قصر الصياد

قصر الصياد. ٦

كان لؤى جالسا مع الجد ليشغله الى ان يعود رعد
الجد _بقية الشباب فين يا لؤى
لؤى_فى المطبخ ياجدو زى ما حضرتك امرت بيحضروا العشا
الجد بصرامه_وانت مش معاهم ليه
لؤى بارتباك وهو يقول فى نفسه "منك لله يا رعد هتقلب جدو عليا"_ لا اصل انا استاذنت منهم علشان اقدر اقعد مع حضرتك استفيد من دهائك وحكمتك

ابتسم الجد فى ثقه ،الجد _قولى صحيح يا لؤى ايه حكايه الرقم واحد اللى اختروتوه انت وهمسه

لؤى _الحكايه ماهى الا محض صدفه ياجدو ،انا رقمى المفضل ٧،علشان كده فكرت اختار الرقم اللى ممكن همسه تختاره فخمنت انها لو كانت مكانى هتختار الرقم ١
الجد باستغراب_ليه

لؤى_همسه يتيمه الابوين ،عاشت سنين كتير بتعانى لوحدها ،لذا اعتقد ان ده هيكون احساسها حاليا انها وحيده ،رغم وجودنا معاها ،علشان كده ياجدو كنت عايز اعجل بالزواج علشان مخليهاش تحس الاحساس بالوحده ده ثم اكمل بحزن،عايز اعوضها عن كل اللى شافته وخاصه انها كانت هتموت بسببى ياجدو

الجد_متحملش نفسك فوق طاقتها،اللى حصل مكانش ذنبك
لؤى _رغم انها اكدتلى انها نست الموضوع ،الا انى عمرى مانسيته ابدا
الجد_لازم تنسى يا لؤى ,,,لؤى باسى_هحاول ياجدو
الجد_لؤى كنت عايز اسالك عن سيف،عرفت انه صاحبك

لؤى_اه ياجدو ،سيف انسان كويس جدا ،بس مشكلته انه بقى عصبى جدا بسبب شغله

جدو_وتفتكر ده حد اقدر ءاتمن عليه بنت من بناتى

فهم لؤى لن سيف قد طلب مقابلة الجد لطلب يد منه _ياجدو ما هو اكيد هيفصل بين شغله و حياته الخاصه
الجد_ممم هشوف الموضوع ده

لمح لؤى رعد من الخلف يحاول الدخول فى الخفاء ،فتنهد لؤى بارتياح لمرور الامر على خير
الا ان الجد نظر الى ما ينظر اليه لؤى فشاهد رعد فنادى عليه
وضع لؤى يده على وجهه خوفا مما قد يحدث

اقترب رعد بحذر وهو ينظر الى لؤى _نعم ياجدو
الجد_وانت كمان مش فى المطبخ مع الشباب ليه ،ولا لسه مش عايز تدخل المطبخ

رعد بدفاع عن نفسه_لا طبعا يا جدو اكيد عايز طالما دى اوامر حضرتك
الجد باستياء_وكنت فين شايفك جاى من برا

رعد بارتباك_كنت بجيب حاجات ناقصه للمطبخ

الجد وهو ينظر الى يديه بشك _مش شايف اكياس فى ايديك يعنى

رعد_اا
لؤى_الظاهر انه ملقاش المطلوب ياجدو ،فى هذه اللحظه جاء زياد يدعوهم للعشاء فلقد تم تجهيز السفرة

تنفس كل من لؤى ورعد الصعداء
الجد وهو ينظر لرعد نظرات ذات معنى_رعد ،شارك مع ابناء عمك فى المطبخ والا هيكون ليا تصرف تانى معاك انت بالذات

رعد_ حاضر يا جدو،اللى تؤمر بيه

تناول الجد العشاء بصحبه احفاده _استعدوا بكرة باذن الله هتبتدى اولى تحديات المسابقه