البارت ٣٣
قصة النوك الحمر الكاتبة مريم السعدي
ﻳﺲ - ﺭﺟﻌﻨﺎ ﻧﻤﻨﺎ ﻭﺍﻧﻲ ﻣﺜﻞ ﺍﻟﻤﺸﺎﻳﻒ ﻭﺷﺎﻑ ﻭﻫﻲ ﺣﺒﻴﺒﺘﻲ ﻣﻄﻴﻌﻪ ﺍﺩﺭﻱ ﺑﻴﻬﺎ ﺧﺠﻠﻬﺎ ﻭﺍﻟﻤﻬﺎ ﻣﺎﻧﻌﻬﺎ ﻣﻦ ﺗﺘﺎﻟﻒ ﻭﻳﺎﻳﻪ ﺑﺲ ﻳﺠﻲ ﻭﻛﺘﻬﺎ ﺗﺮﺳﺘﻬﺎ ﻏﺰﻝ ﻭﺣﺐ ﺣﺎﺿﻨﻬﺎ ﻭﻻﻑ ﺍﻳﺪﻱ ﻋﻠﻴﻬﺎ ﻣﺜﻞ ﺍﻻﺧﺎﻑ ﺗﻀﻴﻊ ﻣﻨﻲ ﻭﺍﻫﻤﺲ ﺑﺎﺫﻧﻪ . ﻛﻠﺴﺎ ﻭﺳﺎﺋﻠﻬﺎ ﺗﺤﺒﻴﻨﻲ ﻭﻫﻲ ﺗﺮﺩ ﺏ
ﻣﻢ ﻫﻤﻢ
ﻭﺭﻭﺣﻲ ﺗﻜﺘﻔﻲ ﺑﻬﺎﻟﺸﻲ ﻭﻛﻠﻲ . ﺛﻘﻪ ﺑﺼﺤﻪ ﻛﻼﻣﻬﺎ ﻣﻮ ﺑﻴﺪﻱ ﻣﻦ ﺍﻗﺎﺭﻥ ﺍﻟﻜﻼﻡ ﺍﻟﻤﻐﻠﻒ ﺑﺎﻟﻜﺬﺏ ﻗﺒﻞ ﺑﺼﺪﻗﻬﺎ ﻫﺴﻪ ﺩﺍﺍﻋﻴﺶ ﺍﻳﺎﻡ ﻣﻦ ﺍﺟﻤﻞ ﺍﻳﺎﻡ ﺣﻴﺎﺗﻲ ﺗﻤﻨﻴﺖ ﻧﻨﻪ ﻋﺪﻟﻪ ﺑﻜﻞ ﻟﺤﻀﻪ ﺍﻓﺮﺡ ﺑﻴﻬﺎ ﺑﻜﻞ ﻧﻀﺮﻩ ﻣﻨﻲ ﺍﻟﻬﺎ ﻭﺍﺭﺩﺩ ﻛﻮﻥ ﺍﻣﻲ ﺗﺸﻮﻑ ﺑﻌﻴﻮﻧﻲ ﻫﺎﻟﻔﺮﺣﻪ ﻭﺍﻟﺮﺍﺣﻪ
ﻳﺲ - ﻓﺮﺡ ﻭﻳﻦ ﻓﺮﻭﺣﻪ ﺑﺎﺑﺎ ﺩﻛﻮﻣﻲ ﻋﺎﺩ ﺩﻧﺘﺮﻳﻚ
ﻛﺎﻋﺪﻩ ﺑﺎﺑﺎ ﺩﺍﺭﺗﺐ ﺍﻟﻬﺪﻭﻡ
ﻓﺮﺡ - ﻫﺎﻟﻔﺘﺮﻩ ﻛﻠﻬﺎ ﻛﻤﺖ ﻣﺎﺍﻃﻠﻊ ﺻﺪﻗﺎ ﻣﺎﺭﻳﺪﺍﺷﻮﻑ ﻭﺟﻬﻪ ﻭﻣﺎﺭﻳﺪ ﺣﺠﺎﻳﻪ ﺗﺠﻲ ﻟﺒﺎﺑﺎ ﺑﺲ ﺑﻠﻴﻞ ﺑﻠﻴﻞ ﺍﺧﺘﻨﻚ ﻭﺍﺷﺘﺎﻕ ﻟﺒﻴﺒﻲ ﻭﻧﻮﺑﺎﺕ ﺣﺘﻰ ﻟﻤﺎﻣﺎ ﻣﻮﻭ ﺑﻴﺪﻱ ﺭﻏﻢ ﻛﻞ ﺍﻟﺴﻮﺗﻪ ﺑﺲ ﻛﻠﺒﻲ ﻳﺤﻦ ﺍﻟﻬﺎ ﺟﻨﻨﺎ ﻧﺘﺮﻳﻚ ﺳﻮﻩ ﻧﺘﻐﺪﻩ ﺑﺲ ﻋﺸﻪ ﻧﺎﺩﺭﺍ ﻣﻴﺠﻤﻌﻨﺎ ﻻﻥ ﺍﻧﻲ ﻣﺎﺍﻛﻞ ﻣﺎﺣﺐ ﺍﻟﻌﺸﺎ ﺍﻛﻞ ﻓﺎﻛﻬﻪ ﺍﻛﺘﻔﻲ ﺟﻨﺖ ﺍﺳﺎﻋﺪ ﺧﺎﻟﻪ ﺑﻜﻠﺸﻲ ﻭﻫﻲ ﺍﺑﺪ ﻣﺘﻄﻠﺐ ﺍﻻ ﺍﻧﻲ ﺍﺫﺏ ﺭﻭﺣﻲ .
ﺑﻘﻴﺖ ﺑﻮﻧﺴﺘﻲ ﺍﻟﻜﺘﺎﻛﻴﺖ ﺍﻟﻜﺒﺮﻭ ﻭﺍﻟﺨﻮﺹ ﺍﻧﺴﺞ ﺑﻴﻬﺎ ﺳﻼﻝ ﺍﻡ ﻋﻮﻑ ﺭﺟﻌﺖ ﺗﺠﻴﻨﺎ ﻭﺭﻩ ﻣﻄﻠﻊ ﺭﺟﻠﻬﺎ ﻣﻦ ﺍﻟﻤﺴﺘﺸﻔﻰ ﻭﺑﻌﺪﻧﻲ ﻳﻮﻣﻴﻪ ﺍﺭﻭﺡ ﻭﻱ ﺧﺎﻟﻪ ﻟﻠﺒﻴﺖ ﺍﻟﺠﺒﻴﺮ ﻧﺸﺘﻐﻞ ﻭﻧﺮﺟﻊ ﻛﻤﺖ ﺍﺧﺠﻞ ﺍﻃﺐ ﻟﻐﺮﻓﻪ ﺍﻟﺴﻴﺪ ﻣﺎﺭﻳﺪ ﺍﺫﺏ ﺭﻭﺣﻲ ﺑﻤﺼﻴﺒﻪ
ﻓﺮﺡ - ﺑﻠﻴﻞ ﺻﺎﺭﺕ ﺳﺎﻋﻪ ٢ ﻣﻜﺪﺭﺕ ﺍﻧﺎﻡ ﻃﻠﻌﺖ ﻟﻠﻄﺮﻣﻪ . ﻋﺎﻟﻤﺮﺟﻮﺣﻪ ﺷﻔﺖ ﺍﻟﺸﺎﻫﻴﻦ ﺧﻔﺖ ﺍﺟﻲ ﻳﻤﻪ ﺑﻌﺪ ﺍﻟﺼﺎﺭ ﻣﻦ ﺍﻫﺰ ﺍﻟﻤﺮﺟﻮﺣﻪ ﻳﻄﻠﻊ ﺟﺮﺱ ﻣﺎﻝ ﺣﺠﻠﻲ ﻣﺪﺭﻱ ﻟﻴﺶ ﺗﺨﻨﻜﻨﻲ ﻋﺒﺮﺗﻲ ﻣﻦ . ﺍﺿﻞ ﺳﻬﺮﺍﻧﻪ . ﺍﺭﻳﺪ ﺑﻴﺒﻲ ﺭﻏﻢ ﺧﺎﻟﻪ ﻣﻤﻘﺼﺮﻩ ﻭﺍﻟﻪ ﻳﻮﻣﻴﻪ ﺗﻄﻠﻌﻠﻲ ﻟﻬﻮﻩ ﺟﺪﻳﺪﻩ ﻭﺍﻧﻲ ﺍﻛﻴﻒ ﻟﻠﻔﺠﺮ ﻗﺒﻞ ﺍﻻﺫﺍﻥ ﻃﻠﻌﺖ ﺧﺎﻟﺘﻲ
ﺗﻔﺎﺟﺎﺕ ﻣﻦ ﺷﺎﻓﺘﻲ ﺍﺑﺠﻲ ﻣﺴﺤﺖ ﺩﻣﻮﻋﻲ ﺭﺍﺳﻦ
ﻓﺮﻭﺣﻪ ﻳﻤﻪ ﺷﺠﺎﺝ
ﻫﺎ ﺧﺎﻟﻪ ﻻ ﻣﺒﻴﻪ ﺷﻲ
ﻳﺎﻫﻮ ﺍﻟﻤﺴﺞ ﺑﺠﻠﻤﻪ ﻻﺍﻛﻄﻊ ﺭﺳﻮ
ﻻﺧﺎﻟﻪ ﻭﺍﻟﻠﻪ ﻣﺒﻴﻪ ﺷﻲ ﻭﻛﻔﺖ ﺩﺍﻓﻮﺕ ﻛﺎﻟﺖ
