عشقي للمغربية (مكتملة )

الحلقة واحد و اربعون

بارت 144
الموسم الثاني : لعبة الهوس

بقا ركن سايق و نجمة حداه مخلوعة و كلها كترجف و قالت بعدم تصديق
نجمة :انااا انااا هربت منهم ( كتبكي ) الحمد الله اسيدي يا ربي الحمد لله
ركن بتاسم بجنب و هو كيشوف ليها عارف انه كون كانت شي وحدة كون بقات غار كتبكي و متشجعش معاه تمشي و عجباتو بهذا التصرف ميقدش ينكر
نجمة : شكووون هاذو و علاش تبعتيهم و شنو بغيتي منهم ؟؟
ركن لقا واحد الصطاصيون بلا ما يجاوبها على اسئلتها خرج و هو يطلب من واحد العامل تماك تيليفونو ... جبدو العامل و هو يعيط ركن على رئيسو و بدا كيهضر بالانجليزية باش ميفهم العامل والو
ركن عاود ليه كلشي : و بهاكا فعرفت شكون مخطط باش يفجر الفنادق الموجودة في المغرب
الرئيس بفضول :و شكون ؟؟؟
ركن بتركيز : السفاح عمر
الرئيس : كيفاش ياك ممنوع يدخل للبزاف تاع الدول منهم المغرب و الجزائر فكيفاش دخل
ركن : غيكونوا رشاو شي عامل في الحدود المهم تكلفو باش تعلمو فرقة مكافحة الارهاب و علمو حتى السلطات الامنية بالمغرب على وجود السفاح عمر
الرئيس :معلوم تبغيو نصيفطو ليك حماية امنية
ركن :ممحتاجش
الرئيس : عارفك ممحتاجش كنقصد للبنت
ركن : لا غادي نحميها انا ما حدي في المغرب و من بعد يحن الله بغيتك تصيفط لية شي طموبيل في صطاسيون ( سميتو مالي ندير الإشهار ) بسلامة اسي الرئيس
عطا ركن التيليفون للعامل و شكرو و مشا عند نجمة اللي لقاها كتاكل في ضفارها
ركن : مالك ؟؟
بارت 145
الموسم الثاني : لعبة الهوس

نجمة : كيفاش مالي ( غوتات ) جاتك عادية يشدوني جماعة ارهابية شنو نعمل لا عاود تبعوني
ركن قعد حداها و قال :اولا متهزيش صوتك علية ثانيا مغيوقع والو انا معاك و مني نمشي للجزائر غادي نكون ديك الساعة شديتهم
نجمة باستغراب : للجزائر علاش اش داك لشي جزائر
ركن قلب لكنتو للجزائرية و مع انا واعرة فيها كنترجم بالمغربية :حيتاش هي اصلي و بلادي و هي فاش خدام
نجمة ضهرات على وجهها الفرحة و هي ضربو بايديها لكتفو بالجهد و قالت : خااوة خاااوة ايوى كون قلتي لية راك جزائري من الاول نطيب ليك كسكسو و نوريك القفطان اللي هما دياولنا حنا فهمتي و كي شتي حتى لباس تاع تطوان ديالنا حنااا و احق مولانا
عرف ركن علاش كتمعني على الصداع اللي نايض بين الجزائر و المغرب على الثرات و شي كيقول هادي ديالي و شي لاخور كيقول لا هادي ديالي انا ..كان متكي راسو على الكرسي و كيشوف فيها بجنب حافظ التحراميات و قال كلمة خلاها شعلات
ركن :كسكسو ديالنا حناا
نجمة بغضب :تنازل على هضرتك
ركن كيفقص فيها :ماا بغيتش
نجمة قربات لشعرو كتنتف فيه و هو كيحاول يبعدها بشوية حيتاش ضربة منو دوخها
نجمة كتنتف فيه : تنااازل تنااازل فهمتي و لا غادي نمشي معاك للجزائر و انا كنتفك
ركن بعدها معصب و هي بقاية تاع شعرو في ايديها
ركن :غنقتل موك ريحي
نجمة:خليييو مي هانية في قبرها الخرائر ( صبعات ليه )
ركن تعصب و هو يشدها من شعرها و قربها لوجهو و قال :اش قلتي
بارت 146
الموسم الثاني : لعبة الهوس

