نهوة يتيمه

البارت الثاني

ايه: بمدينة الالعاب صاعده بلمرجوحه واكل شعر

بنات. واضحك لعبت بكل الالعاب وشتريت ملابس

حلوه. وفرحانه حيل. وسمعت صوت صياحح اكعدي

الفكرر. كعدت وعرفت جنت احلم. وحلمي عندي

ملابس جديده وحلوه واروح للعاب بحياتي مارحت

ولاطلعت من هذا البيت الجحيم ماطالعه ولااعرف

لحياة ورى هذا لباب شنو. عايشه حياتي برعب

وخوف من الضرب الي اخذه بدون اي سبب واني

لخدامه لهذا البيت الصغير والجبير يتأمر عليه واذا

كلت ماسوي هذا الشي احسب نفسي متكسره لو

مخليني بلمخزن ويقفلون لباب عليه وضلمه اني

اخاف من الضلمه بس عمتي زينه وياي تدافع الي

ومرات ماتكدر بسبب عمامي. يتجاوزون عليهه

يكولون الهه احنه معيشينج ويذبون حجي هيه

تنقهر. وتكعد تبجي. بيبتي تسميني وجه النحس

تكرهني واذا تشوفني تضربني تكول بسببج مات

ابني واني عايشه لهذا اليوم ويه وحوش محد يرحم منهم.

رزان: انتي هييي مو دااحجي وياج

ايه: هااا

رزان: وجعاا كولي آمري

ايه: آمري

رزان: اخذي هذن ملابسي واغسليهن ونضفي غرفتي

ايه: حاضر نضفت غرفتهه وغسلت ملابسهه خلصت

رحت ردت ارتاح

فرح: انتي الفگر تعالي بساع

ايه: خير

فرح: هوه ليشوف وجهج منين يجي الخير. معيشين

بومه ويانه بلبيت يله ولي اغسلي لمواعين كلهن

ورتبي لكاونتر

ايه: حاضر. غسلت لمواعين لحد ماهلكت عائله جبيره

همه. ومواعين كومه نشليت شل يله خلصن

زينب: وجه النحس

ايه: اوف ياربي وبعدين رحت الهه وكلت هاا

زينب: امسحي لبيت واكنسي

ايه: والله تعبت متحسون انتو. بس شوي ارحموني بس اكرب

زينب: عمه عمه شوفي ايه تتجاوز عليه بله اني

بكدهه. وتصيح عليه مو عيب هلحجي

اجتي بيبيتي ولازمه. لعوده مالتهه وكسرتهه تكسر

عليه بقيت ابجي. بدون صوت وكالت اللهم ممنوع

تنطوهه اكل. عقوبه الهه. تعلمت دائمن انام جوعانه.

نمت.  ثاني يوم الصبح واجتني ميرا

ميرا: دتدول ماما تعاي نثفي (تكول ماما تعاي نضفي)

ايه: هسه اجي حبيبتي. وبستهه ميرا متعلمه عليه

لين امهه دائمن تطلع وتبقه يمي تشمرهه عليه.

تعودت عليه بس شنو لفايده هم تكبر ويعلموهه ع

لكره والحقد الي شايلينه. كمت گوه. جسمي مكسر

نضفت لبيت بس طبخ ميخلوني لين مره كللي سوي

اكل وحركته وتابن بعد همزين هاي رحمه من الله

ماعرف اطبخ. انتضرتهم تغدو ماكعد وياهم الحجيه

متقبل. واني صارلي يومين مماكله بس محد يهمه.

اكل اموت. خلصو شلت الاكل وكعدت اكل بلمطبخ

وغسلت لمواعين رتاحيت خلصت جابولي صينيه

الاستكاين غسلهه ورحت لغرفتي هيه مو غرفه

مخزن جوه لدرج يصير بس بي باب صغير حيل

وفراش بلكاع وعندي خانه صغيرونه بيهه ملابسي

ومبرده ماكو بس ع لبنكه وحااره لدنيا صيف بس

يبقه بلنسبه الي عالمي ومكاني الآمن. لين بس هوه

الارتاح بي لين انام هنا لو بره حتى دوس يدوسوني

لحيوان يعطفون عليه اكثر مني. نمت كعدت الصبح

سبحت وبدلت ملابسي مال رزان لقديمات الي تذبهن

ينطوهن الي مره وحده شترولي ملابس جانت بعرس

عمي الصغير وبعد ابد محد اشتره الي طلعت نضفت

ونتضرتهم يخلصون واكلت وغسلت لمواعين وبدت

المؤامرات حتى الخدامه احسن مني جيبي هذا

وودي هذا واغسلي هذا بس غرف الولد ممنوع ادخل

اللهن هم رحمه هاي منهم. بس ميدخلون بيه. امير

مسافر من عمري 6سنوات ماذكر شكله هوايه يدرس

بلخارج لين هوه يدرس طب وسامر. يطلع يشتغل

يرجع بليل احنه نايمين. بس كيان مشكلجي وسوالفه

مكسره ويغلط ويفشر ع رايح والجاي .........يتبع

الكاتبه noor