ﺍﻧﻪ ﺍﺭﻭﺣﻦ ﻻﻣﺮﺍﺡ ﻣﺎﻳﻌﺠﺒﺞ ﺗﺠﻴﻦ
ﺑﻘﻴﺖ ﺻﺎﻓﻨﻪ ﻋﻠﻴﻬﺎ
ﻛﺎﻟﺖ
ﻳﻤﻪ ﺑﺮﺍﺣﺘﺞ ﻣﺎﺟﺎﺑﺮﺗﺞ ﺑﺲ ﻟﺤﺘﻰ ﻣﺎﺗﻀﻠﻴﻦ ﺑﺤﻴﺪﺝ
ﻧﺼﻴﺖ ﺭﺍﺳﻲ ﻭﻳﺎﻣﻦ ﺗﺮﻭﺣﻴﻦ
ﻭﻱ ﺍﺑﻮﻋﻮﻓﻲ
ﻳﻌﻨﻲ ﺍﻟﺴﻴﺪ ﻣﻴﺠﻲ
ﻫﺎ ﻻ ﻣﺎﺍﺿﻦ
ﺍﻭﻙ ﻟﻌﺪ ﺍﺟﻲ ﻭﻳﺎﺝ ﺑﺲ ﺧﻞ ﺍﻟﺒﺲ
ﺩﻳﻠﻪ ﻣﺘﺎﻧﻴﺘﺞ
ﻟﺒﺴﺖ ﺑﺴﺮﻋﻪ ﻭﻃﻠﻌﺖ ﺧﺎﻟﻪ ﺟﺎﻧﺖ ﺩﺗﻠﻒ ﺍﻟﻌﺠﻴﻦ ﺑﺎﻭﻋﺘﻠﻲ ﻛﺎﻟﺖ ﻳﺎﻟﻪ ﻳﻤﻪ
ﻃﻠﻌﻨﺎ ﻭﻱ ﺍﺑﻮ ﻋﻮﻑ ﻭﻃﺒﻴﻨﺎ ﻟﻠﻤﺮﺍﺡ ﻭﺭﻛﻀﺖ ﻋﺎﻟﺤﻮﺍﺭ ﺍﻟﺠﻤﻞ ﺍﻟﺼﻐﻴﺮ ﻓﺘﺤﺖ ﺍﻟﺼﻮﻧﺪﻩ ﻭﻏﺴﻠﺘﻠﻪ . ﻭﺑﺪﻟﻨﺎ ﺍﻻﻛﻞ ﻣﺎﻟﺘﻬﻢ ﻭﺧﺎﻟﻪ ﺗﺤﻠﺐ ﻭﻱ ﺍﻡ ﻋﻮﻑ ﻭﺗﺒﺎﻭﻋﻠﻲ ﺗﺒﺘﺴﻢ ﺑﻌﺪﻫﺎ ﺟﻴﺖ ﻳﻤﻬﺎ ﺍﺳﺎﻋﺪﻫﺎ ﻛﻤﻠﻨﺎ ﻭﺻﻔﻄﻨﺎ ﺍﻟﺪﺑﺎﺕ ﻣﺎﻝ ﺣﻠﻴﺐ ﻭﻃﻠﻌﻨﺎ ﻭﺻﺎﺭ ﺍﻟﺴﻴﺪ ﺑﻮﺟﻬﻨﺎ ﻭﺍﻟﺴﺒﺤﻪ ﺍﻟﺴﻮﺩﻩ ﺑﻴﺪﻩ ﻣﺘﺤﺰﻡ ﺑﺎﻟﺴﻼﺡ ﻭﺍﻟﻐﺘﺮﻩ ﺧﻀﺮﻩ ﺍﺑﺘﺴﻢ ﻣﻦ ﺷﺎﻑ ﺍﺧﺘﻪ ﻭﺑﺲ ﻟﻤﺤﻨﻲ ﻭﺭﺍﻫﺎ ﻋﻜﺪ ﺣﺎﺟﺒﻪ ﺯﻣﺠﺮ ﺩﺍﺭ ﻭﺟﻬﻪ ﻭﺟﺮ ﺣﺴﺮﻩ
ﺑﻘﻴﺖ ﻣﺮﺗﺒﻜﻪ ﻣﺪﻱ ﺍﺭﺟﻊ ﻟﻠﻤﺮﺍﺡ ﺍﻡ ﻋﻮﻑ ﺣﺠﺖ
ﺳﻴﺪﻧﺎ ﻣﺎﻛﻠﻴﺖ ﻣﻮ ﺣﻄﻴﺘﻠﻚ ﺭﻳﻮﻛﻚ
ﺍﻛﻠﺖ ﻳﻤﻪ ﺍﻛﻠﺖ
ﺟﺎﻭﺑﻬﺎ ﺭﺍﻓﻊ ﺗﻚ ﺣﺎﺟﺐ ﻣﻐﻀﺐ ﻣﺸﻴﺖ ﺑﻤﻮﺍﺯﺍﻩ ﺍﻟﺨﻮﺹ ﺍﻭ ﺍﻟﺤﺎﻳﻂ ﺍﻟﻔﺎﺻﻞ ﺑﻴﻦ ﺍﻟﺒﺴﺘﺎﻥ ﻭﺍﻟﻤﺮﺍﺡ ﺑﺲ ﺍﻣﺸﻲ ﻟﺴﺮﻉ ﻣﻨﻬﻢ ﺩﻧﻴﺎ ﺳﻨﻄﻪ ﺑﺲ ﺻﻮﺕ ﺍﻟﺠﺮﺱ ﺑﺮﺟﻠﻲ ﺍﻟﺨﻔﻴﻒ ﻛﻠﺶ ﻛﻠﺶ ﻣﺒﻴﻦ ﺍﺑﺎﻭﻉ ﺻﻔﺢ ﻭﻻﻥ ﻻﺑﺴﻪ ﺍﻟﺒﻮﺷﻲ ﻣﺎﺑﻴﻴﻦ ﻣﻦ ﺍﺑﺎﻭﻉ ﺷﻔﺖ ﺍﻟﺴﻴﺪ ﻳﺤﺮﻙ ﻋﻴﻮﻧﻪ ﻳﻤﻨﻪ ﻭﻳﺴﺮﻩ ﻭﺍﺭﺗﻜﺰ ﻧﻀﺮﻩ ﻋﻠﻰ ﺭﺟﻠﻲ ﻭﺍﺣﻨﺎ ﻧﻤﺸﻲ ﺟﻨﺖ ﻻﺑﺴﻪ ﺟﻮﺍﺭﻳﺐ ﻭﺳﻮﺩﻩ ﻫﻢ ﻫﻤﺲ ﺑﺎﺫﻥ ﺧﺎﻟﻪ ﺧﺎﻟﻪ ﺭﺍﺳﻦ ﺑﺎﻭﻋﺘﻠﻲ ﻭﻧﺼﺖ ﻫﺰﺕ ﺭﺍﺳﻬﺎ ﺑﺎﻟﻤﻮﺍﻓﻘﻪ ﻛﻤﺖ ﺍﻣﺸﻲ ﻭﺍﺗﻌﺜﺮ ﺻﺎﺑﻨﻲ ﺗﻘﻠﺺ ﺑﻤﺼﺮﺍﻧﻲ ﻣﻦ ﻭﺭﺍﻩ ﻭﺻﻠﻨﺎ ﻃﺒﻴﺖ ﺭﺍﺳﻦ ﻟﻠﺒﻴﺖ ﺫﺑﻴﺖ ﻫﺪﻭﻣﻲ ﻭﻃﻠﻌﺖ ﻳﻢ ﺧﺎﻟﻪ ﻋﺎﻟﺨﺒﺰ ﻭﺍﻛﻔﻪ ﺑﺼﻔﻪ ﻭﺍﺭﻳﺪ ﺍﺳﺎﻟﻬﺎ ﺍﺧﺎﻑ ﺍﺧﺮ ﺷﻲ ﺳﺎﻟﺖ
ﺧﺎﻟﻪ ﺍﻟﺴﻴﺪ ﺷﻜﻠﺞ ﻋﻠﻴﻪ
ﺻﻔﻨﺖ ﺑﻌﻴﻨﻲ ﻭﻧﺼﺖ ﻛﺎﻟﺖ
ﻻﻣﺎﻛﺎﻝ
ﻛﻠﺞ ﺑﻌﺪ ﻟﺘﻄﻠﻊ ﻣﻮ
ﺭ ﺍﺳﻦ ﺍﻟﺘﻔﺘﺖ ﻋﻠﻴﻪ ﻣﺘﻔﺎﺟﺎﻩ ﻭﻧﺼﺖ ﺗﺸﻠﻊ ﺍﻟﺨﺒﺰﻩ ﻣﻦ ﺍﻟﺘﻨﻮﺭ
ﻫﻮ ﻟﻴﺶ ﻫﻠﻜﺪ ﻳﻜﺮﻫﻨﻲ . ﺑﺮﻃﻤﺖ ﻭﺍﻟﻠﻪ ﻛﺎﻧﻤﺎ ﻛﺎﻥ ﻧﺎﻗﺼﻨﻲ ﻛﺎﻟﺖ
ﻻ ﻳﻤﻪ ﻣﺎﻳﻜﺮﻫﺞ ﺷﻌﺪﻭ ﻭﻳﺎﺝ ﺑﺲ ﺍﻫﻮ ﻏﻴﺮﺗﻪ ﻣﺎﺗﺴﻤﺤﻠﻪ ﻟﻮﻥ ﺍﻧﺘﻲ ﺭﺍﺟﻌﻪ ﻟﺒﻴﺖ ﺍﻟﺴﻴﺪ
ﻫﻮ ﺍﻧﻲ ﺷﺴﺴﺴﻮﻳﺖ ﻧﺘﺮﺕ ﺻﻮﺗﻲ ﻋﻠﻪ ﻛﺎﻟﺖ
ﻳﻤﻪ ﻣﺎﺳﻮﻳﺘﻲ ﺣﺒﻴﺒﻪ ﺑﺲ ﻻﻧﺞ ﻻﺑﺴﻪ ﺍﻟﺨﻠﺨﺎﻝ ﻭﺻﻮﺗﻮ ﻋﺎﻟﻲ
