"يا رب حاجة حلوة من اللاشيء تحصل فجأة تكسر الروتين و تخليك مبسوط لي ما لا نهاية❤🌹..!"
________________________
اية:ياسر...
ياسر وقف في مكانو...
اتجمد علي الطريقة الكان اسمو برقص علي صوتها..
اتجمد علي بحة صوتها الانثوية..
اتجمد لانو ما سمع صوتها لفترة...
اتجمد لانز قدر ما يحاول ينكرها..
هو اشتاق لي صوتها..
ياسر وقف في مكانو مسافة...
كان ياداب انتهى من المكالمة مع ابوه..
رفع راسو عشان يشوف رجلينو ودوه وين و هو بتكلم..
مبنى I.T الطابق التالت..
اية كانت ماشة وراه لحدي ما قفل التلفون حتى اتكلمت...
ما بقدر ينكر فكرة انو كان عارف انها ماشي بي وراها...
و رغم انو ما شافها..
لكن كان حاسي بيها...
و كان نفسو شعورو يكون كذب..
لانو هو لحدي االحظة دي ما عارف يسوي شنو..
كلامها كان واضح..
ما دايراه يكون جزء من حياتها..
بس لي ما سألت عن الدايرو هو...
هو زاتو لي ما سأل روحو عن الدايروا هو و طوالي كدا مشى بي كلامها...
لكن بعد مرور الوقت دا...
حتى الدايروا بقى ما مهم..
المهم هو حسي حيسوي شنو..
ياسر قبل عليها بي وش صافي..
وش ما فبه ااي تعابير..
وش ميت..
وش نضييف من المشاعر..
و لمن اية شافت وشو قلبها اتقبض شوية..
معتادة دايما انو لمن يقبل عليها بعاين ليها لي بي ابتسامتو الكسارة ديك...
بي غمازات خلتها تحب ابو الغمازات زااتو..
بي ابتسامة بتحسي بيها احد ايات رب العباد..
حاجة بسيطة زي ابتسامة ممكن تأثر في انسان بطريقة تتحدى الجاذبية حقت الكون...
سبحان الله بالجد..
اية:ياسر..
كررت اسمو تاني..
ياسر كان داير يتكلم..
بس ما كان في كلمات في راسو...
حسي دي يقولو ليها شنو بعد الحصل..
يقول ليها شنو بعد القالتو..
يعمل ليها شنو بعد اليوم دااك...
ياسر اكتفى بالصمت..
اية زاتها ما عرفت تسوي شنو...
قرار انها تكون زي منتهى كان شوية غبي...
اووكي..
ما شووية...
كتييير غبي...
لانها ما منتهى و ما حتعرف تتصرف😂👏💔..
حسي زي دا يقولو ليه شنو؟
بعد القالتو ليه و القررتو تقول ليه شنو...
القررتو...
القرار الاتخذتو...
اية كانت متأكدة انو الموقف دا حيأثر علي القرار..
بس هي مهما حاولت...
مهما جربت انها تنكر..
تكذب..
تلعب..
تعمل رايحة..
تقوي نفسها..
مهما حاولت تعمل..
في النهاية هي و ربها الاتنين عارفين حقيقة ما حتتغير بالساهل..
انها بتحب ياسر و ما دايرة تعيش من غيروا...
اية فتحت خشمها عشان تتكلم لكم الكلمات ما وصلو لسانها...
ما قدرت تقول شيء...
و بعد مسافة هي زاتها ما عارفاها كم...
قررت تقول ااي شيء...
اية:كيف-
و من غير ما تتم كلامها ياسر طوالي جا ماري بيها...
اية حست بي طعنة...
لكن ما كان في وقت للوجع...
لو دايرة تتكلم خليها تتكلم...
دي فرصتها...
اية قبلت و مشت ورا ياسر و طوالي وقفت قدامو تاني...
و رفعت يدنها الاتنين في الهوا علي الجمبة عشان ما يتحرك...
اية:خلاص بتكلم سااي...
ياسر زاتو اتخلع لمن جات وقت قدامو فجأة..
نطط عييونو العسليات ديل..
و اية زاتها ما عجبها ليك..
و رغم انها ما اول مرة تشوف عيونو...
لكن ما حصل ركزت عليها من قريب..
والله عيونو عيون بناات...
رموش طويلة و عيون واسعة...
دا غير انها عسلية بتعكس ضوء الشمس لو في..
ي جماعة معقولة ادق تفاصيل ممكن تأثر فيها للدرجة دي؟!..
اية اقتنعت في اللحظة ديك يااداب انها ما طبيعية..
