"Sir Sai-" huminga muna ako ng malalim bago mag salita ulit.
"Salamat po. Pero may representative na rin po yung crim natin, supportahan nalang natin." Ngumiti ako ng bahagya sakanya.
Hindi na humaba pa ang aming usapan dahil may klase pa ito. Agad din akong dumiretso sa room ko.
Hindi ko maiwasang hindi isipin ang sinabi ni sir Sai.
Siguro ay pinangunahan lang talaga ako ng takot na baka matalo lang kami kapag ako ang ginawa nilang representative.
Hindi ko rin kasi maiwasang hindi kabahan kapag nakikita ko ang mga taong pwede kong makalaban.
Pero, hayaan nalang natin. Tapos na yun.
Talagang nasa huli ang pagsisisi.
"Sino si Alvarado?!" Isang malakas na sigaw mula sa unahan kaya lahat kami ay napatingin sa kung sinong loko-lokong sisigaw na akala mo kung sinong matapang.
"Ako bakit?" Maangas kong tugon sakanya.
"Wala gusto lang kita batiin dahil ikaw pala ang magiging representative namin!" Tugon niya sa mahinahong boses.
Nag-ingay naman ang lahat dahil sa narinig mula sa lalakeng 'to.
"May nag volunteer, hindi na ako saka umayaw ako" Walang emosyon kong tugon sakanya at sakanila na agad nagpatahimik sa lahat.
"Sino? Mas maganda sayo?" Pang-aasar ng isa sa mga blockmates ko.
Nag kibit balikat nalang ako sakanila at hindi na sila pinansin pa.
Naging okay naman yung naging araw ko at walang naging problema.
Buti nalang.
Ang misyon ko ngayon ay mahanap si Miggy para maibalik ko itong I.D na hiniram ko sakanya.
Pero paano nga kung hindi nakakapasok yun? Paano ko maisasauli ito?
Sa pagbabakasakali ko ay sinubukan kong maglibot-libot muna dahil baka makasulubong ko siya rito sa loob.
Sa hindi ko naman na inaasahang pangyayari ay dinala ako ng aking mga paa kung saan nakita ko kung paano umiyak si Eli.
Lahat ng galit ko sakanya ay unti-unting nawawala sa tuwing maaalala ko kung paano siya umiyak para sa isang babae.
Siguro ay wala akong karapatan na husgahan siya noong una dahil lang sa ginawa niya saakin, ibang-ibang Eli talaga ang nakita ko sa araw na yun.
Napadaan ako sa corridor at napatingin ako sa room kung saan nangyari ang lahat. Hindi ko masyadong natandaan ang mukha ng babae dahil na rin sa hindi ito nakaharap saakin.
Naglibot-libot pa ako roon pero wala akong nakitang Miggy kaya minabuti ko nalang na bumalik.
Habang tinatahak ko ang daan pabalik napansin kong may isang lalakeng nakatayo roon habang nakasandal sa pader.
Teka --- si Eli?
Hindi nagtagal ay nagsilabasan na rin ang mga estudyante na nasa loob ng room. Nanatili ako sa aking kinatatayuan at pinagmasdan lamang ang susunod na mangyayari.
Nang makalabas ang ex-girlfriend ni Eli ay agad niya na itong hinarang pero ni hindi man lang pinansin si Eli at nagpatuloy lamang sa paglalakad.