ﺧﺎﻟﻪ ﺍﻧﺘﻲ ﻣﻮ ﻻﺑﺴﺘﻪ
ﺑﺲ ﻣﺎﺑﻴﻨﻮ ﺍﺟﺮﺍﺹ
ﺍﻧﻲ ﻛﻠﺶ ﻧﺎﺻﻲ
ﺍﻫﻮ ﺍﻭﺧﻮﻱ ﺳﻤﻌﻮ ﻛﻮﻱ
ﻭﺍﻧﻲ ﺷﻨﻮ ﺫﻧﺒﻲ ﺑﻌﺪ ﻣﺎﺭﻭﺡ
ﺑﺮﺍﺣﺘﺞ ﺍﻣﻲ
ﻫﻮ ﺍﺻﻼ ﻣﻴﻘﺒﻞ ﺍﺭﻭﺡ ﻣﻮ
ﺑﻘﺖ ﺗﺒﺎﻭﻋﻠﻲ ﺟﺮﺕ ﻧﻔﺲ ﻭﺩﺍﺭﺕ ﻭﺟﻬﻪ ﻭﺷﻠﻌﺖ ﺍﻟﺨﺒﺰﻩ ﻭﺧﻠﺖ ﺍﻟﻠﺦ ﺑﺎﻭﻋﺘﻠﻲ ﻛﺎﻟﺖ
ﻳﻤﻪ ﻓﺮﻭﺣﻪ ﺣﻜﺞ ﻣﻦ ﺗﺸﻮﻓﻴﻦ ﺻﻌﻮﺑﻪ ﻫﻨﺎﻳﺎ ﺑﺲ ﻫﺬﻱ ﻋﻴﺸﺘﻨﻪ ﻭﺍﻟﻠﻪ ﻟﻮﺑﻴﺪﻱ ﻣﺎ ﺧﻠﻲ ﺍﺣﺪ ﻳﺤﺎﺟﻴﺞ ﻭﺍﺧﻠﻴﺞ ﺗﻔﻮﺗﻴﻦ ﻭﺗﺮﺩﻳﻦ ﻭﻣﺤﺪ ﺍﻟﻪ ﺟﻠﻤﻪ ﻋﻠﻴﺞ ﺑﺲ ﻏﻴﺮ ﺍﺧﺎﻓﻦ ﺗﺼﻠﺞ ﺟﻠﻤﻪ ﻭﺗﺮﺩ ﻻﺑﻴﺞ
ﻳﻌﻨﻲ ﺷﻜﺪﺩﺩ ﺍﻛﺮﻩ ﻋﻴﺸﺘﻜﻢ ﺍﺗﻤﻨﻰ ﺍﻧﻬﺰﻡ ﻭﺑﻌﺪ ﻣﺎﺍﺭﺟﻊ ﺍﺗﻤﻨﻰ ﺍﺭﺟﻊ ﻟﺒﻐﺪﺍﺩ ﻫﻨﺎﻙ ﻛﻠﻤﻦ ﻋﺎﻳﺶ ﻭﺣﺪﻩ ﻭﻣﺮﺗﺎﺡ ﻣﻦ ﺍﻟﻌﺎﻟﻢ ﻣﻮ ﻣﺘﺪﺧﻠﻪ ﺣﺘﻰ ﺑﺒﻄﻦ ﺑﻴﺘﻬﻢ ﻭﺍﻟﻠﻪ ﺷﻮﻥ ﺍﻃﺐ ﻭﺍﻃﻠﻊ ﻭﺍﻟﺒﺲ ﺍﻻﺭﻳﺪﻩ ﻣﺎﺍﺣﺪ ﻳﻜﻮﻟﻲ ﺍﻧﺘﻲ ﺣﺘﺠﻴﺒﻴﻦ ﺣﺠﺎﻳﻪ ﻻﺑﻮﺝ
ﺍﺣﺠﻲ ﻭﺍﺑﺤﻲ ﺑﻘﻬﺮ
ﺳﻜﺘﺖ ﻣﺤﺠﺖ ﺷﻲ ﺧﺎﻟﻪ
ﺍﻛﺮﻩ ﺍﻟﻌﻴﺸﻪ ﻫﻨﺎ ﻛﻠﺶ ﻭﺍﺗﻤﻨﻰ ﺍﺭﺟﻊ ﻭﺍﻛﺮﻩ ﺷﻜﻮ ﻭﺍﺣﺪ ﻳﺘﺪﺧﻞ ﺑﻴﻪ ﺣﺘﻰ ﺍﻟﺴﻴﺪ ﺍﺻﻼ ﻫﻮ ﺍﻛﺜﺜﺮ ﻭﺍﺣﺪ ﺍﻛﺮﻫﻬﻪ ﺣﺠﻴﺘﻬﺎ ﻭﺳﻤﻌﺖ ﺻﻔﻜﻪ ﺍﻟﺸﺎﻫﻴﻦ ﺑﺠﻨﺎﺣﻪ ﻭﺭﻩ ﺍﻟﺨﻮﺹ ﺧﺎﻟﻪ ﻓﺰﺕ ﻭﺧﻠﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﺍﻧﻲ ﻋﻔﺘﻬﺎ ﻭﻃﺒﻴﺖ ﺟﻮﻩ ﺑﺠﻴﺖ ﻫﻮﺍﻱ ﻣﺘﺎﺫﺍﻳﻪ ﺷﻮﻱ ﻭﺳﻤﻌﺖ ﺧﺎﻟﻪ ﺗﺤﺠﻲ ﺑﺎﻟﻄﺮﻣﻪ ﺑﺲ ﺗﺒﺴﺒﺲ ﻭﺭﺍﻫﺎ ﻓﺎﺗﺖ ﻭﺍﻟﺨﺒﺰ ﺑﻴﺪﻫﺎ ﻛﻤﺖ ﻣﺎﺑﺎﻭﻋﻠﻬﺎ ﺍﻧﺤﺮﺟﺖ ﺷﻮﻥ ﻓﻘﺪﺕ ﻭﺣﺠﻴﺖ ﻭﺧﺮﺑﻄﺖ ﺑﺎﻟﺤﺠﻲ ﺷﻮﻥ ﻛﺪﺭﺕ
ﺍﺟﺮﺣﻬﺎ ﻫﻴﺞ ﻭﻫﻲ ﻣﺘﺎﺫﻳﻨﻲ ﺍﺑﺪ ﻫﻲ ﻫﻢ ﻣﺘﺒﺎﻭﻋﻠﻲ ﻳﻤﻜﻦ ﺯﻋﻠﺖ ﻣﻨﻲ ﻛﻤﺖ ﺍﺧﺠﻞ ﺣﺘﻰ ﺍﺣﺎﻭﻝ ﻣﺮﺍﺿﺎﺗﻬﺎ ﺭﺣﺖ ﻧﻤﺖ ﻭﺳﻤﻌﺘﻬﺎ ﻫﻲ ﻫﻢ ﻃﻔﺖ ﻛﻠﺸﻲ ﻭﻓﺎﺗﺖ ﻧﺎﻣﺖ ﻭﺳﺪﺕ ﺑﺎﺏ ﻏﺮﻓﺘﻬﺎ
ﺣﻴﺎﺗﻲ ﻣﺨﺮﺑﻄﻪ ﻻﺍﻡ ﻓﻮﻙ ﺭﺍﺳﻲ ﻭﺣﻨﻴﻨﻪ ﻋﻠﻴﻪ ﻭﺍﺑﻮﻳﻪ ﺧﻄﻴﻪ ﺣﺎﻭﻝ ﻫﻮﺍﻱ ﺣﺪﻣﺎ ﻟﻜﻪ ﻫﺎﻟﻨﺎﺱ ﺍﻟﻄﻴﺒﻪ ﺑﺲ ﺍﻟﻤﺸﻜﻠﻪ ﺑﻴﻪ ﺍﻧﻲ ﻻ ﺍﻧﻲ ﺍﻟﻜﻤﻠﺖ ﺩﺭﺍﺳﺘﻲ ﻭﻻﺍﻧﻲ ﺍﻟﺪﺍﺍﻋﺮﻑ ﺍﺗﺎﻟﻒ ﻭﻳﺎﻫﻢ ﺍﺣﺲ ﻛﻮﻛﺐ ﻭﺣﺪﻫﻢ ﻫﺎﻟﺒﺴﺘﺎﻥ ﺻﺎﺭﻟﻲ ﻛﻮﻣﻪ ﻣﺎﺷﻮﻑ ﻏﻴﺮ ﺍﻡ ﻣﺤﻤﺪ ﻭﺍﻡ ﻋﻮﻑ ﻭﺧﺎﻟﻪ ﻧﺴﻮﺍﻥ ﻭﺍﻟﺒﺎﻗﻲ ﺯﻟﻢ ﻭﺍﺫﺍ ﺷﺎﻓﻮﻧﻲ ﺗﻨﻜﻠﺐ ﻗﻴﺎﻣﻪ ﻋﻠﻴﻪ ﻭﻫﺬﺍ ﺍﻟﺴﻴﺪ ﺍﻟﻜﺎﺭﻫﻨﻲ ﻭﻛﺎﺭﻫﺘﻪ ﺍﻟﻨﻮﺏ ﻫﻮ ﻣﺎﻟﻚ ﺍﻟﺒﺴﺘﺎﻥ ﻳﻌﻨﻲ ﻻﺯﻡ ﻛﻠﺸﻲ ﻣﺎﺍﺣﺠﻲ ﻭﺧﻠﻒ ﺍﻟﻠﻪ ﻋﻠﻴﻪ ﻣﻦ ﻗﺒﻞ ﻳﻠﻔﻴﻨﺎ ﻭﻧﻄﻪ ﺍﺧﺘﻪ ﻟﺒﺎﺑﺎ
