لن اُكسر

البارت الثاني والعشرون

لن اُكسر

البارت الثاني والعشرون
بقلم .. زينب الشمري

ويسألوني شعجب
من طحتي ماگلتي

شكول وسيفهم يذبح بسالفتي

شكولن وانه صيح البير مابي صوج
وذيب بلاذنب متلطخ بقصتي

اهزن ياسنه ويردن الشيبات
وسولف ياجرح من فيض موهبتي

وعاتب وي روحي بسج من لضيم
شو هانت عليهم لمن دولبتي

حسبتيهم اعزاز ولحظه متهونين
وهسه الهم صفالج وخارج هنتي

عيشي شويه عيشي كافي بس لناس
خلص عمرج ركض ولهسه ماعشتي

جنتي مدللة والنفس كافي عليج
شنو الغيرج شو هيج ماجنتي

شيبج ترس راسج غيرج الربحان
الربح الهم سعاده وانتي الخسرتي

❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️

فتحت عيني بعد عتمة طوويلة ومتاهة سوداء غوواش قووي خلاني ارمش بعيوني حتى توضح الصورة عندي ركززت اني بلصالة الاول ماطبينة الهاا ايدي دك بكلبي من وجع نزلت دمووعي بسررعة الم لا يطااق ..

اجة كعد كبالي وصغرر عيونة ويباوعلي بنظرات متروسة حقد .. اهنا اني عرفت نفسي عار ومامتت وضليت مكابلة عدنان

درت وجهي عنا فر وجهي بجف ايدة الجبير جبررني للنظر لعيونة كبريائي وكرامتي اكبر من انزل لمستوة رغم عيوني المغيمات رفعتلة حااجبي ماراضية ع الصار والديصير ..

عدنان .. ليش هيج سويتي وعورتي نفسج

نور .. حتى اخلص من شكولك الخايسة

احتدت ملامحة بغضب كمش ايدي الملفوفة بلشاش وعصرها شااغت روحي للسما عطت بووجهة .. اخخخخخخ كااافي

وخر ايدة وهوة مركز بعيوني .. ثاني مرة بس اسمعلج صووت راسج اكطعة وخزرني وكام ..

درت وجهي عنى بتملل شفت الساعة 9 بليل يعني ماناوي يخلص هليوم الاگشر عطشت مي كمت بلكوة راسي ثكيل جريت بطل شربت ورجعت نمت صفنت بلغرفة ..

شنو هلعيشة الگشرة شووكت ارتاح ماريد ارتاح امووت واخلص احسن شي والله بس مشكلتي عار حتى ما اموت ..

رجع طب للصالة باوعتلة بنص عين ودرت وجهي عنة رجع كنبص كبالي كال .. شلوون صارت ايدج

نور .. لا والله فوكاها جاي تسئل عليها منو جان هسة عصرها خليتني اگمز وبعدين شلون طلعتني من الحمام منو كلك تصير سوبر مان وتنقذني فوك شينك يعني جاي تسوي براسي المنقذ وهسة تسئل ..