القط ذو الأعين الذهبية

اقتباس 😂

يجلس على سريره مندهشا من هذه المخبولة التى لم ير مثلها  فى حياته يود لو يقول لها من أنت ؟
-يلا افتح بوءك هم يا جمل
-نعم يختى؟!
-بقولك اى بطل شقاوة واسمع الكلام
-ها
-دة هيفضل مبحلقلي كتيير انا أمورة أنا عارفة ها
-انتى طبيعية قصدى يعنى مش فيكى جنون او حاجة
-هااا😲😲
-اصلي لسة مقابلك امبارح وانتى عاملة نفسك ماما ولا اقولك انا أمى رامية طوبتي أصلا مبتعملش عمايلك دى هى بس همها حاجة واحدة انى ات
ولم يكد يكمل جملته حتى وجد تلك المرأة المصرية الأصيلة تدخل بكل عنف للغرفة
-ربنا يهدك يا مازن يا ابن بطنى الله يخربيت أم دى شغلانة انا كنت معترضة بس اقول اى ابوك الله يسامحه بس انا مش مسامحاه دنيا وآخرة هو إللى دخلك كلية الشرطة وقال اى البنات هيقولوا على ابنك الظابط الحليوة راح الظابط الحليوة جه جتك وكسة منتا اهو متجوزتش و٣٠ سنة
اهههه٣٠ سنة يا ضنايا  تلاتييين😭
قلب مازن عينيه بملل من تلك المحاضرة المحفوظة
وفجأة لاحظت الام تلك الحسناء الواقفة بجوار ابنها
لمعت عينيها بمكر
-اى دة يا مازن يا حبيبي مش تعرفنا
-دى يا أمى ااا
-أنا رنا يا طنط تانية علاج طبيعي صاحبة ميا قريبة حازم صاحب ابنك اتعرفت على ابنك امبارح ااة وسنجل كمان
لمعت عيني  الام أكثر
-اة يبنتى شكلك بنت ناس ومحترمة اوى ولايقين اوى اوى على بعض عصافير يا بسم الله ما شاء الله عليكو  عايزين تتبخروا بس بقولك اى رقم والدك اى بسرعة
-اتفضلي يا طنط
-لا طنط اى بقا انا من هنا ورايح ماما سوسو
كل هذا تحت أنظار هذا الراقد لا حول له ولا قوة
ما هذا  الم يكن فى مهمة خطيرة منذ ساعات ونجا من الموت بأعجوبة وها هو على سرير المشفى عيناه الخضراوان متسعتان على آخرهما وكأن هاتان المرأتان كائنات فضائية بالطبع هما كذلك
وأمه هذه لم تسأله بل لم تترك له فرصة ليوضح لها من هذه المجنونة إنها تعامله كفتاة عانس 
-حسبي الله ونعم الوكيل
قالها وهو يمسك قلبه ثم نام لعله كابوس
#مازن ورنا الثنائي المرح 🤣