🌹🔥الورود_المحترقة🔥🌹

09

.#الحلقة_9:
نهال: نرقد شوية عييت.
ميليسا : مام انا ..
حطو راسهم يرقدو مي مقدروش
نهال: بففف والفت بلاصتي في دارنا واش يرقدني .
ميليسا : مش غير هذيك الحس كيما راهم يسيقو ويهدرو الحس بزااف .
نهال: حسبالك حنا فالدشرة السكات .
ميليسا : نورمال نوالفو ..
حطو رايسانهم رقدو السخانة عياو ..
فيبرا تليفون تاع نهال لقاتو نذير بقات تحكي معاه حتى رجعو بثينة ورندة ...يضحكو ويهدرو..
فتحو الباب ودخلو .
بثينة : التبهدايل اسكتي هههههه
رندة : ايما عييت نرقد.
بثينة : ارقدي مام انا نرقد لعشية عندنا خرجة..
نهال كانت تهدر بلعقل كي سمعت يهدرو هكاك خافت نذير يسمعها .
نهال: جاو لبنات منبعد.
نذير : اوك فالليل نحكو.
نهال: نشالله
كوبات نهال وشوف فيهم يحكو .
نهال: معليش نسقسيكم وين خارجين ؟؟
رندة : هههههه مزلتي صغيرة بنتي من بعد تفهمي .
بثينة : هههههه قوليلها حشمتي .
رندة : نن خليها في نيتها الطفلة جات تقرا منسوفجهاش هههههه
بثينة : واش اسمك قلتي ؟؟
نهال:نهال .
بثينة : عندك حنونك ؟!!
نهال: ايه ولد عمي .
بثينة : شفتي حتى هي ط*** كيفنا ههه
رندة : يابنتي حسبتك عاقلة.
نهال : نهدرو برك جامي درنا حاجة عيانة ...ولد عمي ساكنين ساحة وحدة .
بثينة: ههه شغل خوك ههه يبنتي ماكيش عايشة .
رندة : اششت بثينة خلي الطفلة...عندك نهال حطي راسك في قرايتك خطيك منا ..تبعينا تهبلي حنا مش تاع قراية
نهال؛ فهمتكم المهم خرجتو من دياركم .
بثينة : شو في حنا نقراو ننجحو يزوجونا مع بنادم حابس كيفهم نقعدو فالدار نتغمو نربو ذراري ومكان والو ونولو عجايز بكري ...خلينا نبردو قلبنا هنا ونزهاو
نهال : ومتخافوش يفيقولكم
رندة : وين يفيقو هوما فالشرق وحنا فالغرب ..خلينا يرحم باباك.
بثينة : حقا موريتلكش واش شريت .
رندة : هاتي نشوف..
بقاو يشوفو فالحوايج ويضحكو ويقيسو ونهال تضحك عليهم وعلى هبالهم ..
رندة : نتصور بهذي نبعثها لحب قلبي .
بثينة : ربتي يابقرة
رندة : نورمال مشحاحة ههه
بثينة : خلاص امشي نرقدو راني طافية..
رندة : اصبري نتصور .
بثينة : نحيها يالزمرة ههه
رندة : نجيب ماخير حب قلبي يتهلا فيا
بثينة : هههههه علابالنا ايا هاتي نخبيها .
رندة : هاكي.
ترماو في فراشهم حطو راسهم رقدو ..ونهال مجاهاش النوم موالفتش بلاصتها والحس مخلاهاش ترقد مي بثينة ورندة موالفين رقدو بلخف