#نصيبي
الحلقه 28
كنت نفطر ونتفرج ع TV خش عليا ايهاب ويعيط
ايهاب...نووور
نا صبيت وبحتت فيه..كنك
ايهاب مسح وجه وتنهد..ليش ما حكيتيلي ع علاقتك ب ولد عمك بش نكون فاهم كل حاجة
نا ...حاضر هنحكيلك كل حاجه
ايهاب..امتى؟؟
نا..توا استنى بس
خشيت صبيتله قهوه وحطيت اميه مصقعه وطلعت
نا..هاك
ايهاب..منوره جت في وقتها
نا..كيف شربتش غادي
ايهاب..لا نزلت خذيت من كافتيريا بسس توا كنت نحرق ونبي ندخن
نا..سيبه الدخان
ايهاب رفع حاجبه..ليش
نا ..مضر لصحه
ايهاب ابتسم..خايفه عليا
نا..مش قصه هكي لاكن
ايهاب قرب..غير اعترفي
نا..ايههاااب حول
ايهاب فنص..معش تعيطي
نا..معناها حوود
ايهاب وخر ومسك فنجانه ..حسابك بعدين انتي
نا..عادي مش خايفه منك
ايهاب..تو نشوفو
نا..خلااص
ايهاب...باهي احكي ع قصتك مع فرخ ولد عمك
نا..محمد
ايهاب فنص..معشش تنطقيي اسم امه
نا خفت..باهيي فجعتني راه
ايهاب ابتسم ..احكي يا عمري
نا تحشمت...احمم اهنني ........
((من قبل عمي ومرات عمي من وانا صغيره حاطين عينهم عليا ويبوني ل محمد قصدي ولدهم مهم هوا مكانش يحبني ونا تبي الحق حبيته صاح ننكرش بس مش حب حب لا بس عشان خلاص حسيت ان هوا #نصيبي حسيت اني مش هنجوز غيره ومليش حد غيره بس هوا لا عمره كلمني ولا دورني ولما حددو الفرح..طبست راسي .. قبل الفرح ب ثلاث ايام اختفى ورن ع خوه قاله أن سافر بره واجوز يوم فرحنا بس بنت أخرى ..نزلن دموعي...تعرف يا إيهاب واااعره وحق ربي وااعره وقتها طاحت كرامتي وطاح قلبي وكل شي وحقربي يا ايهاب مهما نشرحلك مش هتحس بيا والله نارر ركبت في قلبي وهضا غير كلام ناس عليا ليش سيبها في ايام فرحهاا؟ ليش شن دايره من كارثه عشان سيبها في ايام فرحهم؟ وانت عارف تفكير الناس والله يلي مريت بيه مفش انسان مر بيه بحتت فيه وابتسمت وعيوني يدمعن..بس ربي عوضني بيك انت رد بالك تسيبني يا ايهاب والله لو تسيبني انت نموت والله نموت
حضني ايهاب ونا نبكيي وضاغطه عليه ....
~~~~~~~~~~~~
حسن..لميييييسسس
لميس...ها يا بارد كنك تعيط
حسن..احترمي نفسك اكبر منك يا كلبه
لميس..شن تبي باهي
حسن...شن الغداء
لميس..مكرونه
حسن...يييييي عليك قصه
لميس ضحكت...تستاهل
حسن..عاجبتك عاد انتي نحلف عليها انتي قلتي ديرو مكرونه عشان نا مناكلش
لميس ابتسمت بخبث..فعلاً انا يلي قلت لماما ديري مكرونه
حسن..خزي ما عارفك خابزك وعاجنك
لميس تضحك وتوخر التقطت في درجه جت بطيح مسكها حسن
لميس..ايي قرريب طحت
حسن طلقها ..تهرسي اصلا
لميس...نننننن
حسن..وجك هيي وكلميلي جوري
لميس..كلمها بروحك باي
حسن..خزي معانديه
~~~~~~~~
صفوان..لموري جيبيلي جاكتي بسرعه
لمار..امسك بس بنحطو غداء
صفوان..تو نتغدا بره عندي محاضره توا
لمار..باهي وراس صافو جيبلي معاك شاورما
صفوان..باهي ساهل
لمار..نجك ليا سلملي خيي الوسطاني
صفوان يضحك..عدي يا هبله
