#نصيبي
الحلقه 45
إيهاب.. طمني
الدكتور..الجنين بخير
إيهاب.. تنهد وابتسم..الحمد لله ياربي باهي ونور؟
الدكتور..مزالت في غيبوبه بس اتنفس وصحتها تمام
إيهاب..بما انها تمام ليش موعتش من الغيبوبه
الدكتور..تخافش شي طبيعي بما انها حامل وتعرضت ل كم صدمه وخوف فقدت الوعي
إيهاب سكت..باهي تمام وبارك الله فيك
الدكتور..فيك بارك الله مش بينا
طلع الدكتور وخشت اعميمه وجوري وأحلام ومنى وحسن وحسين واسيل ومراد
إيهاب بحت فيهم..من قاللكم انتو
مراد..بدال م تسأل جاوب كنها نور شن في
اعميمه..ينعليا كنها مجبسه ووجها كله مغطه وعيونها كنها البنت
جوري منصدمه من منظري..البنت محصله طريحه حي ع امه
حسن..وااااكك لاحول الله كنها ي راجل
كلهم قعدو يدوو
إيهاب..ساكت
حسين..تي احكي ي راجل ازف
اعميمه..كانت عند هلها هي
إيهاب..اها وضاربها خوها
كلهم انصدمو
حسن يفنص..لييييييششش عليش معقوله هكي والله نوري دين امه
مراد يمسك في حسن
اعميمه.. معقوله وليش بس شن دايره هيا
إيهاب.. م دايره شي توا مش وقت دوه انتو تشوفو في حالتها
حسين ..لاحول ولا قوة إلا بالله هيا انتن نوصلوكن عندكن م تبن
إيهاب..لها روحن
اعميمه..طمنا ي إيهاب الله يربحك والبيبي كويس صاح
إيهاب..كويس يا امي
اعميمه..باهي الحمد لله
طلعو حسن وحسين ب صبايا ونا قعد معايا مراد وشويه وجا باتي وعمي وايهم وصفوان
مراد..إيهاب روح دوش وغير دبشك وتعال
إيهاب ..منش متحرك من هنا عند م تنوض
باتي..اييهااب
إيهاب تنهد ..باهي هيا مروح
ايهم..هي تعال تو نوصلك انا
طلع إيهاب مع ايهم
ايهم في طريق مد ل إيهاب شيشه اميه..فطرت
إيهاب.. النيه طايره ي راجل
ايهم تنهد..تو نشيلك ل كافي تفطر
إيهاب.. لالا فوت حطني في حوش
ايهم..خلاص تنفخهنش ازف
درس ايهم ع كافي ونزلو طلب فطور وقعد يحكي مع إيهاب
ماما..هيا يا احميده وقت راه
ساره طلعت تلف في وشاحها
حمد ..هيا اطلعن
طلعن وعدو شور المستشفى
فاطمه..نراجي فيكي
شويه وخشت نوران منصدمه وفاطمه تحكيلها
حسن خش..لميس جاته تجري...
لميس..حسن كنها نور شن في والله نراجي فيكم من بدري
حسن..ديريلي فنجان قهوة وتعالي
لميس.. هيا باه
جوري قعدت تبكي..والله حرام متستاهلش نور
لمار تشرب فيها في اميه..خلاص اشش قدر الله ما كان اعظم
احلام..والله ونور هاديه وكويسه شن تبي تكون دايره
اعميمه طول الوقت ساكته
لميس..امسك
حسن.. منوره
لميس..احكي باه
حسن قعد يحكي ل لميس
لميس عيونها دموع ..ينعليا نور والله مسكينه كيف تحملت ضرب هكي ومن خوها واعره
حسن..العقبه عندك
لميس كشخت..شن دايرتلك
حسن..نبصر معاك يرا ع اساس عمي يخليهم يخطمو من تلاك اصلا
لميس ترقص في حواجبها صقع عليك
حسن.. حاضر تو نلبس جاكه
لميس..مبردك
حسن.. سخنيني
لميس.. وووه ياربي
