لن اُكسرالبارت الاخير
بقلم .. زينب الشمريشجاها عيوني تعشك دون متشوف...
وشجاني تعلقت من غير صدفه...
غريب أحساسي بيك تولعت ليش...
شعور بداخلي ما أكدر أوصفه...
الكلب يهواك عاشك حد الجنون...
شيقنع الكلب والعقل مايصفه...
ياأول حبيب أختارته الروح...
وياأجمل غرام وأحلى صدفه...
مومألوف حبي أدري اني وياك...
بس عندي قناعه وياك أصفه...❣️❣️❣️❣️❣️❣️
بلكوة دخلت لصفحتة ماتحملت اشوفة نزلت ليجوة وشفت اصدقائة وجنة رجعلي خيط الامل من شفت عمار وكفت على حيلي مامصدكة شهكت وطاحت دمووعي صحت عمااار
مراد شمر فونة واجاني يركض كمشني من جتوفي خضني .. شبيج
حجيت بنبرات متكطعة .. عماااار عمااار
شال الموبايل شاف صورت فقار هوة شايفهم بلصور كال هذا مو اخوج اني صوجي سويتلج فيس جان يريد يمسحة
جريتة منة بسرعة وحطيتة ورة ضهري .. لا عليك الله بس احجي ويا ام عمار حباب
هز راسة وكال بس مضلين طلعين اهلج وتبجين
هزيت واسي بدموع متهامرة من عيووني كمشت الموبايل متوترة حييل بلكوة دخلت لصفحتة جانت صورتة لابس كووت طوريل ويا ثلووج بلخارج دزيت طلب بسرعة ودخلت خااص حررت شكتب
كتبت .. عمااار اني مَدين شلونكم شلون امي انتو وين
خانتني الكلمات اتصلت طولت الرنة مارد رجعت اتصلت انرفضت المكالمة والرسائل انقرت بسرعة دك كاميرا جريت حجاب خالتي لبستة وفتحت كاميرا شفت عماار خزرني مراد ماهتميت
كمت ابجي بحيل وحركة وهوة هم بجة ماحجينة المكالمة جانت عبارة عن دموع ونور يمي تبجي وخالتي تبجي بعدين كال .. هاا ميمة شلونج
رديت بدمووع .. شلووني شلووني واهلي ماهمة وانتو عفتووني شلووني
جنت بلكوة مسيطرة على جهاز لا يفلت من ايدي كال .. والله مانسيناج بس اظطريتا نهاجر للنرويج تدرين وضع العراق
.. اخخخخخ وين امي ويين شلون زيودي حسوني عمي سجاوي
.. كلنا بخير لحضة اصيح امي
خلى الموبايل على جرباية والكاميرا للسكف اني عدلت حجابي ومسحت دمووعي مراد خزرني .. شلوون تحجين وياا وتفتحين كااميرا طنطل اني هناا سدي بسررعة
كتلة بنبرة توسل .. مراد حباب والله مابقيلي من اهلي بس ذولة هما الربوني حتى اخواني بلرضاعة الله عليك بس احاجيهم
YOU ARE READING
لن اُكسر
ChickLitقصة واقعية لبنت تنعكس ظروف الحياة ضدها لتكبر وتقاوم الحياة من جديد .. بعد معاناة طويلة