قمت اتوضيت وصليت دخل مؤيد انا استغفرت ديل مالم معاي مؤيد:فاضيه انا:لا مؤيد ابتسم زدخل قعد وسكت مسافه مؤيد:لمتين انا:شنو لمتين مؤيد:حتبقي كده طول حياتك يعني م ناويه تتكلمي مع زول صح ابوي غلط لانو ضربك بس انتي استفزيتيو بالكلام انا:الشاطر فيكم يطلعني انا الغلطانه ليه جربو ختو اللوم عليكم كل مره ابوكم يضرب ويذل وانا ابتسم وم ارد لكن خلاص زهجت انا وضاقت بي ومستحيل اسكت تاني مؤيد:مستحيل تكون دي وتين شنو الخلاك تبقي كده انا:مؤيد ممكن تطلع م عايزه اغلط فيك بالكلام مؤيد:دا الفالحه فيو لمن الكلام م يعجبك م عندك غير اطلع انا(لو قعدت اكتر حاجرحك بالكلام ي ريت تفهمني صعب علي اجرحكم بس لازم عشان م تفقدوني بعدين وم تحنو لي):طيب كلامك صح اطلع مؤيد:طالع بس ابوي قال ليك تعالي وي ريت تعدلي اسلوبك معاو طلعت وخليتو انا:السلام عليكم ردو كلهم عمي:ماشين لابوي خليك جاهزه انا:م ماشه معاكم عندي قرايه عمي بنهره:معاك نص ساعه واشوفك واقفه قدامي كنت عايزه ارد بس وقفتني خالتو مريم خالتو مريم:عشاني ي بتي قومي البسي وتعالي ماف داعي للضرب اقل من شهر وادبر اموري وبعديها لو فتشوي لي م حيلقوني مع انو حيفرحو مشيت لبست عبايتي وطلعت لقيت خالتو مريم قاعده انا:ديل وين خالتو مريم:وراك تنزيل:اشتقتي لينا تسنيم:ظاهر بس بتحاولي تخفي ي مجنونه انا قعدت وم عاينت ليهز وعملت روحي منشغله بالتلفون جا مؤيد وقال لينا اطلعو وصلنا بيت جدي اصلا م بعيد ولقينا عماتي سلمت عليهن ببرود وقعدت جدي ساكن معاو عمي خالد واولادو عندو بت اسمها حنان قدري اصلا هم م بحبوني وانا ولا شغاله بيهم تكتر زول بحبني جدي م برضى فيني ولا كلمه وهم ميتين من القهر اما حبوبتي بتعاين لي وطاني قاتله ليها زول متاكده انو جدي منبه عليها م تتكلم معاي عاينت ليهم وهم بتونسو ولفت انتباهي نظرات فهد لي م فهمتها وغماتي يسالن كيفك ومالك م بتجينا حركاتن دي قدام جدي بس عفنات خلاص عمتي مها:مالك ي وتين بقيتي ضعيفه كده انا:لا ضعفت ولا شي عشان طولتي م شفتيني بس عمتي منى:مالك م بتجي تسلمي كلهن خطوتين انا:لنفس السبب المخليك م تجي تسلمي على اخوك الكبير عمتي منال:اها كيف كان اول يوم ف الجامعه انا(زي وشك و وش بناتك من متين الحنيه دي):تمام التمام الحمدلله حبوبتي:مالك ي بت بتردي لعماتك كده انا:ارد كيف حتي ردي عايزين تتدخلو فيو سمعت صوت عمي يلعلع:ي بت احترمي حبوبتك وعماتك انا ابتسمت بسخريه وطلعت قعدت ف الحوش تحت شجره كبيره الشجره دي بحبها كنت بلعب هنا زمان كنا ساكنين مع جدي وانتقلنا قريب اتءكرت محمد و وعد ابتسمت لكن ابتسامتي اختفت لمن شفت اولاد عماتي جايين قمت بسرعه عابزه ادخل وقفني فادي(ولد عمتي مها اخو فهد اكتر زول بحبو ف العايله م زي اخو فهد دمو تقيل 24ساعه صاري وشو+كل يوم ف وشي اما فادي غير عنهم كلهم)فادي:وتين انا:ي اهلين فادي كيفك فادي:بخير وانتي انا:تمام الحمدلله فادي:عايز اطلب منك طلب انا:بدون مقدمات فادي:ن هسي ف وقت تاني بس حبيت اكلمك انا:طيب