ﺍﻳﺎﻡ ﻣﺮﺕ ﻭﺍﻧﻲ ﺗﻘﻮﻗﻌﺖ ﺣﺘﻰ ﻟﻠﻄﺮﻣﻪ ﻣﻄﻠﻌﺖ ﺑﻌﺪ ﺍﻛﻠﻲ ﻗﻞ ﻫﻮﺍﻱ ﻭﺑﺎﺑﺎ ﻳﻄﺐ ﻭﻳﻄﻠﻊ ﻳﺤﺎﺟﻴﻨﻲ ﻳﺘﻮﺳﻞ ﺑﺎﺑﺎ ﻛﻮﻣﻲ ﺍﻛﻠﻲ ﺣﺎﺭ ﺑﻴﻪ ﻛﺎﻡ ﻳﺸﺮﻱ ﺑﺎﻟﺘﻜﻪ ﻭﻳﻨﻄﻴﻨﻲ ﻟﻮ ﻣﻌﻼﻙ ﻳﺪﺭﻱ ﺑﻴﻪ ﺍﺣﺒﻪ ﻭﺣﺪﻩ ﻭﺧﺎﻟﻪ ﻛﻠﺴﺎ ﺗﻔﻮﺕ ﺗﻘﺘﺮﺡ ﻋﻠﻴﻪ ﺍﻗﺘﺮﺍﺡ ﺟﺪﻳﺪ ﺍﺳﻮﻱ ﻓﻼﻥ ﺷﻐﻠﻪ ﻭﺑﻴﻮﻡ ﺍﻟﻀﻬﺮﻳﻪ ﺟﺘﻲ ﻃﺒﺖ ﻳﻤﻲ ﺟﻨﺖ ﻣﺘﻤﺪﺩﻩ ﺍﺳﻮﻱ ﺭﻭﺣﻲ ﻧﺎﻳﻤﻪ ﻛﻌﺪﺕ ﻳﻢ ﺭﺍﺳﻲ ﻣﺴﺪﺕ ﺑﺸﻌﺮﻱ ﻫﻤﺴﺖ
ﺍﻧﻪ ﻋﺮﻑ ﺍﻧﺞ ﻭﺍﻋﻴﻪ ﻣﻮ ﺑﻨﻮﻣﺞ . ﺷﻠﻲ ﺻﺎﺭ ﻳﻤﻲ ﻋﻴﻨﻲ ﻭﻛﺮﻫﺘﻲ ﻋﻴﺸﺘﻨﺎ ﻣﻮ ﺟﻨﺘﻲ ﺷﺤﻼﺗﺞ ﺷﻨﻲ ﺑﻴﻪ ﺍﻟﺴﺒﺐ ﺧﺎﻓﻦ ﺣﺴﺒﺎﻟﺞ ﺣﺠﻴﺖ ﻋﻠﻴﺞ ﻭﻱ ﺍﻟﺴﻴﺪ ﻻ ﺑﺎﻟﻠﻬﻪ ﺍﻧﻪ ﻣﺎﺭﺿﻴﺘﻬﺎ ﻋﻠﻴﺞ ﺟﻠﻤﻪ ﻭﻻﺍﻫﻮ ﺍﻟﻨﻄﻚ ﺑﻴﻬﺎ ﺑﺲ ﻛﺎﻟﻲ ﺻﻮﺕ ﺍﻟﺨﻼﺧﻞ ﺗﺠﻴﺐ ﺍﻟﺘﺎﻳﻪ ﻋﻦ ﺩﺭﺑﻮ ﻭﺍﻧﻪ ﺍﺧﺎﻓﻦ ﻋﻠﻰ ﺳﻤﻌﻪ ﺍﺑﻮﻫﺎ
ﺟﺮﻳﺖ ﻧﻔﺲ ﻭﺩﺭﺕ ﻭﺟﻬﻲ ﻏﻄﻴﺖ ﺭﺍﺳﻲ ﻣﺴﺪﺕ ﻋﻠﻰ ﺷﻌﺮﻱ ﻛﺎﻟﺖ
ﺗﺪﺭﻳﻦ ﻓﺮﺣﻪ ﻫﺎﻱ ﺍﻳﺪﻳﻨﺞ ﺍﻟﺒﻴﺾ ﻟﻮﻥ ﺗﻨﻘﺶ ﺑﺤﻨﻪ ﺷﻮﻥ ﺗﺼﻴﺮ ﺍﻧﻪ ﺍﻟﻤﻠﺤﻪ ﻭﺗﻠﻮﻛﻠﻲ ﻋﺠﻞ ﻟﻮ ﺑﻴﺪﻳﺞ ﺍﻟﺠﻨﻬﻦ ﻛﻄﻦ
ﻓﻜﻴﺖ ﻋﻴﻨﻲ ﺷﻮﻱ ﺗﺒﺎﻭﻉ ﻻﻳﺪﻱ ﺗﺒﺘﺴﻢ ﻛﺎﻟﺖ
ﻭﺍﺳﻮﻱ ﻛﺮﺩﺍﻥ ﻧﻘﺶ ﻋﻠﻰ ﺭﻛﺒﺘﺞ ﺍﻟﺒﻴﻀﻪ ﺗﻄﻠﻌﻴﻦ ﻋﺮﻭﺱ . ﻭﺍﺫﺍ ﺗﺮﺩﻳﻦ ﺍﻓﺼﻠﺞ ﺑﻮﺷﻲ ﺑﻲ ﻟﻴﺮﺍﺕ ﺣﺘﻰ ﻣﺎﻳﺨﻨﻜﺞ ﺑﻮﺷﻴﻨﺎ . ﻭﻫﻤﺎﺕ ﺑﻌﺪ ﻳﻀﻢ ﻓﺘﻨﻪ ﻭﺟﻬﺞ ﺍﻟﺠﻨﻪ ﻛﻴﻤﺮ ﺍﻟﺴﺪﻩ
ﺍﺑﺘﺴﻤﺖ ﺟﺘﻨﻲ ﺍﻟﻀﺤﻜﻪ ﻧﺼﺖ ﺑﺎﺳﺘﻨﻲ ﻣﻦ . ﺭﺍﺳﻲ
ﺩﻛﻮﻣﻲ ﻳﺎﻳﻤﻪ ﺳﺒﻮﻉ ﻣﻠﺖ ﺭﻭﻳﺤﺘﻲ ﺑﺤﻴﺪﻱ ﻻﺧﺒﺰﺍﺕ ﺍﻟﻴﻀﻮﻛﻬﻦ ﺳﻨﺞ ﻻ ﺧﺎﻟﻪ ﺍﻧﻪ ﺍﺭﻳﺪﻥ ﺣﻨﻮﻧﻪ ﺷﻜﺮ ﻻﺧﺎﻟﻪ ﺑﺎﻋﻲ ﺍﻟﺨﻮﺹ ﺍﻟﺴﻮﻳﺘﻮ ﻭﻻﺍﺟﻲ ﻭﻳﺎﺝ ﺍﻋﺎﻭﻧﺞ ﺑﺎﻟﺤﻮﺵ ﺍﻟﺠﺒﻴﺮ
ﻛﻌﺪﺕ ﻋﺪﻝ ﺍﻋﺪﻝ ﺑﺸﻌﺮﻱ ﺑﺨﺠﻞ ﺣﺴﻴﺖ ﺭﻭﺣﻲ ﺷﻲ ﺣﻠﻮ ﺑﺤﻴﺎﺗﻬﺎ ﻣﻦ ﺗﻮﺻﻒ ﻓﺮﺍﻍ ﻋﺪﻡ ﻭﺟﻮﺩﻱ ﻭﺗﺎﺛﻴﺮﻩ ﺑﻨﻔﺴﻬﺎ ﻛﺎﻟﺖ
ﻫﺎ ﺗﺠﻴﻦ ﻭﻳﺎﻱ ﻟﺒﻴﺖ ﺍﻟﺠﺒﻴﺮ
ﻫﺰﻳﺖ ﺭﺍﺳﻲ ﻣﺒﺘﺴﻤﻪ ﻣﻨﺼﻴﻪ ﺧﺠﻼﻧﻪ ﻭﺍﻋﺪﻝ ﺑﺸﻌﺮﻱ
ﻛﺎﻟﺖ
ﻭﻧﻌﺠﻦ ﺍﻟﺤﻨﻪ
ﺍﻱ ﻫﻬﻪ
ﺍﺭﻭﺡ ﻓﺪﻭﻩ ﻟﻬﺎﻟﺨﺪ ﺍﻟﻐﺎﻣﺰ ﺳﺒﺤﺎﻥ ﺭﺑﻲ ﻭﺧﻠﻘﻪ ﺍﻳﺪﻩ ﺳﺒﺤﺎﻥ ﺍﻟﺼﻮﺭ ﻋﻠﻮﻣﺞ ﻭﻟﺞ ﻛﻮﻣﻲ ﻳﺎﻫﻮ ﺍﻟﻴﺴﺘﺎﻫﻞ ﺩﻣﻌﻪ ﻣﻦ ﻋﻴﻨﺞ ﻳﺎﻫﻮ ﺍﻟﻴﺴﻮﻩ ﻭﺗﻐﻤﻀﻴﻦ ﻋﻴﻮﻧﺞ ﻟﻴﻞ ﻭﻧﻬﺎﺭ ﻋﻦ ﻫﺎﻟﺪﻧﻴﺎ ﺍﻟﻠﻲ ﺍﻧﺘﻲ ﻋﺴﻠﻬﺎ ﻛﻮﻣﻲ ﻳﺎﺯﻫﺮﻩ ﺍﻟﺒﻴﺖ ﻭﺭﺟﻌﻲ ﻭ ﻓﺘﺤﻲ ﻭﺩﻭﻫﻨﻴﻨﻲ ﺑﺴﻮﺍﻟﻔﺞ ﺍﻟﻤﺎﺗﻨﻤﻞ
