"أن يحبك بندباتك، بعقدك، بحروبك وبهزائمك، وأن تتَّسع يده لأحلامك وذراعيه لروحك المُتوعكة، أو لا يُحب."
••
عبد الملك والد فيصل .. ورد وريل
كان في الصالون معاه اولاد اختو واخوانو
بيشربو في شاي المغرب .. وبيتونسو في مواضيع مختلفه .. دق الباب ، قام مُعمر " واحد من اولاد اخت عبد الملك" فتح الباب .. كانت دي ريل شايله سرويس كيك زلابيه
معمر: بالطريقه يومي شاي المغرب مع الخال وبناتو
ريل : م تتعود ..
غادة نادت بحدة لريل : ي بت انا كم مرة قلت ليك البسي طرحه .. انتي فاكرة نفسك طفله صغيرة ولا شنو ؟
ريل : mom ):
غادة: بلا مام معاك .. اتعدلي ي بت احسن ليك .. والا ح تشوفي حاجه م حتعجبك ابدا
..
ورد كانت طالعه
غادة: اها على وين ؟
ورد عاينت لأمها المعاملتها حادة جداً
ردت بآخر نفس : ماشه اقدم ورقي عسى ولعل القى مستشفى تقبل
غادة : وليه م يقبلوك .. نتيجتك مش نضيفه؟!
ورد ابتسمت بإنكسار وردت عليها ريل : هي اولة الدفعه ياامي ! ..
اه اتذكرت انك ماعارفه شي لانو حتى يوم مناقشتها مشيتي حضرتي خطوبة بت اختك .. الاولويات طبعا.
غادة حمرت لبناتها ودخلت غرفتها
جات ريل جارية على اختها نطت ك عادتها وحضنتها : wish u all the best
انتي ح تتقبلي ي بت بسماحتك وشطراتك دي
ورد: ان شاء الله.. ادعي لي
••
*فاطمة:
الايام ماشه رتيبة جداً .. حسيت بالملل فجأة
خلصنا الاسبوع والمفروض ترفيه.. ونرجع ..
اليومين دي عدى منها يوم .. عبارة عن نوم بس
يوم بكرة هو اليوم الآخير .. لازم ع الأقل م يكون عادي ..
في الغرفه بنرتب في اغراضنا وبنستف في الشنط
جات داخله المشرفه :
بنات إذيكم .. بكرة آخر يوم هنا ذي ماعارفين .. ف قرر الوالي انو يعزمكم في مزرعتو من الصباح
اجهزو طيب ؟
راما: إذاً بكرة يوم الطقه ..
حضنت المخدة !
فاطمة: علاقه الطقه بالمخدة شنو ؟!😹
راما : الدفا .. بطنك لما تكون مليانه .. بتحسي بالدفا.
..
صباح آخر يوم
نفس الباص ونفس الناس بس على أشيك شوية
المزرعه ماكانت بعيدة عن المخيم ..
وصلنا ...استقبلونا استقبال جميل
المزرعه كانت كبيرة جداً .. شجر في كل مكان و ورود .. في بحيرة حوالينها جلسات
وفي استراحات على شكل قطاطي
وفي حظيرة فيها كميه من البقر والضان
وغزال وإبل
وجنبها في سور فيهو دجاج .. اقفاص حمام كمية وعصافير ملونه
بإختصار .. تحفه طبيعيه .
دخلنا الاستراحات.. اتقسمنا على حسب الجلسات
مامشى وقت كتير الا والفطور شرّف
وراما عيونها عملت قلوب .
