ليالي المدرسة الآنيسه ___مكتمله___

تجميع الحلقات ١،٢،٣،٤

#ليالي_المدرسة_الأنيسة_بقلم_كنانة_غميان

مقدمة: الجيل الذهبي ...هو جيل الثمانينات والتسعينات الذي لن يتكرر مرة أخرى ....هذه رواية تتحدث عن تفاصيل قد تبكي أحداهن بسبب الحنينلتلك الأيام الغابرة بين طيات ذكرياتنا الجميلة .....أرجو أن تعجبكم

( رواية من الأرشيف وقد تم تغيير العنوان )

أتمنى لكم قراءة ممتعة
تم تجميع الحلقات 1.2.3.4.

الحلقة الأولى :#كنانة_غميان

 
هذه القصة مأخوذة من أحداث واقعية من حياتنا اليومية لكن لابد من أن يجتمع فيها خيال الكاتب ...نتمنى لكم قراءة ممتعة بصحبتنا .....

((ملاحظة : هذه القصة إهداء إلى الجيل الذهبي )))

....سابع( آلاء)

وتاسع( تقى)

وعاشر( حنان)

..
.....ألاء ..و تقى .وحنان
....👧.......👧....👱

وأخيرا اجى يوم السبت بعد انتظار طويل من البنات ....صباح  مليان  بنسمات عليلة و باردة خاصة مع انتصاف إيلول ...صوت زقزقة الدوري هون وهنيك .. ولا الستاتي اللي عم يهدروا على شبابيك البيوت ...ولما بلشت الشمس تبزغ شوي
شغلت الأم المسجلة لتحط على إذاعة دمشق(7 الصبح)  وتبلش فقرة صباح الخير  مع صوت فيروز ...حسوا البنات على الصوت وقاموا  ضغري كل وحدة منهم  متنشطة شكل منشان تظبط وضعها ع ال24 ...وتخلي حالها أجمل وحدة من بعد طول غياب بين رفقاتها

آلاء على المراية : لك يا الله ...وين فرشاية الشعر ....على طول لما بدي ياها مابلاقيها   وينها (عم تدور بهل الدروج

تقى جنبها ع تتأمل بحالها كمان ع المراية :  أخ ....أي ......لك حاجة تدفشي ...روحتي بطني وأنتي عم تفتحي الدرج ....يا الله شوفي شو عملتي بوجهي ...بدي ارجع ظبط الكحلة من أول وجديد ...كللو منك هففففففف

حنان  على المراية(ساعة الإزدحام) عم تستشور شعراتها ومدايقة: كرمال الله بعدولي هيك ماعاد شفت حالي بالمراية (......)لااااا يا الله ....انقطعت الكهربا كيف هلأ بدي روح نص عاملتو ونص التاني طالع متل المقشة ييييييي يضرب هالحظ

تقى عم تعطي حلول: عادي اختي.... حطي مقشة ع الطرف التاني بيمشي الحال.... بتطلعي كتير موضة قدام البنات  وفلللجة هههههه

حنان : هي هي ...مهضومة كتير صايرة

بتجي الأم بتفتح الباب من الصوت اللي طالع لبرا  : يا عيني ...ياسللام عليكم ... وعم قول لحالي ليش هالنشاط من على بكرة الله......... والله اللي بيشوفكم بيقول هدول رايحين على عرس مو على أول يوم مدرسة .....شو هاد انتي وياها ...هيك بدكم تطلعو...