هلا بنات ❤️😘طبعا اعتذر تاخرت عليكم بنشر البارت بس جان عندي ظرف شكرا ع تفاعلكم الحلو وتعليقاتكم العسل ...
تسريع للاحداث:
سحر(زوجة قصي) :مرت الاشهر واني حامل بالشهر الثامن وقصي كلش مهتم بية ابد ما يخليني اشتغل بالبيت او انظف والاكل اخواتي خلود وسارة(ام محمد)يجن يساعدني ابد ما انسالهن هذا الشي .
فجاة يوم من الايام (💔💔💔)صار الي جنت ما متوقعته ............
قصي: كعدت الصبح. بس حسيت نفسي ضايج ومختنك كلت اروح اشوف ابوية صارلي يومين ما شايفه.
قصي:السلام عليكم
سالم:وعليكم السلام هلا بشيخنه
قصي:شلونك يبعد روحي
سالم:الحمد لله انت شلونك الاهل شلونهم
قصي:والله الحمد لله عايشن.
علي: هلا هلا بابو امجد شلونك
قصي:هلا بخوي شلونك شلون صحتك
علي:الحمد لله مشتاقين
قصي: اني الاشوق.
الاب(الشيخ سالم):اكلكم بويه.
علي+قصي:كول بويه
سالم: اليوم عازمكم انتم واخوانكم ع غدة من زمان ما ملتمين.
قصي: خير ان شاء الله. اشوف بويه عندي شغل
سالم: لا هاي ما مقبولة منك تجي انت ومرتك وولدك واذا ما تجون ازعل عليكم وعلي .
علي: ههههههه لا يجي كلشي ولا زعلك بويه. بس اني ما اكدر اجي هههه.
سالم: اي انت بيتك كلش بعيد معذور.
علي: ههههه .
ملاحظه: علي عايش وية اهلة ابيت الشيخ سالم هوة ومهند وزينب.
الساعه ب12الظهر اجو كل اخوان قصي.
وصارت لمة كلش جبيرة.
قصي:رحت للبيت اكول لسحر تبدل واخذهة لبيت اهلي هية والولد.
قصي: السلام عليكم.
سحر: هلا. هلا بلشيخ .
قصي:وبيج اكثر كلبي.اكلج سحر.
سحر:اي كول
قصي:اليوم ابوي عازمنة ع غدة احنه وبقية اخواني.
سحر :خير شنو المناسبه.
قصي:هيج ابوي حب يشوف ولدة ايجوز عندة موضوع ويانة. المهم هسة انتي والولد بدلوا وحضروا روحكم حته نمشي.
سحر: ماشي كلبي. بدلنة ورحنة اني وولدي ولقصي لبيت عمي طبعا احنه جيران بنفس المنطقه ونفس الشارع. دخلت للبيت وسلمت ع اختي ام محمد: ونسوان حماي البقية.
راح اشرحلكم عن بيت رائد(يصير اخو لقصي بس رائد ما يحب قصي ولا يريدلة الخير بسبب مشكله قديمه بيناتهم راح تعرفوهة بالبارتات القادمه)
سحر:شفت نظرات زوجة رائد الي ابد ما حبيتهة وما جنت مرتاحتلهة قررت اغلس عنهة رحت اساعد اختي بالشغل.
سحر: ها بنات تحتاجن مساعده.
ام محمد: لا يروحي انتي متكدرين روحي ارتاحي.
سحر:لا عفيه خل اساعدكم والله مليت بس كاعده هسة واذا حامل قابل ما اكدر امشي.
قصي :خابرني صديقي عندي شغلة ويا خاصه. ف طلعت احجي ويا بالحديقه. وسمعت حجي سحر وتريد تشتغل كلش عصبت منهة .رحت كلت لامجد يصيحهة الي لان جوة بس نسوان ما يصير ادخل.
قصي:امجد تعال بويه
امجد:ها بوسه تآمرني بشي.
قصي: اي بويه روح صيحلي امك.
امجد: ماشي بويه.....يمه يمه تعاي ابوي يصيحج.
سحر: شفت امجد واكف ورة الباب يستحي يطب .رحت اشوفة.
سحر:ها مامة محتاج شي
امجد:اي يمه هذا ابوي بالحديقه يريدج.
سحر: يلا جاية.رحت اشوف قصي
قصي:تعاي لجج.اني شحاجي وشكايل.
سحر:شنو شسويت اني.
قصي: سمعتج تريدين تشتغلين اكعدي وانجبي فاهمة.
سحر:بس... قاطعهة قصي: لا بس ولا شي اذا اسمعج تكومين اكسر رجلج.