ﻛﻤﺖ ﻣﻦ ﻓﺮﺍﺷﻲ ﻟﺒﺴﺖ ﻭﻫﻲ ﻭﻳﺎﻳﻪ ﺗﺒﺘﺴﻢ ﻭﺗﺴﺎﻋﺪﻧﻲ ﺍﻟﺒﺲ ﻭﻃﻠﻌﻨﺎ ﺭﺣﻨﺎ ﻟﺒﻴﺘﻬﻢ . ﻧﻀﻔﻨﺎ ﺍﻡ ﻋﻮﻑ ﺟﺎﻧﺖ ﺩﺗﺸﺠﺮ ﺑﺎﻟﺘﻨﻮﺭ ﻭﺍﻧﻲ ﺧﺎﻟﻪ ﻧﻤﺴﺢ ﺑﺎﻟﺒﻴﺖ ﺍﺣﻠﻰ ﺷﻲ ﺑﺎﻟﺒﻴﺖ ﻛﺎﻋﻪ ﺑﺲ ﺗﻤﺴﺤﻬﺎ ﻗﺎﻁ ﺗﻜﻮﻡ ﺗﻼﻟﻲ . ﺳﺎﻋﺪﺗﻬﺎ ﻭﻛﻤﻠﻨﺎ ﻃﺒﺖ ﻟﻠﺤﻤﺎﻡ ﻣﺎﻝ ﻏﺮﻓﻪ ﺍﻟﺴﻴﺪ ﺍﻟﻠﻪ ﻳﺮﺣﻤﻪ ﻃﺒﻴﺖ ﻭﺭﺍﻫﺎ ﻭﺍﻧﺼﺪﻡ ﺑﻮﺟﻮﺩ ﺑﺎﻧﻴﻮ ﻣﺮﺑﻊ ﺟﺒﻴﺮ
ﺍﻟﻠﻠﻪ ﺧﺎﻟﻪ ﻫﺎﻱ ﺷﻨﻮ
ﻫﺎ ﺣﻮﺽ ﻃﺮﻛﺘﻴﺘﻲ ﻳﻔﺮﺣﻪ ﺷﺠﺎﺝ
ﺧﺎﻟﻪ ﺧﻞ ﺍﺳﺒﺢ ﺑﻲ
ﻫﺎ ﺍﻳﻤﺘﻰ ﻫﺴﺎﻉ
ﺍﻱ ﺣﺒﺎﺑﻪ ﺧﺎﻟﻪ ﺍﻟﻠﻪ ﻳﺨﻠﻴﺞ ﻋﺰﻩ ﺑﺎﻋﻲ ﺑﻲ ﻣﻨﻬﺬﺍ ﺍﺑﻮ ﺍﻟﻔﻘﺎﻋﺎﺕ
ﺍﻱ ﺳﻮﺩﻩ ﺑﺠﻬﻲ ﻣﻦ ﺟﺎﻥ ﻳﺮﺟﻊ ﻣﻜﺴﺮ ﻳﺪﺧﻞ . ﺑﻲ ﺗﺮﺩ ﺿﻠﻮﻋﻪ
ﺧﺎﻟﻪ ﺑﺲ ﻣﺮﻩ ﻭﺣﺪﻩ ﺍﺟﺮﺑﻪ ﺣﺒﺎﺑﻪ
ﻳﺎﻟﻪ ﻳﺎﻟﻪ ﺍﻣﻠﻲ ﺑﺲ ﻻﺗﻄﻮﻟﻴﻦ ﺑﻌﺪﻭ ﺍﻟﻐﺪﺍ ﻣﺎﺳﺎﻭﻳﺘﻮ ﻭﺷﻮﻥ ﻣﺤﻀﺮﺗﻠﺞ ﻏﺪﺍ ﻣﻦ ﻫﺎﺫ ﺍﻟﻴﻔﺮﺡ ﻛﻠﻴﺒﺞ ﺍﻻﺑﻴﺾ
ﻫﻬﻪ ﺍﻭﻙ ﺧﺎﻟﻪ ﻃﻠﻌﺖ ﻭﺍﻧﻲ ﺳﺪﻳﺖ ﺍﻟﺒﺎﺏ ﺗﺮﺳﺘﻪ ﺭﺍﺳﻦ ﺍﻧﺘﺮﺱ ﺑﻘﻴﺖ ﺑﺎﻟﻤﻼﺑﺲ ﺍﻟﺪﺍﺧﻠﻲ ﻭﻓﺘﺖ ﺑﻲ ﻳﺎﺑﻪ ﺷﻮﻥ ﺷﻌﻮﺭ ﺣﻠﻮ ﺻﻨﻨﻄﻪ ﻭﺻﻮﺕ ﺍﻟﻔﻘﺎﻋﺎﺕ ﻭﺍﻋﺼﺎﺑﻲ ﺍﺭﺗﺎﺣﺖ . ﻭﺭﻩ ﺷﻮﻱ ﺍﻟﺒﺎﺏ ﺍﻧﺪﻛﺖ ﻛﻤﺖ ﺭﺍﺳﻦ ﺗﻌﻠﻴﺖ ﻭﻟﺒﺴﺖ ﻭﺷﻠﺖ ﺍﻟﺴﻴﻔﻮﻧﻪ ﻭﻧﻀﻔﺖ ﻛﻠﺸﻲ ﻭﺭﺟﻌﺘﻪ ﺑﻤﻜﺎﻧﻪ
ﻟﺒﺴﺖ ﺍﻟﺒﻮﺷﻲ ﺩﺍﺍﻃﻠﻊ ﺗﻮﻧﻲ ﻭﺍﺳﻤﻊ ﺻﻴﺎﺡ ﺍﻟﺴﻴﺪ ﻫﻮ ﺩﻳﺤﺠﻲ ﻋﺎﺩﻱ ﺑﺲ ﻋﺒﺎﻟﻚ ﻳﺼﻴﺢ
ﻳﺎﻫﻮ ﺍﻟﻔﺎﻳﺖ ﻏﺮﻓﻪ ﺍﻟﺴﻴﺪ
ﻳﺎﺧﻮﻙ ﺟﺎﻱ ﺍﻏﺴﻞ ﺍﻟﺤﻤﺎﻣﺎﺕ
ﻻ ﺍﻛﻮ ﺍﺩﻣﻲ ﻓﺎﻳﺖ ﺟﻮﻩ ﻳﺘﺴﺒﺢ ﺍﻧﻪ ﻣﻮ ﻳﺎﻫﻞ ﺗﺎﻛﻠﻴﻦ ﺑﻌﻘﻠﻲ ﻳﻔﻄﻄﻢ
ﺍﻭﻭﻫﻮﻭ ﻣﻨﻚ ﻋﺒﺪ ﺍﻟﻠﻪ ﺗﻮﺧﺮ ﺟﺎﻱ ﺍﻓﺮﺵ ﺩﺳﺎﻋﺪﻧﻲ ﺳﺎﻋﺪﻧﻲ ﻭﻳﺎﻱ
ﻓﺮﺡ - ﺳﻤﻌﺘﻪ ﻭﻛﻠﺒﻲ ﺻﺎﺭ ﺑﻴﻦ ﺭﺟﻠﻲ ﺣﻀﻲ ﺍﻟﻤﺼﺨﻢ ﻳﻮﻣﻴﻪ ﺏ٤ ﻳﻠﻪ ﻳﻄﺐ ﺍﻟﻴﻮﻡ ﺏ١١ ﺻﻮﻛﺮ ﻓﻮﻙ ﺭﺍﺳﻲ ﺍﻓﺘﺮﻳﺖ ﻭﺭﻩ ﺍﻟﺒﻴﺖ ﻭﻃﻠﻌﺖ ﻣﻦ ﺍﻟﺒﺎﺏ ﺍﻟﻤﺸﺘﺮﻛﻪ ﺩﺍﺍﺟﺮ ﺑﻴﻬﺎ ﻻﻥ ﻣﺸﺪﻭﺩﻩ ﺑﺨﻴﻂ ﺧﻮﺹ ﺟﺮﻳﺘﻬﺎ ﺑﻴﻬﺎ ﻗﻮﻱ ﻭﺍﺗﻠﻔﺖ ﺧﺎﻑ ﻳﺸﻮﻓﻨﻲ ﻭﻳﻌﺮﻑ ﺍﻧﻲ ﺍﻟﺠﻨﺖ ﺑﺎﻟﺤﻤﺎﻡ ﻭﺍﻟﺘﻔﺖ ﺍﻟﻜﺎﻩ ﻣﻦ ﺑﻌﻴﺪ ﻳﺒﺎﻭﻋﻠﻲ ﺭﺍﻓﻊ ﺭﺍﺳﻪ ﻭﻋﺎﻛﺪ ﺍﻟﺤﺎﺟﺐ ﻛﻤﺰﺕ ﻣﻦ ﻋﻠﻰ ﺍﻟﺨﻮﺹ ﻭﻃﺒﻴﺖ ﻭﺍﻧﺠﺒﺢ ﻋﻠﻰ ﻭﺟﻬﻲ ﺻﺎﺡ
ﻋﻤﻤﻤﻪ
