مْنْوُعٌآت وُحِڪمْ آلُحسيَنْيَ

حرب السخرية 🚫⚠️

السلام عليكم
.

بخصوص النشر بذاك كتابي مال الامبراطورية
فـ متوقف هل فترة لان ايام حزن
عظم الله لنا ولكم الاجر باستشهاد آل بيت النبوة
.

ندخل بالموضوع ولأول مرة ادخل بالموضوع بسرعة 🙂😂
البارت جدا جدا جدا مهم سوي تاك للتحبة يشوفة ويستفاد
.

المهم حرب السخرية او الحرب الناعمة تساهم بتفكيك المجتمع وهذه احد اخطر الاسلحة الي يستعملها العدو حيث يظل يسقط بالدين والعقيدة
لان شافوا قوة الحشد الشعبي مبني ع اساس الدين والعقيدة
واذا الانسان بلا دين وعقيدة يظل تايه وميعرف روحة شيريد وباله مشتت
وطبعا الهجمة الحالية ع شيعة
بحيث الشاب الشيعي كام يحس بالعار من ينذكرون الشيعة بدال الافتخار بمذهبه
.

خل اوضحلكم اكثر
هسة اكثر شباب الشيعة كاعد يلتجؤون للعلمانية تكلة ليش؟
-يكلك والله ما اريد امشي ع دين وراثي"!!
-يابة ترى الامام الحسين عليه السلام اعظم رجل في التاريخ انولد ع الاسلام ع دين ابوه وجده وين العار بالموضوع؟
-يكلك الحسين عالم ويعرف
-زين انت شعرفت حتى كلت العلمانية هي الحل المناسب؟
-يخوي اريد اخلص من هل عمايم ما جابولنا بس السمعة
-ولك احمد ربك السنة يمثلوهم العرعور وعارات السعودية وما كالوا نتبرأ من سنتنا ومغلسين ع ذولاك ولا يذكرونهم اصلا
-متشوف انت وضع البلد بكل خراب واجت العمامة ع اقل ذولاك مو يمهم بعيدين
-يا عمامة تقصد؟ عمامة الشيخ كاشف الغطاء الي ساهم بتحرير كربلاء من جنود آل سعود قبل 200 سنة والي اجوا يحتلون النجف
لو العمايم الشاركت بثورة العشرين ورفضت الاحتلال البريطاني
لو عمامة السيد الخوئي الوقفت بوجه الطاغية صدام ولو شوي متخاذل وقتها جان انمحت حوزة النجف
لو عمامة السيد السيستاني الي زرعت الخوف بقلب اسرائيل وامريكا الي جانوا متخيلين العراق سهل احتلاله وسط الفوضى الطائفية
.

ترى معاوية معمم والامام علي معمم
واليزيد معمم والامام الحسين معمم
لتكون مثل بعض المسلمين قبل بيهم كرهوا الاسلام وتبروا منه يكولون الرسول مات وعافلنا هل عمايم تتعارك ع حكم
واكو يكولون شلنا غرض صار معاوية خليفة لو الامام علي همَ بعد قادة كبار وبيناتهم
لا غلط... فرق بين الحق والباطل
انت مشكلتك تباوع لجهة وحدة
ع الجهة المترصدها الاعلام وساهم بزراعة هل فكرة براسك
تدري انو اعلام الدولة الاموية زرع فكرة بين المسلمين انو الامام علي عليه السلام ما يصلي؟ واهواااي ناس صدكت"!!!
انت تدري اغلب مراجعنا ع مر العصور مُعترف بيهم بكل طوائف الاسلام؟
تدري مراجعنا حتى الغير مسلمين يحترموهم ويسمعون لكلامهم؟
اكيد متدري انت التدري بيه اهل العمايم مخلصيها بوگ وخربوا البلد
من هل حجي الي من كثر ما يحجون بيه صرت ببغاء وكمت تكرره وترسخ بفكرك
بالنسبة الي اعرف الحرامي واعرف الرجال الخير
ومسيطر ومخلي رجل ع رجل واحجي ومحد يكدر يكول لا او غلط مسيطر بعد
وانت ظال بخوف وقلق لذلك ياهو يطلع حرامي وامبين يلا تحجي عليه لو تجمع بكلمة (اهل العمايم) وتطلع من السالفة
.

