💋زواج بلغة الجحيم 😈

✨ -8-

ج60
مشا قيس غبر ليه الاتر دازت يومين انا بوحدي فالفيلا ...كندوز نهاري غير فالبكا لاحنين لا رحيم ....بقيت بوحدي ...شي لي خلاني نتمسك هو ان فراس غادي يرجع لحياتي ...توحشتوا ...هو الوحيد لي كنرتاح معاه ...هو الوحيد لي كيفرحني وكيحسسني براحة ....فراس ونعم الاصدقاء .....
...اليوم كيف العادة جالسة امام البحر كنبكي ....على زهري وعلى ولدي لي مشا قبل مانشوفوا ولا نشموا ريحتوا ....حتى كنسمع صوت لي توحشتوا بزاف ...نضت بزربة وضرت عندوا ..كان فراس .....شفتوا وطرت عليه عنقتوا وكنبكي
انا:فرااااس فين كنتي علاش خليتيني بوحدي حرام عليك ...انت الوحيد لي عندي افراس اهئ اهئ عفاك ا فراس ديني معاك. فراس:(هز ليا راسي ومسح ليا دموعي )شششش صافي الكبيدة انا غادي نديك معايا ....وعمرني باقي نتخلى عليك
انا:دابا مزيان
...فراس: دابا خليني نشوف ضحيكة لي كتحمقني
انا:(كنضحك)ههههه توحشتك المشاغب ديالي (ورجعت عنقتوا)
........... .............
.......عند قيس
....فالوقت لي كانوا كيهضروا كان قيس مقابلهم من بعيد وكيبكي .....انا حمااار كيفاش حتى قدرت نبعدهم على بعضهم ...فراس كيبغيها وهو الوحيد لي قادر يفرحها ....انا غادي نضلمهم الى فرقتهم ....غادي نخرج من حياتهم بهدوء ...انا عارف فيروز كتبغيني ...ولكن مع الوقت غادي تنساني وفراس اكيد غادي يديرها فعينيه ....
نرجعوا لعند فراس وفيروز
..انا:فراس نمشيو دابا مابقيتش قادرة نزيد دقيقة هنا عفاك
فراس:اوكي سيري ذخلي جمعي حوايجك انا غادي نهضر مع قيس ونمشيو
...مشات فيروز كتجمع حوايجها وهي كتبكي ...واخا كل العذاب لي شافتوا مع قيس كتبغيه وماتقد تنساه ولكن خاصها تقصح قلبها..
انا:(هازة تصويرة قيس وكنهضر معاها)كنبغيك اهئ كنبغيك اقيس ولكن انت ماكتبغينبش .....ياريت كون غير كنتي كتبغيني نقدر نضحي بكولشي على قبلك .....ولكن للاسف انا غالطة وهاذشي عمروا يتحقق من الاحسن نخرج من حياتك ...حيت انت فبالك وحدة اخرة انت كتبغي مراة اخرى ....وانا منقدرش نصبر ونشوف راجل لي كنبغي مع وحدة اخرى... كيعشقها ....مابغيتش نعيش حياتي كلها فالحرمان والذل .....اهون ليا نبعد عليك ولا نبقى كنكذب على راسي وانا عارفة قلبك مع وحدة اخرى ....اصعب حاجة توقع لاي انسان ...انك تكون كتبغي شخص وهو كيبغي شخص اخر ....صعيب بزاف هاد الاحساس ...هو المرار بذاتوا ...هو الموت البطيء....
حطيت تصويرة ...وهزيت فاليزتي وخرجت لقيت فراس كيتسناني عيني كتقلب على قيس ولكن هو ما كاينش ...شديت ففراس ومشينا .....
ج61

شدينا طاكسي ...ونزلنا فحي شعبي ....شدني فراس من ايدي وهو حادر راسوا
...ذخلنا لواحد دار .....صغيرة بزاف ...باينة فيها قديمة .....فيها بيت واحد وكوزينة صغيرة ....دوش
فراس:سمحيليا افيروز ....سمحيليا جبتك لبلايص بحال هاذوا ....انتي من ديما عايشة كيف الملكة ....انا حشمان من راسي
انا:( عنقتوا)الحمق ....انا فرحانة معاك حيت رجعتي ليا علاش كتقول هاد الهضرة ....العيش بشرف وفاحترام اهم حاجة
فراس:سمحيليا ...