ﺟﺎﻭﺑﺖ ﺑﺪﺍﺧﻠﻲ ﻋﻤﻪ ﺑﻌﻴﻨﻚ ﺍﻱ ﻭﺍﻟﻠﻪ ﻋﻤﻪ ﺍﻟﻴﻌﻤﻴﻚ ﺍﻟﻠﻪ ﻳﺎﺧﺬﻙ ﺷﻜﺪ ﺣﻘﻴﺮ ﻃﺒﻴﺖ ﻟﻠﺒﻴﺖ ﻭﺑﺒﺎﻟﻲ ﺧﺎﻟﻪ ﻟﻴﺶ ﻫﻴﺞ ﺳﻮﺕ ﻟﻴﺶ ﻣﺠﺘﻲ ﻛﺎﻟﺘﻠﻲ ﻫﻔﻔﻒ ﻛﻤﺖ ﻧﻀﻔﺖ ﺑﻴﺘﻨﺎ ﻟﻜﻴﺖ ﺧﺎﻟﻪ ﻣﻨﻜﻌﻪ ﺩﺟﺎﺟﺎﺕ ٢ ﺑﺎﻟﻠﻠﺒﻦ ﻭﻣﺤﻄﻮﻃﻪ ﻋﺎﻟﺴﻨﻚ ﻟﻤﻴﺖ ﻫﺪﻭﻡ ﻭﺭﺟﻌﺘﻬﻢ ﻭﺍﻧﺘﻀﺮ ﺗﺠﻲ ﻣﻦ ﺍﺫﻥ ﻃﺒﺖ ﻣﻠﻬﻮﻓﻪ
ﻫﺎﺍ ﻓﺮﺣﻪ ﻟﺨﻮ ﺷﺎﻓﺎﻓﺎﺝ ﺍﻭﺧﻮﻱ
ﺧﺎﻟﻪ ﻏﻴﺮ ﺗﻜﻮﻟﻴﻠﻲ ﺍﺟﻪ ﺍﻟﻠﻪ ﺳﺘﺮ ﺍﻧﻬﺰﻣﺖ ﻗﺒﻞ ﻟﻴﻌﺮﻑ ﺍﻧﻲ ﺟﻨﺖ ﺍﺳﺒﺢ
ﻳﻤﻪ ﻫﻮ ﺍﻧﻪ ﺷﺪﺭﺍﻧﻲ ﻃﺐ ﻓﺮﺩ ﻃﺒﻪ ﻭﺍﻧﻪ ﺗﺪﻭﻫﻨﺖ ﺍﻟﺴﻤﻮﺣﻪ ﻳﺒﻌﺪ ﺍﻣﺞ ﻫﺎ ﻧﻀﻔﺘﻲ ﺳﻮﺩﻩ ﺑﺒﺠﻬﻲ ﺍﻧﺘﻲ ﻣﻨﺎﻙ ﻧﻜﻀﺎﻧﻪ ﻋﺒﻦ ﺍﺷﺘﻐﻠﺘﻲ ﻭﻳﺎﻱ
ﻻ ﺧﺎﻟﻪ ﻋﺎﺩﻱ ﺟﺮﻳﺖ ﻧﻔﺲ ﺑﺎﻭﻋﺘﻠﻬﺎ ﻛﺎﻟﺖ
ﺣﻔﻮﺕ ﺍﻟﺪﺟﺎﺝ ﺑﺎﻟﺘﻨﻮﺭ ﺍﻧﺘﻲ ﻣﻮ ﺟﺎﻥ ﻓﺪ ﻧﻮﺑﻪ ﻋﺎﺟﺒﺞ ﻭﺍﺟﺎﻱ ﻋﻠﻰ ﺑﺎﻟﺞ ﻣﻨﻮ ﺍﻧﻪ ﺍﻟﺤﻴﻦ ﻧﻜﻌﺘﻬﺎ ﻭﺭﺍﺡ ﺍﺷﻮﻳﻬﺎ ﻟﺞ ﻭﺍﻟﻠﻪ ﻻ ﺗﺎﻛﻠﻴﻦ ﺣﺘﻰ ﺍﻟﻌﻀﻢ
ﻫﻬﻪ ﺷﻜﺮﺍ ﺧﺎﻟﻪ ﺣﺒﻴﺒﺘﻲ ﻛﻠﺘﻬﺎ ﻭﺳﻜﺘﺖ ﺑﻘﺖ ﺻﺎﻓﻨﻪ ﺑﻮﺟﻬﻲ ﺗﺒﺘﺴﻢ ﻭﺟﺎﻥ ﺗﺠﺮﻧﻲ ﻟﺤﻀﻨﻬﺎ
ﻳﻌﻠﻢ ﺍﻟﻠﻪ ﻭﺭﺳﻮﻟﻪ ﺵ ﻛﺜﺮ ﺣﺒﺞ ﺑﻜﻠﺒﻲ ﻳﻔﺮﺣﻪ .
ﺍﻧﻲ ﻫﻢ ﺧﺎﻟﻪ ﻫﻤﺴﺖ ﻭﺑﻌﺪﺕ ﺭﻭﺣﻲ ﺑﺪﻟﺖ ﺧﺎﻟﻪ ﻭﺧﻠﺖ ﺍﻟﺪﺟﺎﺝ ﻭﺗﺮﻛﺘﻪ
ﺷﻔﺘﻬﺎ ﺗﺴﺮﺡ ﺷﻌﺮﻫﺎ ﻭﺳﻮﺗﻪ ﺿﻔﻴﺮﻩ ﻭﺣﺪﻩ ﻭﻓﺮﻛﺖ ﺷﻌﺮﻫﺎ
ﺗﻘﺮﺑﺖ ﻣﻨﻬﺎ
ﺧﺎﻟﻪ ﻋﺎﺩﻱ ﺍﺳﻮﻳﻠﺞ ﺿﻔﻴﺮﻩ ﻣﺜﻞ ﻣﺎﻟﺘﻲ
ﻫﺎ ﺍﺧﺎﻓﻦ ﺍﺗﻌﺒﺞ
ﻻﺧﺎﻟﻪ ﺷﻌﺮﺝ ﺣﻠﻮ ﺣﺘﻰ ﺑﺎﺑﺎ ﻳﺸﻮﻓﺞ ﺣﻠﻮﻩ
ﺍﺟﻞ ﺍﻧﻪ ﻣﻮ ﺑﺤﻠﻮﻩ ﻫﻴﺞ
ﻻ ﺧﺎﻟﻪ ﺗﺨﺒﻠﻴﻦ ﺑﻘﻴﺖ ﺻﺎﻓﻨﻪ ﺑﻮﺟﻬﻪ ﻧﺼﺖ ﺧﺠﻼﻧﻪ
ﻣﻮ ﻛﺜﺮ ﺣﻼﺗﺞ ﻳﻢ ﻋﻴﻮﻥ ﻏﺰﻻﻥ ﻳﺎﻟﻠﻲ ﻳﺤﻴﺮ ﺍﻟﻮﺍﺩﻡ ﺑﻴﺎ ﻟﻮﻥ ﺗﺘﻠﻮﻥ
ﺧﺠﻠﺖ ﻣﻦ ﺣﺠﻴﻬﺎ ﻭﻧﻄﺘﻨﻲ ﺷﻌﺮﻫﺎ ﺳﻮﻳﺘﻪ ﺿﻔﻴﺮﻩ ﻭﺣﺪﻩ ﻓﺮﻧﺴﻴﻪ ﻏﻴﺮ ﻃﻠﻌﺖ ﺗﺨﺒﻞ ﻭﺷﻌﺮﻫﺎ ﻛﻞ ﺧﺼﻠﻪ ﻟﻮﻥ ﻟﻮﻥ ﺣﻨﻲ ﻟﻮﻥ ﺟﻮﺯﻱ ﻭﻟﻮﻥ ﺍﺳﻮﺩ ﻣﻦ ﺍﻟﺤﻨﻪ ﺍﺟﻪ ﺑﺎﺑﺎ ﻭﺗﻐﺪﻳﻨﺎ ﻳﺎﺑﻪ ﺷﻮﻥ ﻃﻴﺐ ﺍﻟﺪﺟﺎﺝ ﻋﺰﻩ ﻏﻴﺮ ﻳﺨﺒﻞ ﺻﺎﺭ ﺟﺎﻧﺖ ﺗﺮﺍﻗﺒﻨﻲ ﻣﻦ ﺍﻛﻞ ﻭﺍﻧﻲ ﺍﺭﺍﻗﺐ ﻋﻴﻮﻥ ﺑﺎﺑﺎ ﻣﻦ ﻳﺒﺎﻭﻋﻠﻬﺎ ﺑﺤﺐ ﻭﻣﻜﻴﻔﻪ ﺑﺎﻧﺠﺎﺯ ﺍﻟﻀﻔﻴﺮﻩ ﻫﻬﻪ ﻭﺍﻟﻠﻪ ﺯﻳﺪﺗﻬﺎ ﺣﺴﻦ
ﻭﻓﺘﺢ ﺑﺎﺑﺎ ﻣﻮﺿﻮﻉ ﻭﻛﻒ ﻋﻘﻠﻲ ﻛﺎﻝ
ﺑﺎﺑﺎ ﺟﺎﻳﻴﺞ ﻧﺎﺱ ﺍﻟﻮﻟﺪ ﺫﻫﺐ ﺧﻮﺵ ﻧﺎﺱ ﻭﺧﺎﻟﺘﺞ ﺗﻌﺮﻓﻬﻢ ﻭﺍﻧﻲ ﻫﻢ ﺍﻋﺮﻓﻪ ﺑﺲ ﺑﺎﻗﻲ ﻋﻠﻰ ﺟﻮﺍﺑﺞ
ﺻﻔﻨﺖ ﻓﻜﻴﺖ ﻋﻴﻨﻲ ﺧﺎﻟﻪ ﻧﺼﺖ ﺭﺍﺳﻬﺎ ﻛﺘﻠﻪ ﻣﻨﻮ ﻫﺬﺍ ﻭﻭﻳﻦ ﺑﻴﺘﻬﻢ
ﻛﺎﻝ
ﻭﺭﻩ ﺍﻟﺒﺴﺘﺎﻥ ﺑﺲ ﻋﻠﻰ ﻛﺪ ﺣﺎﻟﻬﻢ
ﻧﺘﺮﺕ ﻭﺑﺮﻃﻤﺖ ﺭﺍﺳﻦ
ﺑﺎﺑﺎ ﻣﺎﺭﻳﺪ ﺍﺗﺰﻭﺝ ﺍﻧﻲ ﺍﻟﻨﻮﺑﻪ ﺍﺗﺰﻭﺝ ﻓﻼﺡ ﺍﻧﻲ ﻛﺎﺭﻫﻪ ﺍﻟﻌﻴﺸﻪ ﻫﻨﺎ
