𝐇𝐄 𝐂𝐇𝐀𝐍𝐆𝐄

[26]HE CHANGE

[Editying]

Taehyung pov~

Parda phen atanga nizung rawn lut chuan ati eng mup a ka bula mu chu ka en vang vang a,a that ngaiin ala tha reng a mitthilh lai phei hi chuan naute ang mai ani.

Ka nui suk a,hmana ka hmangaihna kha tunah pawh ala ngai reng.....a tir kha chuan ka haw ve tehmeuh mai mahse phuba la tur chuan ka hmangaihna a nasa zawk tlat si.Ka kut ngeia a taksa ka tawk leh ang tih pawh ka rin phak loh kha tunah ka bulah tui ti zetin a mu mek chu ania ka hlimna hi ka sawifiah thiam lo hial zawk,he mipa hi ka hmangaih hle ani

Nimin lamah jun ka be miahlo tih ka hriat chuan peihlo takin khum ka thawhsan a,jin hyung te bulah a him tih hre mah ila ka be miah lo kha ka inthiam lo leh hnuhnawh.Pawn lamah chuan chhuakin jin hyung chu thil awmdan leh la biak loh chhan te chu ka hrilh malh malh a min hrethiam hle bawk,jun erawh a la thawh loh vangin ka be ta lo a.A pa diktak chu a hmaah a hmuh theihin a awm ani tih a hriat hunah chuan a hlim dan tur chu,,,,,nie kha leh chen a hmel hmuh chak em em thin kha jungkook hi ani tih hre ngat se engtin nge a awm ang........mak atih dan tur leh a hlim dan tur zia ka ngaihtuah a kalo nui leh vur vur thin,jungkook lam chu ka ngaihtuah lo ka ring a a chingfel vek ang tih ka hre bawk

Inchhung luh tuma kawngkhar ka vuan chiah tihah chuan tu emaw hian ka hnung lam atangin ka hmui a rawn hup thut ka tal nghal phat bawk,mahse engvang nge ka hrelo ka mut a chhuak nghal em em a ka mit ka chhing zui nghal a

End of pov.

______
______

"Babe tunge zing kar kar ah ilo biak a?"tiin joon chuan a pasal nghawng chu a fawp nghal zat a

"Ohhh babe tae ania jun a rawn ngaihven anih kha......"tih pahin a nui her her a

"Ka lawmpui takzet ani"thutak deuh tak chuan tiin jin chu a kuah hlu hlu a

"Engpawh thleng se hlim takin awm se tih hi ka duh ber"a pasal awmah chuan a hmai a phum kak a,a lungchhe lek lek tawh a naute pahnih in hmangaihna kawng bumbauh tak hi tawp tawh se buaina tello in chhungkaw hlim tak ni se tih chu a duh ber ani

"Shhhhhhh tap suh leee..........mi chak tak annia lawm an tuarchhuak ve tep tawh alawm"tia hnemin an inkuah dun vang vang a

Hrehawm tam tak an paltlang hnu ah chuan hlim chu an phu ve alawm,mahse he anchhia hian a kalsan thei lo chu anih hi chinfel ngaihna awmlo khawpin an nun ati buai a mihring mai anni tih theihnghilh thrak khawpin hrehawm takin a siam a.Hlimna aiin natna,lungaihna leh tahna te chuan an chungah thla a zar ngun zawk si,,mi vanduai tur renga piang anni bik em ni??

An lungaihna te dah bo in hlim takin breakfast an siam dun a jungkook phone call an dawn hma zawng kha chuan an la nui lui hram hram asin

Jungkook chuan mangang takin taehyung a hmuh zawh loh thu a rawn sawi a,a hmel hmu lo mahse a rilru a buai tih chu an hrethiam nghal.Zan hun an hmanna taehyung in lam chu an pahniha pan duh viau mahse jun amah chauha an kalsan theihloh vangin namjoon chauh chu akal a

______
______

"Hyung khawiah mah ka hmu zolo a phone a keng bawk silo" rit tih hmel takin thawk ala hak hak a.Lo ru bo in lo tina ta se ......nilo chutiang thil chu thleng lul suh se

Zing a thawh atanga chhutin taehyung bo na chu darkar 5 lai ani tawh a ruk tak chuan a mangang takzet ,a venhim zawh loh vangin amah a indem hle a a thiamloh ah a ngai bawk mahse chu chuan sawtna a nei chuang silo

"Police hnenah kan re.........."

