السلام عليكم ورحمة الله وبركاته
بسم الله نبدي وب الحمدلله ننهي...
اللهم صل على محمد وآل محمد وعجل فرجهم وسهل مخرجهم
قبل لا نبدي الرواية اريد انبهكم الي يغلط والي يتجاوز والي يكتب تعليق مسيء راجع عليه واني بريئة من ذنبه يمكن اكو اشخاص ميتين تحجون وتغلطون وبعدين تندمون والي مايعجبه الاحداث يطلع يعوف القصة او ينتقد بأحترام وعلى راسي كل ناقد محترم ♥️♥️♥️
يالله نبدي بأول قصتنا 😍
البارت الاول....عشكت طليقي الشيخ.... (ابناء السادة)
تخونا الذاكرة دائماً من نتذكر هذيج اللحظات الحلوة مرات ذكرى سيئة يرفض عقلنا الرضوخ الها لذلك تصير بذاكرتنا على شكل خيال او حلم...
الذاكرة مو قوية بس اذكر كالعادة هاي كعدة جدو بالحوش لأن ماعدنه هول بيت جدي جان مكشوف جانت احلى ذكريات...
هالكعدة على الصبه الي بجانب الغرف على شكل نص مربع والحوش الباقي تراب..كعدة جدو المعتادة والكدو مالته معمرة...
الكدو هو ناركيلة قبل تصير فخار الشيشة مالته والصونده عبارة عن كصبة بس ويدخن تتن عادي مو معسل مثل هسة واشكال يتنكه...
شاعلين نار بنص الحوش هاي عادة كل ليلة واحنه الجهال نصايح ونلعب وكل شوي عمي صاح كعدو ولكم لا اصيح للجلب عليكم...
بس احنه نكعد شوي ونوكح ردود..جانت حياة بسيطة بس ضحكاتنه واصلة للجيران دوم فرحانين بأبسط الأمور...احلى ذكريات تطبع بالذاكرة للطفولة الحبيبة...
حب شمسي وعمامي ويه جدي وراديو مالته رنان وكالعادة يتناقشون بأمور سياسية..ويحجون عن ومعاناتهم من النظام...
جنت طفلة بس ذاكرتي تتذكر بعض اللقطات واللحظات وبليلة من الليالي فزيت من النوم على صوت ابوي وهو يكول صار انزال...
ماعرف شنو معناه بس متت خوف من شفتهم مخبوصين همه ماخايفين جانو بس احنه الجهال والنسوان خافو...
جان جدي اجشع شخص بالبيت ولاهامه صار انزال للجنود الامريكان وهو عالسطح يريد يشوف عدل..ابوي وعمامي ينزلونه مايقبل...
يكلوله هسة قناص يقنص راسك..يكلهم خلي اموت شباقي بالعمر وابوي يشيط ويسحب بي مايقبل ينزل...
ليالي سودة ونهار اسود جان علينه لحظات صعبة احنه بيت جدي صاير كبال قاعدة جنود..وصار قصف فوك راسنه....انه لبدت جوى جرباية جدي الحديد وابجي ومغطية ذاناتي...
جدي متعود على عالحروب وماخذ منها نصيب كبير وماخذه منه خير من الله اعزاز..ظل يضحك عليه ابجي من القصف ومغطية ذاني...اخذني لحظنه يهدي بيه يكلي جدو ماكو شي لا تخافين هاي حدايد ماكله فاصولية وجاي تشمر هواها علينه...
![](https://img.wattpad.com/cover/227247484-288-k720277.jpg)
ESTÁS LEYENDO
ابناء السادة
Romanceعندما تكثر ذنوبك وخطاياك لا تيأس استغفر ربك انه غفور رحيم حتى لو كانت بحراً من الذنوب يغفرها فهو رؤف رحيم بعباده.... قصتنه مختلفة نوعاً ما وحالة عشك غريبة ومن نوع آخر عشك ناس مؤمنين...ابناء السادة من احفاد رسول الله صل الله عليه وآله... يقول الامام...