انا:وصافي افراس ...يلاه دابا ضرني جوع نمشي نطيب شي حاجة
فراس:اوااااه فين كتعرفي طيبي بعد انتي
انا:هههه علمني قيس ....اووووووف اش جاب سيرتوا كاع
فراس:(بحال الى تقرص)فيروز انتي ياكما.....
انا:(فهمتوا)لا افراس لا ....عفاك دابا نمشي نطيب العشا وناكلوا واخا
فراس:اوكي
.....ذخلنا لكوزبنة بجوج ...كنطيبوا وكنضحكوا .....حطينا العشا وتعشينا ....فرشنا فالارض وتكينا وحنا كنهضروا حتى نعسنا
..نرجعوا عند قيس:
......غير مشات فيروز ....ومشا ديريكت لاحد ملهى الليلية .....جالس كيشرب ....ويعاود ....حتى مابقا عاقل على راسوا اش كيدير.....
....اصبحنا واصبح الملك لله....
فاق البطل ديالنا قيس .....كيحس براسوا كيضروا .....دور وجهوا كيشوف فين كاين وتصدم منين شاف بنت ناعسة حداه عريانة مالابسة والوا .....شاف راسوا حتى هو ما لابس والوا كيحاول يتفكر شنو وقع ....ولكن هو عاقل غير فاش جالس وكيشرب .....وداكشي لاخر ماعاقل على والوا ..... مشا البنت نوضها وكيغوط
قيس:اش كديري انتي هنااااا هضري اش جابك عندييييي
البنت:مالك مابقيتي عاقل على والوا راك انت اسيدي لي جبتيني لدار عندك ....ولا نسيتي حيت كنتي سكران
قيس:(كيغوط وكيبكي)لا ميمكنش ....انا ندير هكا ...انا مادرت والوا اهئ اهئ ....علاش ياربي علاش اش هاذشي درت
ت
البنت:غير تهدن راه ما وقع والوا اصلا كنحاول معاك حتى عييت انت الليل كلو كتبكي على شي وحدة سميتها فيروز ولا منعرفش ...كاع ماقربتي ليا .....
قيس:(فرحان وكيضحك)بصاح هاذشي بصاح ماقربت ليك
البنت:اه بصاح ....
قيس:(عنقها من الفرحة)فرحتيني .....(ناض كيلبس حوايجوا )...انا فرحان حيت ماخنتكش احبيبة هههههه انا فرحان بزاف(مد البنت الفلوس)هاكي انتي هادو تمن ليلتك لي ضيعتي معايا
البنت:لا منشد اافلوس انا مادرت والوا.....غير خليهم عندك
قيس:(كيمد ليها كارط فيزيت ديالوا)دوزي عندي ...
...وباراكا عليك من هاد العهر ....يمكن ليك من غدا تجي تبداي معانا الخدمة وشكرا بزاااف فرحتيني
البنت:(شداتها وكضحك)ههه سعدات هاد فيروز ....منين كيبغيها واحد بحالك حتى لهاذ ذرجة ...الله يوفقكم ويجمعكم ياربي
....خرج قيس وهو فرحان حيت قدر يتحكم فراسوا وماخانش حبيبتوا ....ولكن منين تفكر لي وقع رجع كيبكي .....تاني
ج62
حليت عيني جبدت ايديا ...دورت وجهي لقيت فراس كيشوف فيا كيضحك ....
انا:(كنتفوه)صباح الخير المشاغب ديالي
فراس:(جبد ليا حناكي)صباح نور كبيدة هههه
انا:احم احم ....بدينا تاني هههه ...عرفاي رتاحيت ...شحال هاذي مانعست بحال هكا وانا مرتاحة
فراس:(فرحان)بصاح انتي فرحانة ....معايا افيروز
انا:طبعا انت الوحيد لي كنرتاح وكنفرح معاه...