(ملاحظة: سحر حملهة كلش صعب والدكتورة كالتلهة لازم ترتاحين وما تسوين شغل يتعبج ولهذا السبب قصي ميخليهة تشتغل)
سحر: يلا ماشي محتاج شي.
قصي:سلامت كلبج.
تسريع للاحداث:بعد ساعه
سحر:جنت كاعده. احتني زوجة رائد (ام سلام):
هيييي انتي.
سحر:شنو هيي شنو هل حجي احترمي نفسج شرايده?
ام سلام:كومي فوك زينب واختج خلود يردنج ..
سحر:استغربت شيسون فوك(بالطابق الثاني)وما لگن الة هاي الحية تصيحيني.
سحر:صعدت فوك رحت بكل الغرف ما لكيت لا خلود ولا زينب. عرفت هاي وحده من لعبات ام سلام .ضليت افكر شنو الغاية من هذا الشي ?
سحر:بعدني جاي انزل وما احس الة ووكعت من الدرج وما حسيت بشي بعد ......
ام قصي وام محمد: جنة كاعدات بالمطبخ ما نسمع الة صووت قوووي رحنة ركض شفنة سحر واكعه من الدرج والدم تارس الكاع.
ام محمد: شفت اختي بهذا المنضر تخبلت اجيت اركض اضرب بوجهةة ولللللج سحرررر شبيج اكعدي ولججج حاجيني ...
اجن البنات كلهن ضلن صافنات ع منظر.
ام قصي: ولجججن شبيجن صاافنات منتظراتهة تموووت وحده منجن تصيح قصي.
قصي: جنت كاعد بالمضيف وية اخواني وابوي وعمامي وجانت كعدة حلوه بس كلبي ما مرتاح ابد سمعت صووت صياح نسوان كلبي لچمني حسيت صاير شي.سمعت وحده تكول سحررر ولج اكعدي والثانيه تكووول ماتت.
هنا اتخبلت رحت دفعت الباب ودخلت للاستقبال شفت سحر واكعه والدم تارس الكاع فقدت اعصابي وضليت اصييح ع امي واخواتي شووون وكعدتت منو جان موجود هناا.
ام قصي: ولك وليدي مو وكت هذا الحجي اخذهة للمستشفئ راح تروح من ادينة.
قصي:لا تحجييين هيج سحرر ما بيهة شي.
امجد:اجيت دخلت شفت ابوي بحالة مو طبيعية كلش عصبي واي واحد يطلع بوجهةة يصيح عليه.
رحت اني وعمي مهند شغلنة السيارة.
ام قصي:يلا يمة شيلهة.
قصي:اخذت سحر للسيارة ورحنه للمستشفئ.احس حيلي نهد من شفتهة بهاي الحالة ..
قصي: لك مهنددد شبيك تمشي ع بيض بسرررعه امشي.
مهند: هدي اعصابك خويه ان شاء الله مابيهة شي.
امجد: كلش انقهرت ع امي من جهة وع ابوي حته بجي كام يبجي.
قصي:نص ساعه وصلنه للمستشفئ بس احس الساعه وكفت ما تمشي وكلبي مشتعل بنار ما خليت واحد ما غلطت عليه فقدت اعصابي.
مهند: وصلنة للمستشفئ صحنة الدكاترة والممرضين كلهم التموا عبالهم عدنة ميت لا سامح الله. ججابوا السيدية خلوا سحر عليهة.
مهند: قصي تعال خويه اكعد هنا اكيد تعبت.هاك اشرب ماي.
قصي:خويه عووفني ما اريد عوفني.
مهند: اتهدة بالرحمان يخوي بدال ما تسوي بنفسك هيج اكعد اقرالهة قرأن وادعيلهة.
قصي:والله اموت اذا صارله شي
مهند: كول يا الله خويه لا تجيب هذا الموضوع ع لسانك.
قصي:والنعم بالله.
ورة نصف ساعه :
طلعت الدكتورة ............الكل ضل مصدوووم
قصي:لججج انتي شتحجين مرتي اذا صاررر بيهة شي المستشفئ احركهة عليكم كلكم اذبكم بالسجن والله اذا صار بيهة شي.....
الدكتورة: بس ما عدنة خيار ثاني .....
لهنا وانتهة البارت الرابع انتظروني بالبارت الخامس اليوم ينزل ان شاء الله تابعوني انستا n.3az1
YOU ARE READING
نهوة ابن عمي الشيخ..!
General Fictionالقصة:تتحدث عن فتاة عراقية من جنوب العراق تعيش تحت ضغط العادات والتقاليد! لتواجه الكثير من الصعوبات والمشقات وهي في بداية عمرها ويصبح الجميع ضدها فكيف ستواجه ذلك ...!