ﺑﻘﻪ ﺑﺎﺑﺎ ﺻﺎﻓﻦ ﻋﻠﻴﻪ ﺟﺮ ﻧﻔﺲ ﻛﺎﻝ
ﻫﺎﻫﻲ ﺑﺎﺑﺎ ﺍﻟﺘﺮﺩﻱ ﻳﺼﻴﺮ ﻭﻃﻠﻊ
ﻟﻠﻤﻐﺮﺏ ﺭﺍﺡ ﺑﺎﺑﺎ ﻟﻠﺸﻐﻞ ﻣﺮﻩ ﻟﺦ ﻭﻛﻌﺪﻧﺎ ﻭﺭﻩ ﺷﻐﻠﻨﺎ ﻧﻘﺸﺖ ﺍﻳﺪﻱ ﺑﺎﻟﺤﻨﻪ ﺷﻜﺪ ﺣﻠﻮﻩ ﺻﺎﺭﺕ ﻭﺳﻮﺕ ﺑﺼﺪﺭﻱ ﻫﻢ ﻣﺜﻞ ﺍﻟﻜﻼﺩﻩ ﻣﻦ ﺍﻟﺤﻨﻪ ﻫﻢ ﻛﻠﺶ ﺣﺒﻴﺖ ﺭﻭﺣﻲ ﺑﻴﻬﺎ ﻓﺮﺣﺖ ﺣﻴﻞ ﺩﺍﺍﻏﺴﻞ ﺍﻳﺪﻱ ﻭﺧﺎﻟﻪ ﺗﻜﻮﻱ ﻫﺪﻭﻡ ﺑﺎﺑﺎ ﻭﺍﺧﻮﻫﺎ ﻭﺳﻤﻌﻨﺎ ﻣﺼﺎﻳﺢ ﺑﺎﻟﺒﺴﺘﺎﻥ ﺑﺲ ﺑﻌﻴﺪ . ﻭﻫﻨﺎﻙ ﺻﺎﺭ ﺻﻮﺕ ﺳﻴﺎﺭﺍﺕ ﺷﺮﻃﻪ ﺍﻧﻬﺒﻄﻨﺎ ﺍﻟﺼﺎﺭ ﻗﺒﻞ ﺷﻬﺮ ﺧﻼﻧﺎ ﺑﺮﻋﺐ ﺍﻗﻞ ﻃﻠﻘﻪ ﻧﻔﺰ ﺳﺎﻋﻪ ﻭﺧﺎﻟﻪ ﺧﺘﻤﺖ ﺍﻟﻘﺮﺍﻥ ﺍﻟﻪ ﺷﻮﻱ ﻭﻃﺒﺖ ﺍﻡ ﻋﻮﻑ ﺗﺮﻛﺾ ﻛﺎﻟﺖ
ﺍﻟﺤﻜﻲ ﻳﺎﻟﻌﻠﻮﻳﻪ ﺍﺧﻴﺞ ﺗﻬﺎﻭﻭﺵ ﻭﻱ ﺳﻠﻤﺎﻥ ﺍﺑﻮ ﺍﻟﺪﺑﺲ
ﻟﻮﻳﺶ ﺟﻔﺎﻩ ﺭﺑﻮ . ﻟﻮﻭﻳﺶ
ﻟﻨﻪ ﺟﺎﻳﺐ ﺳﻴﺮﻩ ﺍﻫﻠﻮ
ﺳﻴﺮﺕ ﻣﻨﻮ ﺟﺎﻳﺐ ﻭﺷﻌﺪﻭ ﻳﺴﻠﻤﺎﻥ ﺑﻬﻠﻲ
ﻋﺒﻦ ﺍﺑﻦ ﺍﺧﻮ ﺭﺍﺩ ﻓﺮﺣﻪ ﻭﻣﺎﻧﻄﻪ ﻳﻜﻮﻟﻮ ﻳﺘﺸﺮﻑ ﻭﻳﺰﻳﺪﻩ ﺷﺮﻑ ﻫﺎﻟﻤﺤﻴﺴﻦ ﻋﻠﻴﻤﻦ ﺭﻓﻀﻮ ﻭﻫﻮ ﻣﺘﻬﺎﻭﺵ ﻭﻳﺎﻩ ﻳﻜﻠﺞ ﺻﺎﺭﺕ ﺩ،ﻣﺎﻳﻪ ﻭﺧﻀﻮﻫﻢ ﺍﻟﺸﺮﻃﻪ
ﻓﺮﺡ - ﺿﺮﺑﺖ ﺧﺎﻟﻪ ﻋﻠﻰ ﺻﺪﺭﻫﺎ ﻛﺎﻟﺖ
ﺍﺑﻮ ﻓﺮﺣﻪ ﻋﺠﻞ ﻭﻳﻴﻨﻮ
ﻛﺎﻟﺖ
ﻭﻳﺎﻩ ﺻﻌﺪ ﻣﺎﻗﺒﻞ ﻳﻬﺪﻭ ﻭﺍﺑﻮ ﻣﺤﻤﺪ ﺑﻌﺪ ﺭﺍﺡ ﻭﻳﺎﻩ ﻭﺭﺍﺳﻪ ﻟﺴﻠﻤﺎﻥ ﺑﻲ ﺷﻚ ﻫﺎ ﻛﺒﺮﻩ
ﻓﺮﺡ - ﻣﺘﺖ ﺧﻮﻑ ﻣﺮﻩ ﻟﺦ ﻟﻠﻴﻞ ﺧﺎﻟﻪ ﻣﻜﺎﻣﺖ ﻣﻦ ﺍﻟﺴﺠﺎﺩﻩ ﺣﺘﻰ ﺍﻧﻲ ﻛﻤﺖ ﺍﺳﺒﺢ ﺧﺎﻳﻔﻪ ﻃﺐ ﺑﺎﺑﺎ ﺑﺎﻟﻠﻴﻞ ﻭﺭﻛﻀﺖ ﺧﺎﻟﻪ ﻋﻠﻴﻪ ﻧﺘﺮ
ﻣﺎﺍﻛﻮ ﺷﻲ ﻳﺎﺑﺒﻪ ﺷﻮﻱ ﻗﻮﻱ ﻛﻠﺒﺞ
ﻭﻳﻨﻮ
ﻫﻨﺎﻙ ﺑﺒﻴﺘﻜﻢ ﻋﻠﻮﻳﻪ ﻓﺎﺕ ﺩﻳﺴﺒﺢ
ﺷﻮﻥ ﻃﻠﻌﻮ
ﺩﻓﻌﻨﺎ ﻛﻔﺎﻟﻪ ﻭﻧﻄﻴﻨﺎ ﻟﺴﻠﻤﺎﻥ ﻓﻠﻮﺱ ﺍﻧﻠﺼﻢ ﻳﻌﻨﻲ ﻭﻻﻋﺒﺎﻟﻚ ﺍﺑﻦ ﺍﺑﻮ ﻣﺤﻤﺪ ﺍﺧﻼﻗﻪ ﺯﺯﻓﺖ
ﻫﺎﺫ ﻣﻦ ﺯﻣﺎﻥ ﺍﻭﻝ ﻫﻴﺞ ﺣﺘﻰ ﺍﻭﺧﻮﻱ ﺍﻟﺴﻴﺪ ﺣﺴﻴﻦ ﺣﺮﻡ ﻋﻠﻴﻪ ﺩﺧﻠﻪ ﺍﻟﺒﺴﺘﺎﻥ ﺑﺎﻳﺎﻣﻴﺘﻪ ﺍﺩﺭﻱ ﺷﻔﻮﺗﻪ ﻟﻴﺠﺎﻱ
ﻻ ﻣﻄﺐ ﺑﺲ ﺍﻟﺴﻴﺪ ﺭﺍﺡ ﻟﺒﻴﺘﻬﻢ ﺩﻳﺰﻭﺭ ﺍﺑﻮ ﻣﺤﻤﺪ ﺷﻮﻱ ﻣﺮﻳﺾ ﻭﺫﺍﻙ ﻣﻮﺣﻮﺩ ﻭﺍﺳﺘﻠﻤﻪ ﺍﺛﺎﺭﻱ ﺣﺎﺟﻲ ﻋﻠﻴﻪ ﺟﻴﻒ ﺭﻓﻀﺖ ﻣﺤﺴﻦ ﻭﺍﻟﺴﻴﺪ ﻛﺎﺏ ﻭﻫﻮ ﻋﺎﺩ ﻣﻴﺼﺪﻙ
ﺗﺎﻟﻲ
ﻫﺎﻱ ﻫﻲ ﻃﻠﻌﻨﺎﻫﻢ ﻭﻛﺪﻓﻌﻨﺎ ﺍﻟﻜﻔﺎﻟﻪ ﺣﺘﻰ ﻣﻴﺒﺎﺕ ﺣﺘﻰ ﻟﻠﻀﺎﺑﻂ ﻣﺠﺎﻭﺑﻪ ﻭﻧﺎﺗﺮ ﺑﻲ ﺧﻼﻩ ﻳﺘﺨﺒﻞ ﻛﺎﻝ ﻣﻴﻄﻠﻊ ﺍﻻ ﻳﺒﺎﺕ ﻋﺎﺩ ﻛﻔﺎﻟﻪ ﺳﺪﺕ ﺣﻠﻜﻪ ﻛﻔﻠﺘﻪ ﺑﺎﺳﻤﻲ ﻭﻃﻠﻌﺖ ﻭﺍﺧﺬﺗﻪ ﻛﻞ ﻋﻘﻠﻬﻢ ﺍﺑﻴﺘﻪ ﻋﺪﻫﻢ
ﻛﻔﻮ ﺍﺑﻮ ﻓﺮﺣﻪ
ﺍﻋﺠﺒﺞ ﻫﻪ ﺩﻛﻮﻣﻲ ﺣﻀﺮﻳﻠﻲ ﻋﺸﺎ