فراس:فيروز .....نوضوا نفطروا باغي نخرج نخدم اوكي
انا:واخا ...وانت فاش خدام بعد
فراس:(حادر راسوا )انا
انا:اه انت
فراس:انا خدام غير نادل فمطعم
انا:الحمق ومالها ...الخدمة كيفما كانت
كتبقى خدمة ...المهم تكون شريفة
فراس:هاذشي علاش كنموت عليك الكبيدة هههه
انا:هههه لي سمعك يقول كتبغيني هههه
فراس:(تقلق)وتصوري نكون كنبغيك شنو ديري
انا:اويلي مالك هبلتي ...داكشي عمروا يوقع ...حنا كبرنا مع بعضنا حنا خوت
فراس:(تعصب وناض)اوكي انا غادي الخدمة بسلامة
...خرج وانا مافهمة والوا ...ماعرفت مالوا كاع مافطر ...المهم ..نضت فطرت ..خملت البيت والكوزينة طيبت الغدا ....ودوشت ولبست بيجامة لي عبارة عن شورط وتشورط ديالها جمعت شعري ....بينما ذخل فراس لي غير شافني بقا واقف كيشوف فيا ...بغا يهضر وتجلات ليه الهضرة
انا:عهههه امالك احنيني كتمتم بوحدك
فراس:(حط التقدية ومشا لماريوا جبد بيجاما مستورة ومدها ليا)لبسي هاذي حسن ...
شديتها وذخلت لدوش لبستها وخرجت ...سخنت الغدا وجلسنا كنتغداو ...فراس تبدل عليا ماعرفت علاش انا مادرت والوا ....ولكن خاصني نفهم منو كولشي
انا:(كنلعب فطبسيل)فراس
فراس:وي
انا:واش وجودي معاك كيقلقك ...الى كان على هكا معصب غادي نمشي بمرة
فراس:(سد ليا فمي بايديه)ششش ماتبقايش تقولي هكا بالعكس انا منين رجعنا تجمعنا ...رجعات لي الروح
انا:ولكن علاش كتصرف معايا هكا ....وعلاش قلتي لي نبدل البيجامة ...ياك انت من ديما كتشوفني بداك اللبس شنو تغير
فراس:تغيروا بزاف دالحوايج ...افيروز تغيروا بزاف
انا:شنو تغير اش هاد الحوايج
فراس:مع الوقت يمكن تفهمي كولشي ...دابا كملي غداك عفاك ...
انا:(كملت ماكلتي)فراس بغيت نقوليك شي حاجة
فراس:خير ان شاء الله
انا:بغيت نقلب على خدمة بغيت نخدم واخا
فراس:لا انتي مامولفاش على الخدمة بقاي فدار انا قلبت على خدمة اضافية غادي نخدم نادل فصباح وبالليل غادي نخدم سيكيريتي فشركة المهم ماتخصيش فحتى حاجة
انا:(حطيت ايدي فوق ايدوا)هاذشي لي كدير على قباي عمر شي حد داروا انت اكبر هذية عطاها ليا ربي ....ولكن واخا هكاك انا باغا نخرج ونخدم انا عندي دبلوم فالخياطة كبف كتعرف وضروري نلقا شي حاجة فاش نخدم
فراس:انا من الاحسن تجلسي فدار....ولكن الى كنتي باغا تخدمي غير باش تفوجي على راسك ...متعندي مانقول ليك
...نضت لعندوا وعنقتوا
انا:انت اروع انسان افراس
فراس:(حيد ايديا)نخليك دابا افيروز نرجع لخدمتي ....وغدا يمكن ليك تبداي تقلبي على خدمة
..انا:واخا الله يعاونك
ج63
...دازت 15 يوم على وجودي مع فراس عمرني باقي شفت قيس او سمعت عليه شي حاجة .....ماقدرتش نساه ولكن كنحاول ولايام كتنسي فكولشي....وليت خدامة فشركة .الخياطة ...خلصتي كانت على قد الحال .....علاقتي مع فراس ولات متوترة شوية ...مابقيتش كنفهموا كيدير تصرفات غريبة ...اخيانا كنلقاه وسط الليل فايق وكيشوف فيا واحيانا منين كنكون دوشت وخرجت من دوش لاوية عليا الفوطة ....كيخاصم عليا والى لبست شي لبسة او بيجامة معرية كيتعصب مني .......
