ياسيدة الغرور

البارت 1

#سيدة الغرور
البارت - الاول
الكاتبه - آلُكآتٌبْه وآلُروآئيَه بْنْيَنْ آلُبْصٍرآويَ

البارت -1

~~~~~~
محافظه البصرة
منطقه التنومه
الساعه 5:30 صباحاً
سنه -2018
~~~~~~~~~~~~~~~~

.. گـعـدت افرك بعيوني اتمنى ارجع لو 10 دقائق بس القاضي الحنون (ماما) اله تشنقني اذا ارجع انخمد گمت بكسل وتوجهت للحمام اغسل جهرتي صفنت ع المرايه وذكرت اليوم اول ايام عيد الفطر باوعت الهالات الجوه عيوني نازله ع خدي والعيون مورمه من النوم والحلگ والخشم مطبوگات سوه لان من التعب نمت ع وجهي ومااردي بنفسي ابتسمت ع منظر وجهي غسلت وتوجهت لاختي جانت واگفه گدام المرايه وتباوع لشكلها صرخت يمها وفززتها

- لججججججج الحكيليييييي

- شكووو شبيج من الصبح؟

- جهرتي يمعووووده ماينطلع بيها خاف اروح اعايد جدج الشيخ وبدال مااحصل عيديه احصل جلاليق عباله زلمه داخل البيتهم

- ههههههه گبر طمج ولج زوز انتِ بس عيونج يدوخن

- اي لان حول

- هههههههههههه دامشي امشي تحشش من الصبح الضاهر هل عيد حلو لان كمتي اضحكين ..خل نعايد ماما وبابا

... توجهنا لصاله لگينا ماما مجهزه الريوگ وبابا واخويا گاعدين دخلنا عايدناهم وتريگنه سوا ونحشش ع اخويا نكله نشالله تزوج 4 وتبتلي

خلصنا الريوگ وگمنا رحنا نغير ملابسنا حتى نروح نعايد جدي  الشيخ  عشتو

لبسنا ملابس العيد وتوجهنا لبيت جدي نزلنه واشوف سيارات كومه ماشاء الله خطار من الصبح فتنا للبيت عايدناهم وگعدنا نضحك وناكل كليجه

شويه واجه عمي من الاستقبال شايل بيده صينيه مليانه صحون جانو يتريكون عدهم وهذي عاده اهالي الجنوب الريوگ بعيد الفطر مسموطه

خلاهن بيد مرته واجه عايد بابا وگفت طگيتله تحيه وكلته

- هلا بـ الضابط بوووويااااي شني هل شوارب

... ضحك بصوت عالي وگال  بعد عمج وقلبه اي عمو من زمان انا حلو بس شيبت بعد

- اذا شايب وهيج شلون لو بعدك شباب

الكل - هههههههههههه

____________________

لحضه
اعرفكم عني

أسمي - زينب عمري 17 عندي اخت واخ
اختي فاتن عمرها 16 سنه تدرس رابع اعدادي
واخويا محمد عمره 12 سنه صف سادس

بابا اسمه عادل عمره 49
ماما اسمها لمى عمرها 45

جدي احد الشيوخ المعروفين في محافظه البصره و ولادتة في بغداد وجدتي بنت تاجر من ميسان