ما حاولت توقف خشمها...
المرة دي الفي عقلها حتقولو..
اية:ياسر...دقيقة...
ياسر:..
كان بس واقف..
انتبه انها ما خضورية..
بالعكس...
انتبه انو لونها احد درجات السمار..
اسمر قااتم كدا..
اسمر حلو..
اسمر يقطع النفس..
زي ما قطع نفسو..
اية طلعت نفس طوويل...
المرة دي حتعبر بي طريقتها...
اية:look...I'm sorry okay..?!..I didn't mean what I said that day...it was just...just..
(عاين...انا آسفة اوكي؟!..انا ما كنت بعني الكلام الفلتو اليوم دااك...كان بس..بس..)
اية سكتت...
تقولها كيف؟!
انها كانت غيرانة من حبو لي صحبتو و قررا تبعدهم الاانين منها؟!..
انها سمحت للغضب انو يتحكم بيها و ما حاولت. توقف؟
انها غلطت اكبر غلط فب حياتها لمن قررت انها تبعدو منها...
و حسي ما عارفة لو هي بسوي في الصاح او الغلط؟!
توريه كيف انها ما عارفة تسوي شيء؟!
انها جديدة في كل شيء...
انها ما بتعرف تتصرف اصلا...
توريه كيف انها ما فاهمة شيء...
و لا حتى عارفة تسوي شنو...
ما عارفة الصاح من الغلط شنو...
ما عارفة لو هي مفروض تجري ورا الحاجات البتحبها عشان سعادتها..
ولا تخليهم لانو ما عارفة حيلاقيها شنو في الطريق ليهم...
دا غير انها زاتها ما متأكدة لو حتصل او لا...
توريه كيف انها بتحبو بطريقة ما عادية...
و انها ااي حااجة سخيفة و غبية شديد...
لانها بتعرفو ليها شهر بالكتيير...
و حسي تجي تقول ما دايرة تشوف الحياة دي من غيروا..
توريه كيف انها وقعت في حب ادق التفاصيل فيه في اقل من ثانية..
انها حست بي قلبها خفيف في اللحظة الشافتو يضحك فيها اول مرة بعد ما جا قعد جمب منتهى و شاغلها و قام مشى علي اصحابو هنااك...
توريه كيف انها بتكره الغمازات مووت و انها بتحس بيها اعاقة لي ضحكة الناس الا في ضحكتو بتزيد حلاوتها...
انها بقت بتحب الحاجات البتكرهها لانها موجودة فيه...
توريه كيف انها بتكره اللون الاشقر في الناس...
و حتى انها شكالت منتهى في البداية لانها عملتو..
لكن فيه هو...
في اطراف شعروا الرافعو لي فوق دا...
كيف هي ما بس مكسراها...
لكن مدمراها دماار...
كيف عيونو لمن تقع عليها تزيد الجاذبية الحوليها و تحس بي ضغط ما عادي...
انو بقدر يأقر فيها بي ادق حاجة...
انها وقعت في حب كلمة ايوتة لانها منو...
انها بتحب تسمع اسمها و الدلع و حتى كلمة ارنبتي علي بحة صوتو...
لانها موجهة ليها بس...
كيف انو مشاغلتو لبها ممكن تزرع السعادة بداخلها لحدي اجل ما معروف...
انها بتتبسط لمن يكون بتكلم معاها...
و العجب لمن يضحك ضختو بالصوت دي...
نغمة ممكن تتراقص عليها...
نغمة ممكن تسجلها و تسمعها كل يوم كل ثانية من غير ما تزهج...
توريه كيف طولو اجمل طول لاقاها...
و انها لي يوم الليلة ما قادرة تحدد شنو اكتر حاجة بتحبها فيه...
لانها بتحب كل شيء...
لدرجة ما عادية..
بطريقة واحدة..
لسبب اعلم به الله وحده..
اية:I don't know how to even explain it to you...
(ما عارفة كيف اشرحها ليك زاتو)
ياسر:you don't have to...
(ما الا تشرحيها)
اية:...
ياسر:because I don't care anymore...
(لانو بقى ما هاميني الوضع بعد دا)
علي اخر جملة دي اية حست بي روحها تحت موية بتغرق..
بتحاول تجمع في انفاسها و خايفة تستنشق موية...
تلفون ياسر ضرب...
ياسر طلع التلفون و طوالي ردا و اتحرك من جمبها..
خلاها واقفة في مكانها..
واقفة متحيرة...
محطمة...
مصدومة...
و اكعب حاجة...
متألمة..