اليوم السبت ماكيكونش فراس خدام دوزنا نهارنا فدوران حتى الليل ورجعنا لدوران ....جلسنا كنهضروا حتى طاحت فبالي فكرة
انا:فراس اش ضهر ليك نصاوب الفوشار ومن بعد نتفرجوا فشي فيلم ....
فراس:اوكي اش من فيلم
انا:اه واحد الفيلم هندي فيلم واعر سميتوا aaja nachle......قصة واعرة ...المهم قلب عليه وديروا باش نتفرجوا وانا دابا نمشي نصاوب الفوشار ونجي نتفرجوا
....داكشي لي درت ....صاوبت الفوشار بينما دار الفيلم ...جلسنا كنتفرجوا وانا منين بدا وانا كنبكي واكتر حاجة بقات فيا شاب كيبغي البطلة وهي ماعرفاش وكاع مموسقة ليه بقا فيا بزاف
انا:اهئ اهئ بقا فيا مسكين كيبغيها وهي كاع ماعرفة اهئ اهئ والله حتى حشومة عليها هو كيبين ليها وهي كدير راسها كاع ما فاهمة ...ولكن حتى هو غلط خاصوا يصارحها بلي كيبغيها مناش خايف
فراس:يمكن خايف لا متقبلش ويخسرها داكشي علاش فضل يبقا يوهمها بصداقة
انا:ولكن علاش يخسرها ...اب بنت كتمنى تلقى الراجل لي يبغيها ...واصلا ولو يخسرها على الاقل هو عتارف ليها والى كانوا مكتابين لبعضهم غادي يتجمعوا
فراس:الصمت
...كملنا الفيلم ..احيانا كيدوزوا لقطات رومانسية كيبان ليا فراس كيتبدلوا فيه الالوان ....وكيقرب لعندي ...انا متسوقتش ليه ولكن كلما كتبان شي لقطة تاني كيزيد يقرب مني حتى لصق معايا ودار ايديه مورا خصري
انا:فراس ش
فراس:(كيهضر بشوية)فيروز بغيت نقوليك شي حاجة
انا:وي
فراس:الى عرفتي شي واحد كيبغيك من صغرك وماقدرش يعترف بيك شنو ديري
انا:ماعرفتش ...خاصوا غير يعتارف بعدا
فراس:والى كان هاد الشخص هو انا شنو ديري
انا:(دورت وجهي لعندو لقيت الدموع تجمعوا فعينيه)فراس مايمكنش ماتقوليش انت كتبغيني
فراس:(شد راسوا ودموعوا نازلين)كنبغيك من اول نهار شفتك افيروز ...وكل نهار كيدوز كنز نتعلق بيك
انا:(حطيت ايدي على فمي من هول الصدمة[?])فراس ...انت بحال خويا
فراس غير سمع بحال خويا ناض من بلاصتوا كيضرب بلي لقا قداموا ...وكيغوط
فراس:[?][?]...انا ماشييييييبييبي خوك ماشي خوووك واش كتفهمي ماشي خوك انا كنبغيك افيروز وصابر من شحال هاذي على امل تحسي بيا وانتي ديما خويا خويا ....ديما كتعذبيني
انا:ولكن انت ديما كنعتابرك خويا
فراس:(جاي جيهتي شد ايدي وزريها مع الحيط وهو معصب)انا ماشي خوك فهميها انا كنقولها ونعاودها ماشي خوك ماشي خوك ....
