نهوة ابن عمي الشيخ..!

البارت 1

هذا بارت تعريفي عن الشخصيات المهمة بالقصه .!

(اعرفكم عن نفسي اسمي. نور من احدئ المحافظات العراقيه بالجنوب عائلتنه كلش جبيره عندي 6 اخوان واني الوحيده ما عندي اخت 😢
اخواني:
امجد العمر: 25
امير:24
جعفر +سجاد: 22 تؤم
حيدر +عبد الله :18 هم تؤم
واني الزغيره المدلله 😂😌

ابوي وامي عايشين
بابة الشيخ اكبر واحد بعمامي عمره 55 اسمه شيخ قصي.
امي بنت عم ابوي عمرهة 40.

عندي 7عمام و5خوال ولد عم يصيرون عايشين بنفس المنطقه كلهم.. بمنطقه اشبه بالريفيه

بقيه الشخصيات راح تعرفوهة بالبارتات البقية

مـن هہنآ تبدآ آلقصـهہ

بيت اهل نور :
ابو امجد(الشيخ قصي)
صباح الخير:
ام امجد: صباح النور نورت الكعده
ابو امجد: بنورج بنت عمي سويلي ريوك وتعاي عندي موضوع وياج بعصبيه.

ام امجد: تامرني شيخ ثوواني ويصير الريوك.رحت اسوي ريوك لزوجي بس استغربت من طريقه كلامه لان حجة وياي بعصبيه اول مرة ....سويت جاي وبيض وطلعت اجبان من الثلاجه وزيتون وعسل وكاهي وسويت السفره. ورحت اكعد ولدي حته يتريكون وية ابوهم..

الام :مامة امجد اكعد من النوم الساعه ب9صارت كوم تريك ويه ابوك
وكعدت البقيه من ولدي.

امير وجعفر: يمه بعد وكت كلش نعسانين البارحه ضلينه لل4نلعب عوفينه ما شبعانين نوم.

ام امجد: كااافي وكوموا ترة اصيح ابوكم وتعرفون
اذا عصب شيسوي.
امجد وامير طفروا ع سريع بدلوا ونزلوا والبقيه يغسلون.
امجد وامير: صباح الخير بويه وباسوا راس ابوهم وايده.
الاب: هلا برويحتي يلة تريكوا حته نروح يم عمامكم عدهم طلابه ولازم احلهة الهم(بما انو ابوهم هو الشيخ) ...امجد: خير بويه شنو المشكله???

الاب:هذا ابن عمك علي(محمد)متعارك ويا واحد من عشيره ثانيه وذوله يدورون مشاكل واني مالي خلك طلايب ...
امجد: يلا اني شبعت الحمد لله.
الام. وين مامة بعدك،ما اكلت شي.
امجد: لا والله يمه ما اشتهي تعرفيني من الصباحيات ما اكل هواي.
الام: ع راحتك يمه وصيح اخوانك الزغار خل يجون ياكلون (حيدر وعبد الله).

امجد: صار يمه بعد تآمريني بشي.
الام:لا يروحي سلامتك.

امجد: حييييدر عبد الله ولكم اكعدوا شكد تنامون يلا ابوي وامي يصيحوكم حته تتزقنبون 😤.

حيدر: هاي شبيك من الصبح كالب الدنيا يلا راح اكوم....يلا عبد الله كوم.

عبد الله: اي كمت شكد تحجون من الصبح.

امجد: ولكم يا صبح راح يصير ب11

عبد الله: لا صدك.

امجد: ليش شنو عندك شي وتاخرت عليه?
عبد الله: اي ولك البارحه اني وجماعتي اتفقنه نطلع للملعب نلعب طوبه.
امجد: اي جا ما ترحون.
عبد الله +حيدر : اي هسة كمنه

كملوا اكل الاهل وحيدر وعبد الله ما جايين....

الاب: امجد ولك ذوله الادبسزيه شعدهم لسه نايمين
مو تدرون ما اقبل واحد يضل لل11نايم. ربع ساعه اذا ما كعدوا اكوملهم اطيح حظهم.

الام: هدي اعصابك ابو امجد عوفهم بعدهم جهال!!!! هنا
اعمارهم صغار
امجد :15
امير:14
جعفر+سجاد 12
عبد الله +حيدر 8
ونور بعد شويه تعرفون وين!!!!!!

نزلوا تريكوا وبدلوا

امجد وامير طلعوا ويه ابوهم الشيخ: يم عمامهم(لان همه اكبر شي باخوانهم وهمه الي مساعدين ابوهم بهواي امور .

وجعفر وسجاد :بقوا ويه امهم بالبيت لان الشيخ ما يقبل مرته تبقه وحدهة بالبيت.

وعبد الله وحيدر راحوا ويه اصدقائهم يلعبون .....

آلگآتبهہ(راح تسئلوني وين نور ؟؟؟؟هسة راح تعرفون )

الاب :قبل لا يطلع للمضيف. ام امجد تعاي وراي للغرفه ..

ام امجد : صار شيخ.
ابو امجد: تذكرين من كتلج عندي موضوع وياج ؟

ام امجد: بخوف اي وشنو الموضوع.

ابو امجد :شوفي راح اكلج!!!!! بس ما اريد كلامي يضوجج لو تنقهرين وتدرين اني كلمتي وحده وما تتغير.

ام امجد: اي شيخ كول شكو والله خوفتني.
ابو امجد: اني اريد تجيبيلي بنت وهذا الشي من زمان رايده ..

ام امجد: بس يا شيخ ايجوز الله ما كاتبلنه هذا الشي!

ام امجد: يعني كل مرة اجيب ولد وكافي صار عدنه 6شنسوي بالجهال بعد!!!!

ابو امجد بعصبيه!!
شوفي لو تجيبيلي بنت لو اروح ازوج وحده ثانيه لان انتي خلفتج بس ولد و اني شيخ وهذا الشي من حقي وشرع الله محلل 4

ام امجد: يعني تتزوج عليه!!!!!
ابو امجد: لا يا روحي تدرين بيه ما يهونلي ازعلج وعد اخر مره حتلو اجانة وولد اني قابل .

وبعدين انتي هم تعبتي شغل البيت كله وحدج لازم احد يساعدج!
ام امجد: الله كريم
ابو امجد: ان شاء الله.يلا اني رايح للمضيف محتاجه شي؟
ام امجد: لا سلامتك ودير بالك ع نفسك عمري.
ابو امجد:وانتي هم .