بقلمي: Jawhara
********
خطبة وعقد رهف صارت رسمي وبيت ابو هشام الله يرحمه لأن ام هشام رادت هالشي وخابرت بيت ابو حارث الي جان ماعندي مانع
البنات من الصبح وصلهن قتيبة اجت فرح وسحر
سارة قبل بيوم طلعت للسوك هي ورهف اشترتلها فستان وشغلات تحتاجهن وبعدها ودتها صالون عدلت حواجبها شعرها ماخلتهن يلعبن بي لأن على شكار لونه حلو
رهف ساكته لأن تدري بعمتها وجها ثكيل عليها وحجيها قليل وياها
العصر انترس البيت عماهم وبيت خالهم ابو احمد زوجته وبناته الثلاثة بعمر رهف واصغر
ام هشام بجت اتذكرت زوجها وابنها .. جان هسة واكفين يهلون ويرحبون
ام حارث وزوجة حماها اثير واسنها وبقن يحجن وياها سكتت شوي بس داخلها غصة
سارة محضرة كولشي حتى غدا سوت هي والبنات لأن عمامها تغدو يمهم
كمل كولشي وتساعدن بيناتهن بغسل المواعين ومن كملت راحت لغرفتها تحضر ملابسها تريد تسبح طلع حارث من باب الاستقبال الداخلي وصار بوجها هي مشايفته بس عرفته موجود
لابس بلوزة قديفة نيلي وبنطرون كابوي نفس اللون وشعره ناعم مرجعه ورا
وكف بوجهي يريدني اسلم ماحجيت عينه راحت لشعري واني شلون جنت كاشخة لأمة شعراتي كبوبة وعيوني حتى خط كحلة مابيهن ودشداشتي مطكعه مايات ورداناتها مبرمتهن صدك استحيت منه عفته اريد افوت لغرفتي وكف كدامي ..اقلها سلمي لو هاي متعرفيها
جان رافع تك حاجب ينتظر ردي استغفرت ربي بداخلي ..شلونك حارث
كور شفايفه وعافني وفات للمطبخ ما اهتميت شسويله شايف نفسه عشتو
العصر كولشي محضرين وحتى لبسنا كملناه رهف طالعه تجنن بفستانها الاوف وايت هي اختارته واني هم عجبني ومكياجها رتبته سحر بسيط ولايك لملامحها وشعرها عافته على طوله حلوو ناعم
اني لبست سترة قصيرة وتنوره عدله لون سماكي وحجابي رتبته لأن فرح كالت حارث يوصي ميريدني افتح شعري لو حتى نسوان
اني هم لبست شالي على شنو فرحانة خليني بضيمي
********
_وينج يامرة فضيها عاد
صاح ابو فهد على هالة و رجع عدل شماغه الاسود
اجت شايلة جنطتها ..عيوني انت كملت شبيك مستعجل جانت لابسه قفطان نيلي ومطعم ومزخرف بخيوط ذهبية
دحك عليها وفك عينه تقرب ..ولج شنو هالكيك هذا يابه انتي العروس
_هههه اووي حازم هسة يسمعون ولدك ويبقون اسبوع ناصبين علينا
_وين راحو اطيح حظهم غير
غمزلها والعباس كيكة
_فدووه اروحلك
عض شفته ..ولج لاتتفديني ترى هونت ماروح
_احمم احممم
_ خننننك شبيك تعال تعال مو تعوف البيت لو تلتهي بموبايلك عينك على اخوتك
_يابه عيوني ياهو الصغير كل واحد بكد البعير
التفت على هالة .. ديلة اسمعي ألفاظه ولا عبالك طالب جامعه
_عقيل ماما لاتطلع
_صااار من عيوني شعندي غير اسمع كلام العصافير قصدي بلابل الحب
ابتسم حازم تك خد وأخذ عباته السودا لبسها
تقربت هالة عدلتها والبسمه بوجها تحب تعتني بي وبكشخته قرت ايات ونفخت عليه
يمممه على هالهيبة اخاف يطكوك بعين
YOU ARE READING
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