.انا:فراس طلقني قصحتيني عفاك
فراس:(باقي شاد فيا)سكتي افيروز عفاك
انا:ولكن
فراس:(كيقرب لفمي)عفاك افراس لا تحكم فراسك بليييز عفاك حبس عفاك
فراي:(طلق من ايدي ورجع باللور)سمحيلي يمكن خلعتك
انا كنقيس فايدي لي ولات حمرا ....وكنشوف ففراس لي كيشوف فيا بنضرات مختلفة نظرات الحب
...مشا نعس وانا بقيت جالسة وكنفكر فهاذشي لي وقع فراس كيبغيني من صغري ....انا لي ديما حاسباه خويا هو ديما كيشوفني بطريقة مختلفة .....ضرني راسي بتفكير ....هزيت شال لحتوا عليا وخرجت ...من دار كنتمشى ...حتى وصلت لبلاصة خاوية ...لقيت فيها 4 ديال رجال جالسين كيشريوا خلعمب منظرهم ...وبغيت نرجع ولكن شافوني وجاو كيجريو وانا كنجري وهما كيغوطوا ....وقفي الزوينة ....جايا حتى لعندنا وباغا ترجعي .......سمعت كلامهم وزدت كنجري حتى وصلت لدار كندق على فراس وهما كيقربوا ...حل لباب دفعتوا وذخلت... سديت الباب وتحط عليه عنقتوا وانا كلي كنترعد
فراس:(مخلوع عليا)اش وقع افيروز علاش مخلوعة فين كنتي
انا:ماقدرتش نعس وخرجت نتمشى شوية ولكن تلاقيت شي شمكارا وتبعوني ...انا تخلعت بزاف افراس
فراس:(هز ليا راسي وكيشوف فيا)صافي ماوقع والوا ...ولكن هاذي اخر مرة تخرجي بالليل راك عارفة هنا حي خطير ....بلييز الى باغا باقي تخرجي قوليها ليا
انا:واخا
...مشيت تكيت بلاصتي وغطاني ...فراس ...انا ماعرفت كيف نتصرف ماقدارش مانبقاش نتعامل معاه كيف الاول ...واخا عرفتوا كيبغيني ولكن هكا ولفت معاه ...اووووف واخا هاذشي كيزيد يوتروا ويوترني ولكن ماعندي ماندير ....
ج64
.. اصبحنا واصبح الملك لله ...
..اليوم فقت مريضة بزاف ...اكيد عرفتوا علاش ...الوداد لاعبة عندي ....شادني الوجع رهيب وانا بعادتي ديما كتجيني كنولي بحال الميتة ....خاصني نعس ومانوضش من الفراش
فراس:(كيشوف فيا)فيروز مالك كتباني ليا صفرة
انا:مريضة افراس
فراس:اشنو كيضرك ...شنو بيك ...يلاه نديك اطبيب
انا:لا منحتاجش والله عادي
فراس:ااااه فهمتك دابا
انا:(نزلت راسي)اه
فراس:دابا انتي بقاي ففراشك انا نخرج نجيب ليك دوا من الفارماسي ونجي نطيب ليك الفطور
انا:لا بلاش انا ممولفاش نشرب الدوا....ماعنديش معاه ....انا غادي نوض نصاوب شي عشوب
فراس:لا جلسي انا نصاوب كولشي
... ناض صاوبلي كاس دالعشوب وجاب لي الفطور .....كليت وشربت العشوب قادلي المخدة ونعست وناض جمع الدنيا وصاوب الغدا ....
انا:فراس علاش مامشيتيش الخدمة
فراس:نمشي ونخلي الكبيدة ديالي بوحدها ...انا غادي نبقا معاك حتى تبراي شوية
انا:ولكن
فراس:شش صافي هضرت عفاك
انا حسيت راسي كنضلموا معايا هو كيبغيني وكيخاف عليا..... وانا شنو كندير
ماقدرتش تضحيات ديالوا هو حياتوا كاملة صابر عليا وعلى هبالي عاوني وحماني حتى من نفسوا ...تخلى على كولشي على قبلي ...ودابا كيتعذب على قبلي وانا وحدة ممزياناش علاش كنعذب فيه وهو كيبغيني
....تغدينا وفراس جمع المواعن غسلهم وجا جلس مقابلني كيهضر معايا وكيضحكني .....حتى نعست.....