"Nilo darkar hnih tal nghak leh ang"tiin hoseok chuan namjoon thusawi chu alo pawtchat a

"Anih loh pawn vawikhat zawngkual leh chhin ila chuta kanla hmulo anih chuan police kan pun chauh ang"hoseok bawk chuan ti lehin midang ho chu a enkual ralh ralh a.

An pawmpui ani tih lan nana an buk nghauh nghauh hnu chuan in then darhin taehyung chu an zawn chhunzawm leh a

Hmanhmawh taka a kal hlawk hlawk lai chuan a phone rawn ri chuak a kal lai chu ati ding chawt a,caller id a hmuh chuan chhan mood ah a cheng rih hlawl lo

Call a off hnuah a rawn rik leh tak sek ah chuan thinrim zetin "sawi rawh" ati chang fak a

Phone lehlam atanga hyeri aw a hriat chuan a hawihai lek lek hial zawk

"Daddy nizanah tinge ilo haw loh a?"lunghnur tak chuan ati nang nang a

"Princess daddy hian hnathawh tur tam tak a nei a chuvangin alo haw hman lo alawm"a thinrimna te kha a bo ta duak emaw tih mai turin a aw chhuak chu a nem hle thung a

"Vawin ah chuan ilo haw tawh angem?"arawn tih leh takah chuan a ngawi vung vung a,a nihna takah chuan chhan mai dan tur a hre lo zawk.Taehyung kalsan in hyeri a pan thei ngawt lo tun dinhmunag lek phei chuan a hnai lo,mahse hyeri rilru tihnat a duh bawk silo.A u thisen zawm awmchhun anih angin a thinlung takin a hmangaih a a fa nilo angin a ngaituah ngai hek lo

"Princess tunah chuan thil pawimawh tak tihtur kala nei a kalo haw veleh i duh duh danin kan awm thei ang"za lo tak a then suk in a dinna piahlam vel chu a hawi kual ruai a hmuh chu a nei chiang alawm

A phone biaklai pawh hrechang lo in 'Taehyung' tiin a au ta vak a

A lam pan chuan a tlan nghal vat bawk

A bul a thlen chuan a kuah nghal thlawp a,a mittui a hnam sawk thei hial

"Khawnge i awm daih a,i tha em,na te i nei em?"a taksa te chu a enkual ruai a mahse vanneihthlak takin a him pial thung a

"K-ka_tihpalh lutuk-engmah sawi lova ka chhuah vang khan-"a tah chhuah loh nan a hmui hnuailam a pet fan fan a,a miitui te chu titla lo turin a khap kir fak fak a

"I tha tiraw enge thleng"jungkook hnelah chuan hlauhna in a khat ani ber a mitmeng pawh a buai vek thei hial

"Ka tha lutuk,,engmah thleng a awm lo"tiin nghet takin a kuah a,jungkook pawn alo kuah let vat bawk taehyung chhipah a fawp sap a

______
______

"Ka tihpalh lutuk hyung a thleng nawn tawh lovang,,,.....ka thiamloh ani"tah aw lek lek a atih chuan jin leh jimin pawn an haw reng thei biklo 'mawl leh lutuk'tih pahin an kuah hlu hlu a

"Ti leh tawh suh ang che ka mangan hman zia i hria em?? jungkook phei chu a â lo chauh alawm"ti lehin jungkook taehyung sir deuha thu chu a melh tel zeuh a

"Awle awle ka thiamloh takzet ani e"nuih sap pah chuan jungkook chu a ngheng awr awr a pakhat lahin a kawngah alo kuah bet nghal chial a

"Hahchawl tawh rawh jun chu ngaihtuah lo la naktukah kalo dah let ang"nuih seih paha jin in a tih chuan 'ka lawm e hyung'ti let sapin jungkook leh taehyung te chu an chhuahsan a

An pahnih chuan khuma mu chungin an ngawi kar a rei tak chutia an awm hnu chuan

"Ka hmangaih che"

taehyung in a tih chuan jungkook chuan a tukkhum sam chu a fawp zeuh a

"Keipawn ka hmangaih che ka thinlung zawng zawng in"

Taehyung chu a nui  suk in jungkook lam hawi chua a in let thak a jungkook awmah a hmai a phum kak a jungkook pawn alo kuah nghal chial a

Ka tihpalh ti sapin jungkook hmui ah a fawp leh zeuh a amu hil ve nghal a

Duhtawk phawt ang a dawta thleng tur hi next chapter ah awm se ka duh sia a tawi deuh a,,,hrethiam leh mai teh u

Gudnight allllllll💜💜💜💜💜💜