينننن
علا : ليش محاطه مكياج
وسق : مالي واهس والله
علا : اموتجج ؟؟ الله كريم اله اعودج عليه صبريلي
وسق : ههههه يعني محلوه طالعه ؟
علا : تجننين ولج
وسق : والله
علا : والله بس غير تغيير
وسق : همستلها ، خليتيني انضف وجهي والله شنو تغيير كصيت كذلتي تغيير محيخلص التغيير مالتج
علا : لاا بربج محسيتي بتغيير من سويتي وجهج
وسق : اييي هذا كافي
علا : زين ع الاقل شي خفيف حمره كحله عليمن اشتريتي المكياج ؟؟
وسق : كلتلكم لتشترولي انتوا اصريتوا
علا : باوعتلها صفح ، سيف شو ذابها ع صامت
سيف : چنت دافكر بـ شهد زعلانه لان حجيب واودي البنات ومنكدر نطلع بعد حتتخبل من وجود وسق وعلا اني حاسبهن مثل خواتي بس هي نهائي متقنع حتخبلني فززتني من تفكيري علا ، هاا ماكو شي شاحجي
علا : شمدريني شاركنا
سيف : ششارككم بـ لون الحمره لو رسمه الكحل
أنت تقرأ
خلقت لك 💗🔏
Romanceتروي القصه حكايه فتاه تفقد اهلها في ليله وضحاها ، فـ تحدث سلسله من الاحداث التي تمر بها هذه الفتاه لـ تعتمد على نفسها وهي وحيده وعاجزه بلا مؤى ولا سكن ولا سند ... 🥀