ضرباتني الفيقة مع 7 دالعشية .....حسيت براسي شوية بعدما شربت العشوب ونعست ...ونضت مالقيتش فرلس فدار ...يمكن مشا لخدمة ....او مشا عند صحابوا ....ذخلت لدوش نبدل حوايجي ....ولكن نسيت الحوايج برا ....لبست غير دوبياس ولويت عليا بنوار شفاف ...بزربة خرجت كنجري لبيت ....مع ذخلة خرجت ففراس وطحت فالارض تحل لبنوار ....وبقا فراس مبلوكي ....وهو كيشوف فيا ...حسيت بيه كيتنفس بصعوبة ....وكيبلع ريقوا ....
فراس:(كيهضر وعينيه كتسارا فجسمي)ففف فيروز ..عفاك بقاي تلبسي حوايجك راك ما عايشاش بوحدك... ...وخرج وضرب بالباب
......خلاني كنذب فراسي....انا ديما كنعذبوا ..بتصرفاتي وكون ماكانش كيبغيني ماغاديش يتحكم فراسوا ...ويخرج من دار ....ياريت كون كنت كنبغيك انت افراس كنا غادي نكونوا احسن علاقة ....انا عارفاك كتبغيني كتعذب بسببي انا حاسة بيك افراس حاسة بيك صعيب تبغي شي واحد وهو ماكيبغيكش صعيب تكون كتموت على انسان وهو فقلبوا انسان اخر .....
ج65
بقيت نتسنى ففراس يرجع ولكن ماجاش حتى لنص ديال الليل ...كنت جالسة نتسنى فيه حتى كنسمع دقان فالباب كيدق بجهد وكيغوط .....مشيت نجري حليت ليه لقيت معاه واحد دري شادوا ...فراس كان سكران ....حالتوا حالة ....شكرت دري وذخلتوا وهو كيضحك ...حطيتوا فبلاصتوا حيدت ليه صباط ....وشدني من ايدي
فراس:كنبغييييبيييييييييك افيروز كنبغبيييبببييييييك .....
انا:فراس اش داك لشراب علاش افراس فين عمرك شربتي
فراس:(جرني لعندوا ولصق جبهتوا مع جبهتي)انتي سبب افيروز حبك سبب ...انتي سبب
انا:(حيدت منو ووقغت)فراس دير عقلك ...انا مكنبغيكش
فراس ناض معصب عطاني تصرفيقة ولاحني فوق الفراش ....
انا:(مخلوعة وخايفة منو حيت كان كيشوف فيا بشهوة ...وهو سكران ماعارفش اش كيدير)فراس نعل الشيطان اش كدير ...راك سكران بعد مني عفاك
فراس:(هزني من كتافي وكيمس فمي بايديه)فيروز يا فيروز .....كبيدة ديالي ...شحال صابر عليك ...ولكن عييت ...انتي اليوم ديالي
انا:(نضت و دفعتوا)انت ماشي فراس لي كنعرف ...بعددد مني حسن ليك
ناض وجاي قاصدني لصقني مع الماريوا ...بغا يبوسني ...وهربت ليه ..جرني من شعري ...
انا:(كنغوط)انت حيوااااان بعد مني انت كلب تفوووو عليك
منين سمع هاد الهضرة فراس ولا واحد اخر جمع ايديه وعطاني ضربة فعيني .....بغا يزيدني تانية وهربت ليه و تخبيت فدوش .....حتى صبح الصباح
.....بقيت جالسة فدوش كنترعد وخايفة منو ....حتى كنسمع تخرشيش ...جمدت فبلاصتي
فراس:(كيقلب فالدار)فيروز فينك... فين مشات هاذي ..كاع الدار مقلوبة ..فيروز فينك جاوبي واش كاينة فدوش.