نجمة كتركل : الجزائر و الله حتى الجزائر
طلقها ركن و هو يسوس ايديه : و هكاك
وصلات الطموبيل و خرج ركن تابعاه نجمة محملاتش ديك الطموبيل اللي كانو فيها وخا عامرة بريحة المسك ... خرج راجل و عطا السوارت لركن و نجمة كتشوف فيه بغضب ما حاملاه ما قابلاه ( قصدي ركن )
ركب ركن و تابعاه نجمة و هو يسوق و قالت نجمة هازة مناخرها للسماء
نجمة :فاش خدام في الجزائر
ركن : عسكري و دابا جيت باش نوفر الامن للمغرب على حساب العلاقات الأمنية بين الدول
نجمة بصدمة : جاسوس كتنقل خبار بلادي بلا ما تبقا تصبغ في الهضرة و قولها غووود ( بصدمة كبر ) هادشي ما قلتيه لية الا وكاين شي ثمن
ركن :تماما عجبني ذكاءك هادشي غيبقى سري ما تقوليه لحد و لا مغادي نوفرو ليك حتى شي حماية اش قلتي
نجمة بضحكة صفرة : على انا عشت شي حاجة انا غار مع محاسب في الشركة فاش خدامة... ضورات وجهها عليه و هي تقلب ملامحها بحالة بغات تبكي و ركن كيقول لا حول و لا قوة الا بالله
****
في الصباح
فاقت المى قادات راسها و هي تمشي عند الخدامات و عيطات على وحدة منهم
المى : بغيتك تجمعي لية جميع حوايجي بغيت نلقاهم برى في الجردة اوكي
مشات المى و هي تجبد الخدامة تيليفون معيطة على اوس و بعدات على الكوزينة
الخدامة:الوو اسيدي غادي تمشي مدام المى فحالها من الدار قالت لينا جمعوا لية جميع ملابسي
بارت 147
الموسم الثاني:لعبة الهوس

اوس تعصب و عينيه حمارو من ديك 10دقائق اللي بقا فيها جاسر عند المى عرف اش وقع .. قطع على الخدامة و هرس الستيلو اللي كان في ايديه و هو يحرك راسو بجنون : قربتي لشي حاجة ديالي كتخصني انا و باقة على رقبتي ... ناض اوس هرس البيرو قلبو سفااه على علاه من البيسي للطبالي و اللي داز كيسمع البيرو فيه صوت التهراس ميقدش يدخل الموضفين كلهم مخلوعين
دخلات المى و بان ليها كلشي كيرجف استغربات و هي تمشي لبيروها ... بدات خدمتها حتى وصلها ميساج من جاسر
^ لا بعدتي غادي نقتليك البطل ديالك ^
المى تخلعات و قلبها بدا كيدق بالزربة خرجات من البيرو بالزربة متوجهة لمكتب اوس ...اوس خرج معصب من بيروه و ايديه قطرة من الدم متوجه لعند المى .. المى كتجري حتى بان ليها اوس و في راسو نقطة حمرة و هي تخلع و مشات كتجري لعندو ... اوس لاحظ نقطة حمرة على راسو و عرفها تاعاش بدا كيضور عينيه بحال الصقر بغا يعرف منين جات حتى تلاحت عليه المى مخبية ليه راسو و هو مصدوم
المى معنقاه : اوس
القناص شاف المى معنقة اوس حتى و صلوا اتصال من عند شي واحد امرو يحيد السلاح و يهرب ... طفا جاسر التيليفون و هو كيشوف فغضب و غيرة فالمى و في اوس اللي معانقين و مشا من تماك
اوس كيحس بقلبو كيدق من حضن المى شحال توحش هذا الحضن .. بحال شي بيبي صغير يالله خدا حلوتو بقا كيستنشق ريحتها من عنقها ممسوقش لنقطة الحمراء اللي من السلاح
المى بعدات و ضورات عينيها عليه كتشوف واش باقي النقطة الحمرة تاع القناص ... تنفسات الصعداء مني مكاين والو و اوس عاق بيها باللي بغات تحميه و عرف باللي جاسر مول الفعلة و هو يسخط عليه بالمعقول و ناوي يندمو على النهار اللي فكر يقرب ليه و يقيس حاجتو