ﺗﺪﻟﻞ ﺍﻃﻴﺐ ﻋﺸﺎ ﻟﻌﻴﻮﻧﻚ ﺑﺲ ﺍﻣﺮﻥ ﻻﺧﻮﻱ ﺍﺷﻮﻓﻮ
ﺭﻭﺣﻲ
ﻓﺮﺡ - ﺣﻀﺮﺕ ﺍﻟﻌﺸﺎ ﻟﺒﺎﺑﺎ ﻭﻧﻤﻨﺎ ﻭﺭﻩ ﻣﺘﻌﺸﻰ ﻭﻣﻦ ﺍﻟﺼﺒﺢ ﺗﻘﺮﻳﺐ ﺍﻝ٧ ﻓﺰﻳﻨﺎ ﻋﻠﻰ ﺻﻮﺕ ﺍﻟﺴﻴﺎﺭﺕ ﻣﺎﻝ ﺷﺮﻃﻪ ﻭﺍﻟﺪﻙ ﻣﺎﻝ ﺑﺎﺏ ﻭﺻﻴﺎﺡ ﺍﻟﺴﻴﺪ ﻭﺍﺑﻮ ﻣﺤﻤﺪ ﻭﺍﺑﻮ ﻋﻮﻑ ﻓﺘﺤﺖ ﺍﻟﺒﺮﺩﻩ ﺑﺎﻟﻤﻴﺖ ﺷﺮﻃﻲ ﺑﺮﻩ ﻭﺳﻴﺎﺭﺍﺕ ﻣﻠﻴﺎﻧﻪ ﻃﻠﻊ ﺑﺎﺑﺎ ﻳﺮﻛﺾ ﺷﻜﻮ ﻫﺎﻱ
ﺑﺎﺑﺎ ﺩﻳﺪﻛﻮﻥ ﺍﻟﺒﺎﺏ ﻭﺩﻳﺼﻴﺤﻮﻥ
ﻃﻠﻌﺖ ﺧﺎﻟﻪ ﻭﺟﻬﻪ ﺍﺻﻔﺮ ﻭﺗﻠﺒﺲ ﺑﺤﺠﺎﺑﻬﺎ
ﺳﺘﺮﻙ ﺭﺑﻲ ﺷﺠﺎﻧﺎ ﻋﻠﻴﺶ ﻣﻄﺎﻟﻌﻴﻦ ﻫﻼﻝ ﻫﺎﻟﺸﻬﺮ ﺭﺑﻲ ﻓﻜﻬﺎ ﺩﺧﻴﻞ ﺍﺳﻤﻚ ﻳﺎﻛﺎﻓﻲ ﻳﺎﺭﺏ
ﻳﺲ - ﻟﺤﺪ ﻳﻄﻠﻊ ﻭﺻﺎﺡ ﺍﻟﺴﻴﺪ
ﺍﺑﻮﻭﻭ ﻓﺮﺣﻪ ﺍﻃﻠﻊ ﺭﺍﻳﺪﻳﻚ ﻳﺎﺑﺎ
ﻃﻠﻌﺖ ﻭﺍﻋﺪﻝ ﺑﻬﺪﻭﻣﻲ ﻭﺷﻌﺮﻱ ﻭﺍﻟﻜﻪ ﻣﻌﺸﺮ ﻗﺮﻳﺶ ﻛﻠﻬﺎ ﺻﺎﻓﻨﻪ ﻋﻠﻴﻪ ﺗﻘﺮﺏ ﻣﻨﻲ ﺿﺎﺑﻂ ﻣﻦ ﺭﺗﺒﺘﻪ ﻋﺮﻓﺘﻪ ﻛﺎﻝ
ﺣﻀﺮﺗﻚ ﻳﺲ ----
ﺍﻱ ﻧﻌﻢ ﺗﻔﻀﻞ
ﺍﻧﺖ ﻣﻦ ﺑﻐﺪﺍﺩ
ﺍﻱ ﻭﺳﻜﻨﺖ ﺍﻟﺴﻤﺎﻭﻩ ﻗﺒﻞ ﺳﻨﺘﻴﻦ ﻭﺷﻮﻳﻪ ﺗﻔﻀﻞ
ﻛﺎﻝ
ﻋﻠﻴﻚ ﺗﻬﻤﻪ ﻗﺘﻞ . ﻫﺎﺭﺏ ﺻﺎﺭ ﺳﺒﻊ ﺷﻬﻮﺭ ﻳﺪﻭﺭﻭﻥ ﻋﻠﻴﻚ ﻭﺍﻟﺒﺎﺭﺣﻪ ﻣﻦ ﻛﻔﻠﺖ ﻋﺒﺪ ﺍﻟﻠﻪ ﻋﺒﺪ ﺍﻻﻟﻪ ﻭﺩﻛﻴﻨﺎ ﺍﺳﻤﻚ ﺑﺎﻟﻜﻔﺎﻟﻪ ﻃﻠﻌﺖ ﺍﻟﻘﻀﻴﻪ ﻋﻠﻴﻚ ﺍﻧﺖ ﻫﺎﺭﺏ ﻣﻦ ﺍﻟﻌﺪﺍﻟﻪ ﻭﻣﻬﺰﻭﻡ ﺑﻴﻦ ﺍﻟﺰﺭﻉ ﺗﻔﻀﻞ ﻭﻳﺎﻧﺎ
ﺍﻟﻤﻦ ﻗﺎﺗﻞ ﺍﻭﻛﻒ ﺧﻞ ﺍﻓﻬﻤﻢ
ﺟﺮﻧﻲ ﻗﻮﻱ ﻭﻛﻠﺒﺠﻨﻲ ﻋﺒﺪ ﺟﻴﺖ ﻋﻠﻴﻪ ﻳﺮﻳﺪ ﻳﺘﻀﺎﺭﺏ
ﻭﺍﻟﺘﻤﻮ ﻋﻠﻴﻨﺎ ﺻﺎﺡ ﺍﻟﻀﺎﺑﻂ
ﺍﻧﺖ ﻗﺎﺗﻞ ﺍﻟﻌﻀﻮ ﺍﻟﺒﺮﻟﻤﺎﻧﻲ ---- ﺑﻌﻤﻠﻴﻪ ﺍﻏﺘﻴﺎﻝ ﺑﺘﺎﺭﻳﺦ --- ﻫﺎﻱ ﻋﻤﻠﻴﻪ ﺍﺭﻫﺎﺑﻴﻪ ﺑﺤﺘﻪ ﺗﺎﺧﺬ ﻋﻠﻴﻪ ﺑﺎﻟﻘﻠﻴﻞ ﻣﻮﺑﺪ ﺍﻱ ﺷﻲ ﺗﺼﺮﺡ ﺑﻲ ﻳﻜﻮﻥ ﺿﺪﻙ
ﻋﻤﻲ ﻻﻗﺎﺗﻞ ﻭﻻﺍﺑﺪ ﺍﻻﺳﻢ ﻫﺬﺍ ﺍﺳﻢ ﺍﺑﻦ ﺧﺎﻟﺘﻬﺎ ﺍﻟﺠﻠﺐ ﺻﺎﺡ
ﺍﻣﺸﺸﺸﻲ ﻟﻠﻤﺮﻛﺰ ﻭﻣﻨﺎﻙ ﺍﻓﻬﻤﻢ ﻋﺒﺪ ﺍﻟﻠﻪ ﺣﺎﻭﻝ ﻳﺘﻘﺎﻭﻩ ﻭﻳﺎﻫﻢ ﻭﺍﻟﻌﺎﻟﻢ ﻛﻠﻬﺎ ﺻﺎﻓﻨﻪ ﺗﺨﺰﻳﻨﺎ ﺍﺷﺮﺗﻠﻪ
ﻣﺎﻛﻮ ﺷﻲ ﺭﺍﺟﻊ ﻛﺎﻝ
ﻻﺣﻜﻚ ﻭﺍﺭﻳﺪ ﻣﻦ ﺍﻟﻠﻪ ﻭﺍﺣﺪ ﻳﺘﺪﻧﻰ ﺻﻮﺑﻚ
ﺻﻌﺪﺕ ﺍﻟﺴﻴﺎﺭﻩ ﺍﻟﺸﺮﻃﻪ ﺣﺎﻳﺮ ﻣﻘﺘﻮﻝ ﺍﺑﻦ ﺧﺎﻟﺘﻬﺎ ﻣﻘﺘﻮﻝ ﻭﺍﻧﻲ ﺷﻨﻮ ﻣﻤﻌﻘﻮﻟﻪ ﻣﻦ ﺿﺮﺑﺘﻪ ﻣﺎﺕ ﺍﺻﻼ ﺍﻧﻲ ﻣﻦ ﺍﺧﺮ ﺿﺮﺑﻪ ﺑﻌﺪﻩ ﺍﻟﺮﻭﺡ ﺑﻲ ﻃﻠﻌﺖ ﺍﻟﺴﻴﺎﺭﻩ ﻭﻛﻮﻣﻪ ﺍﻓﻜﺎﺭ ﺑﺮﺍﺳﻲ ﺻﺪﻗﺎ ﺧﻔﺖ ﺑﺮﻳﺴﻢ
ﻓﺮﺡ
ﺷﻮﻥ ﺣﻴﻜﻮﻥ ﺭﺩﻩ ﻓﻌﻠﻬﻢ
------
ﺓﺍﻋﺬﺭﻭﻧﻲ ﺗﺎﺧﺮﺕ . ﻧﺖ ﻣﺎﻋﺪﻱ ﻭﺗﻮﻧﻲ ﻃﺒﻴﺖ ﻟﻠﺒﻴﺖ ﻭﻛﻨﻜﺖ ﻭﻧﺰﻟﺘﻪ
ﺷﻜﺮﺍ ﻟﻠﻤﺘﺎﺑﻌﻪ
ﻣﺮﻳﻢ ﺍﻟﺴﻌﺪﻱ
