نهوة ابن عمي الشيخ..!

البارت10

قصي:ما توقعت هذا الشي يطلع من،سحر وقررت اطلكهة وما تبقة ولا لحظه،يمي بالبيت معقوله كل هاي العشرة تسوي هيج والله هذا الموضوع مجاي يدخل براسي ..
سحر:ما توقعت يجي بيوم هيج شي ويدمر علاقتي بقصي وبنفس الوقت ما توقعت قصي ما يثق بية. 💔💔💔💔

(راح تعرفون شنو الصار تابع الاااحداث).......

قصي:هاي الايام جاي اشوف سحر كلش مهملة الي ولجهالهة وما تهتم بس بمكياجهة وبلبسهة رغم هية ابد ما تحب هيج مدري شغيرهة.
سحر:صح جنت مهملة لقصي وجهالي بس جنت كلش ضايجه من قصي ابد ما يخليني اطلع من اكلة طلعنة لاماكن سياحيه يرفض هذا الشي ويكلي ما عدنة نسوان تطلع لهيج اماكن

(اعرفكم عن نفسي اسمي سحر من بغداد مواصفاتي بيضة عيوني لون اخضر طوخ تزوجت الشيخ قصي ابن عمي اني اصلي ناصريه بس عشت ابغداد بعدين صارت ظروف واستقرينة بالناصريه .قبل لا ازوج قصي اجينة سكنة بالناصريه فبهاي الفترة حبيت قصي وهو كذلك.
اني جان الكل يحبني من خالاتي وعماتي بس جان اكو كم شخص يكرهني و يحب ايأذيني دائما مثل سعاد(مرت رائد)الي هية بنت عمي ساجد جانت تحب قصي وكلش حاولت تخرب بيناتنة بس حبنة جان اقوه وازوجنة .اني من جنت ابغداد دائما اطلع وية صديقاتي وجنت ماخذه حرية كامله طبعا بموافقه ابوي بس من ازوجت قصي ببدايه زواجنة صارت هواي مشاكل لان ابد مو مثل طبعنة ما يخلون زوجاتهم تطلع لاماكن عامه او سياحيه (مثل المولات والمتنزهات)كلش تعبني هذا الموضوع بعدين اقتنعت انو اني مرت الشيخ ولازم اصير قدوه لباقي البنات ولازم ما اسوي تصرف غلط والحمد لله كدرت اتأقلم وية عيشتهم.
سعاد(زوجه رائد):اني من الناصريه مواصفاتي سمرة وقزمه بس محد يكدرلي 😉 جنت احب قصي ابن عمي سالم لا مو بس احبه اعشقهه جنت هواي اتقرب منة بس هو ما معبرني بس قررت ما استسلم واصير الة مو لغيره غصبا ع الكل. بس بيوم من الايام اجت الحيه بنت عمي سحر من بغداد وسحرت قصي واخذتة مني. جان بالنسبه الية كلش صدمه من عمي سالم خطب سحر لقصي من جنت زغيرة جنت احبة لقصي وتجي هاي تزوجه كلش تحطمت 😔 وقررت انتقم منهة وما اخليهة تضوگ طعم السعاده.

سلوان:اعرفكم عن نفسي اسمي سلوان ابن الشيخ هاشم(اخو الشيخ سالم ابو قصي) من الناصريه الكل يعرفني بصفاتي طويل واسمر عصبي بشكل مو طبيعي والي ياخذ شي مني ما اسكتلة جنت اني وقصي من اكبر ولد عمنة جدي الشيخ صالح اختار قصي الشيخ بهاي اللحظه قررت اكتل قصي لان اني ما عايزني شي ومو احسن مني قصي وبالعمر فرق اسبوع. كلت امشيهة الة هوة يفتهم مني اكثر بسوالف الشيوخ ومشاكلهم ..عدنة من عاداتنة اي واحد يحب وحده من بنات عمة،يكدر ينهة عليهة وياخذهة غصب عن الكل بيوم من الايام اجة عمي سليم من،بغداد هوة وكل عائلتة حته يستقرون يمنة. وشفت وحده جنهة ملاك شايلة جماال مو طبيعي بيضه عيونهة خضر وحسب ما سمعت من امي شعرهة كلش طويل وبي شگار(لونة قريب ع اصفر)
عرفت اسمهة سحر بنظرة وحدة كلش حبيتهة صح بنات عمي البقيه حلوات بس هاي لا كلش تختلف ودخلت لكلبي بسرعه حجيت وية سحر مرة وكتلهة اني ابن عمج سلوان وعرفتهة عن نفسي وكتلهة رايدج بالحلال .
سحر:شنوو تريدني اتزوجك انت ?
سلوان:ايي وليش مستغربه ناقصني شي وبعدين،اني ابن عمج اولة بيج من الغريب
سحر:مستحيييل اقبل بيك ولا تكلي ليش.
سلوان: شنو هذا التكبر صوجي كبرت راسج واجيت اخذت رئيج هسة بس احاجي ابوج عمي سليم رئسن يوافق.
سحر:بس اني محجوزة لقصي.
سلوان:لزمتهة من ايدهة ودفعتهة ولججج انتي شجاي تمسلتين شوكت هذا الحجي صار.
سحر:اووويي ع كيفك شبيك قبل يوم تقريبا
سلوان: تحبي لقصي مووو
سحر:رجاءً روح لا اصيح قصي يربيك
سلوان: شوو صيحي لهذا الحقير صيحي لحبيب الگلب.
سحر:عفته وشردت للبيت مال جدي وخلصت منة.

سلوان:هاي صار ثاني شغله ياخذهة مني قصي ابد ما راح اسكتلة وراح اندمة وادمر حياتة شكد حاولت،اخرب عرسهم بس ما صار 😔....

سلوان:اتزوجت بنت عمي ساجد(اخت سعاد)ابد ما احبهة حياتنة كلهة مشاكل وصار عدنة جهال وابد ما احبه وسحر ابد ما طلعت من كلبي. فقررت اسوي مشكله واخلي قصي يطلك سحر وازوجهة

قصي:ما توقعت هذا الشي يطلع من،سحر وقررت اطلكهة وما تبقة ولا لحظه،يمي بالبيت معقوله كل هاي العشرة تسوي هيج والله هذا الموضوع مجاي يدخل براسي ..
سحر:ما توقعت يجي بيوم هيج شي ويدمر علاقتي بقصي وبنفس الوقت ما توقعت قصي ما يثق بية. 💔💔💔💔

(شنو تتوقعون راح تنجح خطة سلوان وتطلك سحر )

(ملاحظه خاف ادوخون بالاسماء عمام قصي3 ساجد ابو هاي الخبيثه مرت رائد سعاد ،وسليم ابو سحر، وهاشم ابو سلوان.)