ايه جنه نازلين من الدرج اني وامير وفرحانين
واجتي امه صارت گبالنه وتصيح متزوجهه الا ع
جثتي خفت من كلامهه ولزمت ايد امير
امير: يوم شنو هلحجي اني متزوجهه بلشرع وبقه
بس القانون ورايحين نسجل زواجنه وانتي تعرفين
من اخلي شي بالي اسوي محد يگدر يوكفني
ام امير: بس اني امك واگدر اوكفك مو تجي بعدهه
بكد نعال وتسمع كلامهه وتطنش امك ياحيف تربيتي
بيك. سوتك محبس باصبعهه تاخذك منا وتجيبك م
منا. عود مكيفه عدي زلمه طلع محبس بيد زعطوطه
امير: كااافي 😡 حتى لو جنتي امي ماسمحلج هيج
تحجين لازم تحترميني اني مامقصر وياج بأي شي.
بس انتي لتهينين بيه كدام مرتي وماخليتولي حترام.
اذا مترديني عادي اطلع وبعد ماتشوفيني.
ام امير: اذا تزوج هاي الحيه ماريدك اني انته مو
ابني ولا اني امك
امير: خووش الله كريم يله ايه مشينه سحبت ايه
وطلعنه وشرار يطافر من عيوني. مهما يكون صعبه
واحد ينهان كدام مرته حتى لو كانت امي ولبنيه
ممسويه شي. بس الشر عمه ع عيونهه رحنه للمحكمه
وتزوجنه. رحنه للمطعم دخلت ايه گوه تكول ماشتهي
بسبب المشاكل الصارت واني هم بس گوه بقيت
اضحك علمود اغير من نفسيتهه واكلنه شوي واخذت
الباقي سفري. وطلعنه بلسياره وصلنه للبيت صعدت
ايه. وكلتلهه اقفلي الباب وممنوع تفتحينه لاي واحد
سمعتي. وطلعت وقفلت الباب ..........
ايه: بعد الي صار خفت من عمتي ام امير هوايه كلت
اكيد راح تذبحني لو تسويلي شي لين تخوف هيه.
وصايره عصبيه بعدين تبرت من امير تكوله انته مو
ابني وامير هم صار عصبي ورحنه تزوجنه حتى
لفرحه ماحسينه بيهه من وراهه. ضجت حيل دخلنه
للمطعم امير حاول يلكف الجو بقه يشاقه ويسولف
بس اني اعرف بي ضايج حاول يخليني اكل اكلت
بس لكمتين واخذنه الاكل شو صعدني فوك وكال
ممنوع تطلعين وقفلي الباب خفت شرلح يسوي امير
اني ممرتاحتله من كلام امه ضاج حيل. صار الليل.
وهوه ماكوو دگيت عليه نطاني رفض يا وينه. كلت
بس لا صاير اله شي اخر شي ندك باب الغرفه صحت
منوو..........يتبع
الكاتبه;:noor
لاتنسون تصويت
YOU ARE READING
نهوة يتيمه
Romanceتتحدث القصه عن فتاة تركتها والدتها ويتيمة الاب تمت تربيتها من قبل اهل والدها. الذي لايعرفون الانسانيه ك الوحوش ويتم تعذيبها من قبل نسائهم ولم يكفي ذالك ييريدون تزوجيها بسنها الصغير. القصه بلهجه العراقيه 👇
