اقتسره العشق.... للكاتبة أميرة مدحت

الفصل السادس عشر

روايـة "اقتسـره العشـق"
"الفَصْلُ السَّادِسُ عَشَر"

أحيانًا يكون الإنكسـار مـا بعد السقوط
مُقدمة لوقفـة أُخرى أكثر قوة

الأجواء المُحيطة هادئة تمامًا، ترجل "رحيـم" من على سيارتـه؛ مُستندًا على حواف السيارة، ثم جلس على حرف السيارة الأمامي، ونظر من هذا المُرتفع الجبلي الذي ترى عبره العاصمـة كلهـا.

نظر في ساعـة يده وهو يتأفف، ثم عاد ينظر أمامـه من جديد، تحرك أمام ناظريـه سيارة أُخرى تقترب منـه، فـ علم أنه هو المُنتظر، وقف "رحيم" مُتصلبًا حتى ترجل "سيف النصـار" عن سيارتـهِ، وأقترب منـه بخُطى ثابتـة لا تخشى، إبتسم الأخير لـه بعملية مرددًا:
-فهد آل نصـار بـ نفسـه واقف قدامي؟؟..

إبتسم "سيف" دون مرح وهو يقول:
-زهقت من الجوابات، قولت نتقابل face to face، ولا إيــه؟؟..

هز "رحيم" رأسـه إيجابيًا وهو يردد بإهتمام ناظرًا حولـه بتفحص:
-معاك حق، وإخترت مكان كويس للمُقابلة.

سألــه "سيف" بصوتٍ صـارم:
-مُمكن أفهم إيه الجواب إللي بعتــه إمبارح ده؟؟..

صمت "رحيم" قليلاً قبل أن يقول بجديـة:
-زي ماإنت شوفت كده، رامي مش هيساعدك في إنك توصل لمكان إللي مشغلــه وإللي أمره أنه يأذي كـارمـا.

أشتعل الإستنكار في عينيـهِ قائلاً:
-إشمعنـا؟؟..

رد "رحيم" بصوتٍ جدًّ:
-سيف باشا، الراجل ده مش سهل، إحنا حاليًا بنتعامل مع شبح، لا عارفين شكلـه ولا حتى إسمـه؟!..

تمتم "سيف" بجدية:
-في معلومـة جديدة.

سكت مُتعمدًا ليقول بهدوء:
-إسمــه ثروت، النهاردة عرفت إسمـه من تحقيقات النيابة بعد ما ولاد الـ**** إللي خطفوا كـارمـا أعترفوا بإنـه أمرهم بـ كده، بس مش عارفين شكلـه، لإنـه أتعامل معاهم عن طريق مًكالمة موبايل.

أضــاف بـ لهجـة قوية:
-ده غير أعتراف رامي، ومن ضمن أعترافاتــه.. إنـه دايمًا مُتنكر!!.. مرة يظهرلـه بـ دقن ومن غير دقن وبـ أشكال مُختلفـة كمـان!!.. ودايمًا بيلبس نضـاره سودا، عشان محدش يعرف شكل عينـه، فـ كده مقدرش يوصفـه!!..

سألــه "رحيم" بضيق:
-والحل؟؟..

رد عليـه "سيف" بجمود:
-هنضطر نستنى أي جديد منـه.

سحب نفسًا حادًا قبل أن يُضيف بصوتٍ عميق:
-لو في جديد كلمني، أنا لازم أمشي عشان سايب كارمـا لوحدهـا.

هتف "رحيم" بتساؤل مُهتم:
-آه صح، أخبار كارمـا إيه؟؟..

تصلب جسده حينما نطق إسمهــا بذلك الإهتمام، إلتفت إليه يحدجـه بـ نظرات قاسية مُظلمـة وتقوس فمـه إلى إبتسامة شرسة قائلاً:
-هي كويسة، بس إسمهــا مدام كارمــا، تمام ولا؟؟..