صحيت بدري اتوضيت وصليت وطلعت وانا اتسحب وكالعاده برجولي وصلت وخلاص م قادره استحمل جوع وتعب ورجليني اتكسرن اتصلت لي ايثار مشيت ليها سلمت قعدت انا:بسرعه ي ايثار اديني كل التفاصيل ايثار:اهدي ي بت براحه اول شي حتديو حصص الاسبوع كلو م عدا يوم الجمعه وبتستلمي القروش يوم السبت ولو م عايزه ممكن كل يوم تديك حق الحصه انا:تمام ايثار:ي ريت لو قبلتي القروش مني احسن من الشغل دا انا:ايثار لو سمحتي ايثار:اهاا سكته بس لمتين من عرفتك م حصل مره شفتك تضحكي صاحبه ممله خلاص انا ابتسمت ايثار:بس دا الفالحه فيو تتبسمي زي المتخلفين انا:روقي مالك قمتي فيني كدا ايثار:وتين م تخليك عنيده اتكلمي الكتمان م منو فايده الا اذا كنتي م بتثقي فيني وريني الزاعجك شنو والشي المخليك تشتغلي شنو امك او ابوك زعلوك طيب اختك جرحتك صدقيني عادي كل الاهل بغلطو بس م بكون قصدهم يزعلوك انا كل يوم امي بتشاكلني وكل يوم السفنجه بتسلم على وبرضو م زيك انا كنت بسمع في كلامها وسكاكين تنغرس في قلبي ي ريت لو امي معاي كل يوم تشاكلني وتنهرني وتذلني راضيه بس هي تجي وعدت نفسي م ابكي عشان زول امي وهي اغلي انسانه على وماتت تاني ابكي على منو ولشنو اصلا بس امي امي لو كانت عايشه حياتي حتكون غير استغفرته وعاينت ليها يلا المحاضره بدت مشينا وكان عندنا محاضرتين بعد خلصت مشيت مع ايثار وصلتني البيت ودخلت معاي كمان المهم خالتو امل مره حبوبه والله وعندها بتين ايمان وافنان ولدها احمد دا الحاقريو اول شي بديت ليو بالانجليزي ولد مخو فيو شنو م عارفه حاسه انو بفهم بس بستهبل المهم بعد كم محاوله كدا ركز وجاوب علي كل الاسئله عاينت للساعه والزمن مره خلصت ليو درس واحد بس م عارفه ليه مفروض اشرح ليو اتنين بس مخو التخين دا م ساعدني طلعت عايزه امش وقفتني خالتو امل ادتني قروش الحصه والحمدلله القروش م شويه اول شي عملتو مشيت اكلت وبعديها رجعت البيت بالمواصلات وخليت قروش لبكره حمدت ربي بدت تتيسر وصلت ودخلت البيت عاينت م في زول دخلت غرفتي بسرعه استحميت وصليت بقيت افكر في كلام عبير وفاديه ليه ابوي م بتكلم معاي ولا حتي بسال عني اصلا انا رقمو م عندي النوم طار من عيوني اليوم عدي علي خير بس الايام الجايه حتكون كيف ولو عمي عرف اني بشتغل حيسكت والله الجامعه بحميني ليها ويحبسني في الغرفه دي بعد تفكير طويل نمت وصحتني تسنيم للغدا بس ابيت اكل صليت واستحميت وبديت اقرا للمغرب صليت وتابعت قرايه بعديها جات تسنيم تسنيم:م ممكن سكتنا كتير لهنا وبس لمتين حتقعدي كدا قايلاني م عارفه انك م قاعده تاكلي وبترجعي الاكل انتي عشان م ينتبهو
ليك انا:اها عرفتي الحيتغير شنو تسنيم:حاكلم ابوي وهو يتصرف معاك انا:خوفتيني وتاني تنزيل:نحنا م عملنا ليك شى ليه بتتعاملي معانا كدا انا:مزاج وم تتكلمن كتير عندي قرايه وم عايزه ازعاج اطلعن
من ناحيه تانيه
نفس الشى ماسك التلفون وبكبر في الصوره وتيني ياخ حبيتك اسوي شنو المشكله انو انتي م عارفه وبتتجاهلي ليه م بعرف بس حاحبك لاخر يوم في حياتي شفت الدموع في عيونك ياخ عيونك هي الخلتني احبك نظره التحدي والاستهتار لونهن البني المايل للسواد لمن تجي عليهم اشعه الشمس بكون لونهن بني ولمن يكون الضو خافت بكون اسود دمار بس الله يصبري علي فراقك
