الفصل الثالث عشر :
فهد و رامي مشيوا هم الاتنين و هم قلقانين و موش عارفين ليه
روح دخلت و هي زعلانه اوي و قلقانه و موش عارفه ليه دخلت قعدت في اوضته و فجأه تليفونه رن و طبعا ده كان فهد
روح ابتسمت و افتكرت و فهد بيقوله قبل ما يمشي
فلاش باك /
فهد /طب هقولك على حاجة حلوه بصي يا ستي كل اما توحشيني هكلمك ف ساعته تعرفي انك وحشتني اتفقنا
روح / اتفقنا
باك
روح ابتسمت و ردت عليه في ساعته
روح / معقول لحقت اوحشك ده انت لسه مكملتش ٥ دقايق
فهد برقه / وحشتيني اوي اوي اوي
روح بخجل / و انت كمان وحشتني اوي اوي يا فهودي
فهد بغيظ / فهودي يعني متقوليش فهودي الا اما اكون يعني بعيد عنك خليكي ادلعي ادلعي و ف الاخر كله هيطلع ع جتتك
روح بضحك و دلع / الله، هو انا قولت حاجة غلط، مهو طبعا انت فهودي و حبيبي و قلبي و احلي حاجة في حياتي حصلت من يوم ما اتولدت لحد انهارده و كمان انت روح روح و كمان انت فهدي انا
فهد بتوهان / يالهوي، و الله العظيم ما انا عارف مين اللي روح مين، و بعدين بطلي دلعك ده و الا والله العظيم يا روح اركب دلوقتي و اجيلك و اسيب الشغل و اللي يبوظ يبوظ و انتي حره
روح بحب / لا يا حبيبي انا عايزه حبيبي يفضل كده شاطر و يتنقل من نجاح ل نجاح
فهد برقه / ربنا يخليكي ليا يا قلبي يارب
روح بتذكر / الا صحيح انت بتقول هتركب و تجيلي، ليه هو انت دلوقتي موش ف العربية
فهد / لا يا قلبي انا بره العربية شويه اما اكلمك و ارجع اركب تاني
روح باستغراب / طب ليه واقف بره العربية، ليه مبتكلمنيش و انت جواها و ماشيين
فهد برقه / لأنه المفروض يا حبيبتي اي كلمه احنا بنقوله ل بعض تفضل ما بينا مندخلش حد ما بينا احنا الاتنين، فهماني يا روح حياتنا مع بعض لازم تفضل سر ما بينا محدش يعرف حاجة عننا و لا احنا نعرف عن حد حاجة، فهمتيني يا روحي
روح بحب / طبعا يا فهد فهمتك و انت عندك حق في اللي انت قولته يا قلبي
فهد بتوهان / تسلمي يا قلبي ربنا يخليكي ليا يا روحي
روح بهيام / فهد
فهد / عيونه
روح / بحبك يا فهد، بحبك اوي
قالت كلمته و قفلت السكه على طول و مستينتش ام تعرف رد فعله ايه و سابت فهد اتسمر مكانه و لا عرف ينطق ولا كلمه
فهد فضل شويه واقف يستوعب هي قالت ايه بالظبط و بعديه فتح الباب بسرعه و قفله و بص ل حازم و رامي اللي بيبصلوا باستغراب من شكله اللي يضحك