وايضا انت تخاف تكول حلال وحرام لان راح تلكة تنمر من الناس وتكون شلون المنبوذ
هو صح مو حلو هل شعور وتحس روحك غريب عنهم 
لكن صير قوي وواجه هل شي لخاطر نبيك النبي اكيد منقهر ع المسلمين الي هجروا القرآن والسنة وهمهم حياة الدنيا ولعب ووناسة
لا تكن سبباً لأذى رسول الله والامام الحجة
خليها ابالك اعمالنا السيئة تؤخر بالظهور
الامام الصادق عليه السلام شبهلنا التمسك بالعقيدة في الوقت الحالي كالتمسك بشوك القتاد
والقتاد نبات بري قاسي لدرجة ان الجِمال ما تكدر تاكله تتاذة
واليتمسك بالقتاد باليد المجردة هذا بس الما رايد ايده 😅
لذلك انت هم ضحي لاجل دينك ولآخرتك وكن من المتمسكين بعقيدة محمد وآل محمد
.

المهم الحجي اهواي بهل جانب انصحك تتابع قناة فريق ابعاد الاعلامي ع اليوتيوب راح يزرعولك فكرة جدا جميلة ع مذهب الشيعي
عكس قنوات الفتن
.

نحول ع موضوع السخرية
(يبو فاضل)
هاي السالفة مال يبو فاضل ومدري بعد اذا اكو غير مصطلحات (للتحشيش) بإسم الائمة عليهم السلام
يعني كمت اذا اشوف واحد يكول ابو فاضل كبل يجي ابالي الميمز واضحك
ليا درجة وصلنا؟ اسم الامام يضحك؟
زين انت اي انت التقرأ تقبل اسم ابوك يكون مضحكة؟؟
زين شلون تقبلها ع اقوى فرسان العرب واخ الحسن والحسين وابن علي ابن ابي طالب عليهم السلام
الامام العباس جسد المعنى الحقيقي للرجل المسلم فهو شجاع كريم وفي يحترم اخوه الامام الحسين احترماً لدرجة يناديه سيدي الا في لحظاته الاخيرة نادى اخي حسين
كان قادراً ان يشرب الماء ويوصله للامام لكن رفض ان يستشهد وهو مرتوي بالماء والحسين يستشهد عطشان
رجل عظيم كـالـ عباس ابن علي ابن ابي طالب الذي زرع الخوف لاعدائه حتى وهو قطيع الكفين
تنجاب سيرته بالضحك؟؟
ع هل كلام انت وضميرك بعد تغير وجهة نظرك او لا
.

ويبقى السؤال
اكو فائدة من كلامي لو لا يعني اكو احد ينصلح؟
نعم فـ مخططات هل حرب كاعد تنكشف والحمد لله واهواي من قنوات الفتن هجروهن الشباب وجاي اشوف هسة اعمال درامية لابطال الحشد الشعبي عسى ولعل بيها رسالة وتصلح بيها جماعة فلان المهرج 🙂
.

ونصيحتي... القنوات او البرامج المتخصصة بهل مواضيع الاجتماعية والسياسية شلون تعرفها فاسدة
1- اذا شفتها متجيب طاري البعض ومركزة ع جهة وحدة فقط تعرف غايتها اسقاط ذيج الجهة وابعاد الشبهات عن جماعتهم
2- بالله هل نقطة امبينة يعني من تباوع لبرنامج عووود توعوي وثقافي وتشوف المصطلحات GOM.B وغيرها يعني امبينة تريد تخرج جيل روحة باللسان الزفر ميعرف يتناقش بدون ميفشر وتعرفون القرآن والسنة شحجوا عن هل اللفاظ (طبعا مشهودتلهم هل جماعة لسانهم العسل ونقاشهم الهادئ)
3- اهم شي المسؤول عن القناة او البرنامج بشكل عام مو بعثي 🙂
4- واجب بهيج مواضيع ينذكر القرآن واسم النبي وآل بيت النبي حتى الي يقدم البرنامج يقدمه ع حب الله واهل البيت
.

هاي هي انتهت
شنو شعبالكم صعب ايجاد طريق الحق؟
طريق الحق صعب انو طريقه عكر وغير سليم ومليئ بالمخاطر مو تبليط وبيه اشارات تدليك لوين تتجه وامان
اني اكدر اكون طبيعي وحالي حال هل همج ومحد راح يحاجيني وبالعكس اصلا يكون عندي جماهير اكثر
لكن بالگبر ميفيدني هل شي ويضرني اكثر اذا كنت مسبباً بانحراف شخص عن الحق
لذلك راح استمر وان شاء الله من يجي الوقت المناسب راح احجي بالاسماء
.

للتنويه ما اكلك حسين الحسيني هو الحق
حسين الحسيني قريب ع حق فقط يعني خاف واحد يحجي
.

في امان الله
.