عايزه ادخل سمعت صوت التوام(اولاد عمتي منى بقرو مختبرات حلوين و بشبهو بعض و م بتقدر تفرق بينهم مرحين خلاص برتاح لمن اتكلم معاهم عكس اختهم عبير ) انا:اهلين عامر:بت الخال كيفك عمار:وين مختفيه انا:تمام الحمدلله وانتو عامر وعمار:تمام الحمدلله عاينت ليهم شكلهم عايزين يلعبو علي عامر:اتحداك تعرفي منو انا انا ي ليل م اطولك عرفتهم المشكله كل مره بعرفهم:اشرت علي عامر انت عامر وانت عمار عمار:غلط انا:شنو الغلط كلامي صح عامر:كيف عرفتينا انا:سر المهنه وجيت عايزه امش سمعت صوت عبدالله (ولد عمتي منال بقرا طب حلو وممكن نقول عنو مرح بس بميل للجديه والبرود اكتر ) ديل مالم معاي اليوم اول مره يشوفوني اوووف عبدالله:كيفك انا:تمام الحمدلله وانت عبدالله:تمام يلا ندخل انا اجي دا مالو موقفني لشنو هسي جنس التخلف هي ي وتين استغفري استغفرت ودخلت معاو كلهم بقو يعاينو لينا مشيت قعدت جنب البنات وبدو يطعنو فيني بالكلام فاديه(اخت فادي وفهد بتقرا صيدله):م عارفه خالو محمد بجي متين اشتقنا ليو والله انا عاينت ليها وبابتسامه بارده:لا عبير (اخت التؤام بتقرا طب ):معقوله م عارفه وهو ابوك انا امس كنت اتكلم معاو وقال احتمال الشهر دا او البعدو ياسمين(اخت عبدالله بتقرا صيدله )قعدت تعاين اي وانا لمحتها بس طنشتها وانشغلت مع ايثار ياسمين:اها ي عبير م قربتي تتخرجي عبير فهمت عليها:وين اتخرج قايلاني بقرا مختبرات يختي دا طب م اي كلام وعاينو عشان يشوفوني ولقوني م شغاله بيهم كنت بسمع في كلامهم وبعد كدا رغبتي في اني اقرا طب زادت الكل عارف انو رغبتي اقرا طب ومتعلقه بيو شديد لكن م عارفين السبب وبطريقه غير مباشره عايزين يسحبو مني الكلام لكن هيهات تسنيم:والمختبرات مالا تنزيل:احمدي ربك لو م قروش ابوك كان هسي تقري في التمريض عبير وشها بقا لونو احمر جا فهد وقال:وتين جدي قال ليك تعالي المخلوق دا بكرهو زي اختو فاديه فادي متواضع اما دا اعوذ بالله متكبر وعصبي ولئيم خلاص وكلامو كلو اوامر الحمدلله بس كويس فادي حبيبي م زيهم عاينت ليو بطرف عيني وطلعت جا لاحقني ومسكني من يدي انا:فك يدي انت قايل نفسك منو عشان تمسكني فهد:النظرات الجوه دي افهم منها شنو كم مره قلت ليك م تتعاملي معاي كدا انا:افهم العايز تفهمو وانت منو اصلا عشان اسمع كلامك متخلف ومشيت منو انا:نعم جدي جدي:انعم الله عليك تعالي اقعدي جنبي قعدت جنبو جدي:مالك ي وتين الحاصل ليك شنو انا:ولا شى جدي:م تكذبي علي ليه قبيل اتكلمتي مع عماتك كدا انا سكت وم رديت ليو جدي واصل بصوتو الحنين:اعتبريني زي ابوك واي حاجه تزعجك او تزعلك انا موجود ولو احتجتي اي شي كمان انا ابوك م تنسي انا لا خربتها بسيره القروش دي الحياه م قروش انا:شكرا م بتقصر جدي:انا زعلان منك ليه م بتجي تسلمي على انا:اوه معقوله تزعل مني انت عارف اني بنوم كتير وبحب النوم جدي:ومالك ضعفتي كدا وم تقولي لي م ضعفته ظاهر انا سكتت جدي:لازم تهتمي بصحتك انا:ان شاء الله وتاني جا عمي وقال لي اطلعي طلعنا ومشينا البيت عمي:وتين تعالي انا بصوت مستفز:نعم عمي: نعامه تقتلك انا:اميييين عمي:ليه اتكلمتي مع امي كدا انا:حره اتكلم زي م عايزه وبالكلام البعجبني عمي كالعاده جا اداني كفين وقال:والله تاني اسمعك تتكلمي معاهن كدا م بريحك فاهمه يلا طيري من وشي ابتسمت وقلت ليو:م انت البتحدد كيف اتكلم او ارد عمي:اطلعي قبل م ارتكب فيك جريمه انا ابتسمت وطلعت صليت ونمت طوالي هانت كلها كم يوم وتاني م حيشوفوني مستحيل ابكي تاني او تنزل دموعي لناس م بتستاهل الله يصبرني بس
ومن ناحيه تانيه ماسك تلفونو وبعاين في الصوره كل مره يكبرها ويبتسم عيونك عذاب وانا
انا بحبك وانتي م عايزه تفهمي بتعانديني في كل شي بس بحبك اعمل شنو مهوس بيك انا بحبك بجي الوقت المناسب واطلب منك تتزوجيني لكن حتوافقي بحببببببك بعشقك وتيني ياخ تصبحي علي خير ي حبي
يتبع....
Zeinab Abdalla🍃🌈
