#ليالي_المدرسة_الأنيسة_بقلم_كنانة_غميان
تم تجميع الحلقات 9 .10.11.12
((وبالصف )))
قعدت حنان بالمقعد ....ووراها بدها تقعد حياة ......فنطت هيا ومسكتها ....: لوين رايحة ؟؟؟
حياة: بدي أقعد هاد محلي
هيا : لا حبيبتي هاد محلي صار ....بدك تقعدي (وشارت بأيدها) ...شايفة هداك المقعد الفاضي ....روحي اقعدي عليه
اطلعت حياة بحنان اللي دايرة وجهها : شو حنان؟؟عنجد هالحكي ......بدك ياني روح أقعد هنيك ......
حنان: مابعرف ....(منشان الله لبقى تسأليني حياة عم موت أنا)
حياة: شلون مابتعرفي؟حنان شبك حطي عينك بعيني .....ليش هيك عم تعملي فيني؟ شو صاير ...مزعلتك بشي ...؟عاملتلك شي ؟
حنان دايرة وجهها: مابعرف ...رح تبلش الحصة ...
وفاتت الآنسة تبع المادة ...ومافي وقت لنقاش ولسعتها حياة واقفة برات المقعد .......ومشيت مضطرة تروح على المقعد الفاضي بآخر الصف ......قعدت حياة مو على بعضها ..تحس شي جواتها ...نار وماعم تنطفي ....ومافي حدا ممكن يطفيلها هالنار غير حنان نفسها ......قعدت حياة شاردة طول الوقت مو فهمانة ليش هيك عم تعمل حنان ...عقلها لا بدراسة ولا بالآنسة ولا بشي بنوب .....قاعدة تتأمل حنان من بعيد كيف عم تاخد وتعطي عم هيا ....وهي صفيت برات الجو كللو
وبالفرصة .......
هيا: حنان انا عيد ميلادي بعد.كم يوم .....بدي ياك تجي
حنان متلبكو : مابعرف ..بشوف حالي اذا بقدر ولا لأ
هيا: لا ...مابقبل اعتذارات بدك تجي
حنان: طيب ....بشوف
(هيا مو عاطية فرحتها لحدا لأنو حنان صارت رفيقتها ولو تمثيل)
بس حياة ماعلى بعضها طول الحصص ....لحتى خلص الدوام .......وبهل الوقت نزلت لتحت منشان تحكي مع حياة بس ؟؟؟؟؟؟؟اللي صار ....
(بالصف)
هيا: أنا سابقتك لتحت ......
حنان:ماشي :طلعت هيا ......وصفيت تقريبا لحالها حنان عم تظبط أمورها منشان الإنصراف .....وضلت فوق شوي
حياة على باب المدرسة عم تستنى حنان ....فشافتها هيا .....وقربت منها هيا بكل عين قوية : ....له له ياحرام شوفوا مين واقف لحالو ...عم يستنى خيالو
حياة: عفوا ...شو بدك.مني هيا ....؟
هيا: هههههه ولا شي ..بس بدي قلك أنو انتظارك كللو ع الفاضي
حياة:دارت وجهها وماعم يتفسر:
هيا: انتي بتعرفي انو حنان طلعت مو طايقتك بنوب ...وعم تتحملك غصب عنها ......لدرجة انك بتعمليلها مشاكل بإتصالاتك
حياة اطلعت فيها متفاجأة ومتدايقة: . مستحيل ... انتي كذابة
هيا: ههههه تصطفلي .. بس هي حكتلي انك كاتمة على نفسها بحركاتك البايخة . ...واتدايقت منك يوم المطر ونزعتيلها بدلتها .. ...حتى أكلت خناقة من أمها
حياة مصدومة ...انو معقول هالشي تسمعوا من هيا وماصارحتها فيه حنان..:. ......!!!!
فبدون ولا كلمة : حملت حالها وراحت حياة على بيتها
.....وقلبها مكموش ......هون نزلت حنان ......ولقت حياة ماشية قدامها وجنبها هيا ...ماقدرت حنان تسأل شوفي أو شو صاير ..بس حملت حالها ومشيت مع هيا
اللي عيونها من محلهم طلعوا ورقصوا زومبا ورجعوا .......
وصلت هيا على بيتها ......وكملت بعدها حنان على بيتها وعقلها مو معها .....واللي جواتها شي وعم يصرخ .
YOU ARE READING
ليالي المدرسة الآنيسه ___مكتمله___
Actionمقدمة: الجيل الذهبي..... هو جيل الثمانينات والتسعينات الذي لن يتكرر مرة أخرى... هذه الرواية تتحدث عن تفاصيل قد تبكي احداهن بسبب الحنين لتلك الايام الغابرة بين طيات ذكرياتنا الجميله....... ارجو ان تعجبكم