....عرفت بلي تاتير الشراب مشا....حليت الباب وخرجت لعندو غير شاف عيني منفوخة وزرقة جا كيجري وكيغوط
فراس:(كيقلب عينيا)مالك افيروز شكون دار فيك هكا
انا:(كنبكي)اهئ اهئ انت افراس انت لي درتي فيا هكا
فراس:كيفاش انا ...كضحكي معايا ياك
انا:لا مكنضحكش انت البارح اهئ اهئ جيتي سكران بغيتي تكرفس عليا ...اهئ اهئ ومنين دافعت على راسي ومنعتك ...درتي ليا هكا ...اهئ اهئ انا مابقيتش نزيد معاك هنا دقيقة ...انا اليوم نمشي من هنا اهئ اهئ
فراس:(فكر بلي كان مع صحابوا ومنين عاود ليهم قنعوه يشرب)انا حيوان كيفاش قدرت ندير فيك هكا .....سمحيليا عفاك افيروز ..والله ماكنت بوعيي انا لي ديما خايف عليك ومحافض عليك ...كنت غادي نتكرفس عليك ....عاقبيني بلي بغيتي ولكن ماتخلينيش عفاك ........
ج66
انا:(كنبكي)مابقيت كنتيق فحد اهئ اهئ علاش ياربي ....علاش ماعندي زهر (فخاطر الكاتبة ديالنا ابتسام عفيف )....اهئ اهئ ...انا للاسف مانقدرش نبقى معاك انت ماعرفش كيف كنتي البارح خلعتيني افراس ...انت لي ديما كتواعدني تحميني كنتي البارح اهئ اهئ ....ماقدرة حتى نرجع نتفكر .....انا هكا منحوسة وماعندي زهر ....ولكن علاش ديما يوقعلي هكا علاش
......مشيت كنجمع حوايجي....و فراس كيطلب فيا نبقى ولكن انا ماقدراش ...نزيد نبقى معاه ...شنو الى وقع بحال البارح ....هاد المرة جات غير دقة فعيني المرة اخرى يمكن اهئ اهئ مانعرف شنو يقدر يوقع ....
خرجت من عندوا وهازة فايدي شوية ديال الفلوس مايكفيونبش حتى ليلة وحدة فين نمشي ياربي ....علاش انا ديما كنلقى راسي بوحدي ....بان ليا طاكسي شديتوا ....وطلبت منو يديني لشي اوطيل رخيص سولتوا على تمن ديالوا ...لقيت بلي ماغاديش نلقى حتى ماناكل ...المشكلة باقي ماكملت حتى الشهر فالخدمة باش نتخلص ....وحلت وحلة كبيرة .....وصلني وذخلت ليه عطاوني بيت كانت حالتوا حالة خانز وكولشي موسخ ...صبرت ماعندي ماندير ..حطيت فاليزة وخرجت لخدمتي واخا تعطلت ولكن ذخلوني حيت كنخدم مزيان ....وصل وقت الغدا وخرجوا كولشي يتغدى انا بقيت فبلاصتي كنخدم و الجوع قتلني ....كمدتها فعضامي وكملت نهاري .....ورجعت لفندق على رجلي ....ساعتين ديال المشية عاد وصلت غير دخلت لبيت وانا نطيح نعست ....مافقت حتى وصلات 10 دالليل ........فيقني غير جوع ....نهار كامل بلى ماكلة وعاد الخدمة وجيت على رجلي .....لبست عليا وخرجت يضربني شوية .... بقيت كنتمشى حتى وصلت سناك ....من كترت ماضرني جوع بقيت واقفة مبلوكية قداموا ....حتى عقت براسي ونزلت راسي ودزت .....نزلوا دموعي بلى مانشعر ...ماشي همني جوع ....ولكن انا ديما كندور ندور ...وفالاخير كولشي كيتقلب ضدي وكنلقى راسي بوحدي .....تفكرت قيس .....ونهامرت بالبكا ....توحشتوا اهئ اهئ توحشت كولشي فيه ....اااه ياربي ....اش هاد لمكتاب .....جلست فكرسي فجردة ...والبرد كيضرب فيا ...والدموع نازلين من عيني ....حسيت بشي حد جالس حدايا ....ونضت من بلاصتي بلى مانعرف شكون ....انا غاديا وخطوات ورايا ....تعصبت وكنت معولة على شي صداع ...دورت وجهي وتصدمت فاش لقيتوا هو ...اه هو قيس العلوي ورايا ......
ج67