💋زواج بلغة الجحيم 😈

🌺 -9-

ج69
من بعد هاد الليلة وليت وحدة اخرى....حاسة براسي اني بصاح مزوجة ...راجلي وحبيبي قيس كيهتم بيا ويتهلى فيا ....وانا كذلك ....دايرا كتر من جهدي باش نسوا ونخليه فرحان ...اكيد كتسائلوا على لبنى وفراس .....وحدة وحدة ....اولا فراس ...من بعد داك نهار لي خرجت من دار ....غبر ليه الاثر ماخليت فين سولت عليه بمساعدة قيس حيت واخا كولشي مانسيتش تضحياتوا لي علة قبلي ..وسمحت ليه حيت كان تحت تاتير الشراب .....اما بالنسبة لبنى ...فهي لدابا كتعتاقد بلي انا حاملة .....وطول هاد الشهر هي مسافرة عند الاب ديالها لي مرض فجأة .....حاولت ما أمكن نفهم ونعرف شنو كاين تحت راس قيس علاش تزوج بيها ... وشنو السبب لي خلاه يبقى معها ....
اليوم كيف ديما ...بعد ما خديت دروس فاللغة الالمانية ...مشا الاستاذ وانا كملت شغال دار مع الخدامة .....قرب يذخل قيس طلعت لبيتنا ....خديت دوش خفيف ضريف ...ولبست فستان ....قديت شعري مع عطر ودرت مجوهراتي ...ونزلت نحط العشا ....وجاني اتصال من رقم مجهول ...ترددت فالاول وفالاخير جاوبت كان صوت راجل
انا:شكون معايا
الراجل:الى كنتي باغا تشوفي راجلك باقي وباغاه يبقى على قيد الحياة ...اجي لهاذ العنوان ***
انا:(مخلوعة وكنبكي)شكون انت ...ومال قيس اهئ اهئ حشومة عليكم اش بغيتزا عندي ....
....قطع عليا وخلاني كنهضر بوحدي
حطيت تيليفون وخرجت بلى عقل ركبت طموبيلتي ومشيت لعنوان طايرة وصلت ...لقيتوا يخت ....طلعت ليه وانا كنبكي وكنغوط ....قيس اهئ اهئ قيس فينك
ماحسيت بشي حد حتى دار ايديه ففمي وهزني ذخلني لذاخل .....تشعل لضوء لقيت قيس فكرسي وربطينوا ودايرين ليه لصقة ففموا.....هنا فشلوا لي الركابي وطحت من طولي....
انا:اش بغيتوا عندو اهئ اهئ حرام عليكم الله قلت تهنينا ...اش بغيتوا عندنا اهئ حبيبي قيس متخافش اعمري
......الراجل:الى بغيتي نطلقوه ديروا لي نقولوليك
انا:شنو بغيتي اهئ اهئ
ج70
الراجل:اول حاجة ...سيري لبسي هاذشي لي عطيتك ....ومن بعد نقوليك شنو كاين
...شديت عندو الكيس وذخلت لبيت وانا كلي مخلوعة وكنترعد حليتوا لقيت فيه ....فستان فالاحمر روعة قصير ومعري من درعان مشبك من ضهر ومن صدر ..لبستوا..و انا مافهمة والوا لاش نلبس وشكون هاذوا ...علاش هاذشي كولشي ....خرجت ومنين رجعت مالقيتش قيس ...تخلعت عليه ....شوية حسيت باليخت تحرك ...كانت اول مرة نركب فيه ...تخلعت كتر ما انا مخلوعة ...كنسمع صوت بعيد شوية صوت قبس كيغوط وكيقول ...فيرووووووز حبيبة ..... الصوت جاي من الفوق .....طلعت كنجري فدروج ....غير وصلت وانا نتصدم
......بقيت شحال واقفة ماعرفت باش تبليت .....الحل الوحيد لي لقيت اني نبكي كيف العادة ....[?]......كنبكي وكنضحك .....حتى جا قيس وعنقني وبدات الموسيقى .....
انا:(كنبكي وكنضرب فيه)حقير اهئ خلعتيني علاش دير هكا علاش ....واش هكا كيكون المفاجئات ....
قيس:(جلس على ركابيه وجبد خاتم )مراتي حبيبتي تقبلي تزوجي بيا
انا:(كنضحك وكنمسح دموعي)حمق ههههههه راه حنا مزوجين ....اش من زواج باقي
قيس:ولكن انا بغيت نعاود نتزوج بيك ....فيها شي حاجة
انا:هههههه لا احبيبي مافيها والوا ....انا فرحانة .....انا موافقة نتزوج بيك احبيبي موافقة موافقة
قيس:(ناض عنقني وكيدور بيا)كنبغيك ياأجمل امراة فالعالم كنحماق عليك ...كنواعدك اعمري ...نكون ليك بوحدك ومخلص ليك طول الحياة ....
انا:عارفة احبيبي
...قيس مد لي ايديه وكيشير ليا لطبلة لي كانت مزوقة بشموع والورد واشهى الاكلات الفرنسية ........جلسنا كيوكلني.. وكنوكلوا ....من بعد نضنا كنرقصوا تحت نجوم حنا بوحدنا فاليخت ...(ههه اكيد كاين لي كيحرك اليخت ) ....داير ايديه ورا خصري وملصقني معاه انا حاطة راسي على صدروا الوااااااسع ..وهو خاشي راسوا فعنقي ...وكنتمايلوا مع الموسيقى ...شوية كيبعدنا وميعاود يجرني معاه كندور تحت ايديه ...كيدير بحال الى غادي يلوحني ويعاود بهزني لعندوا ......بحال الحماق زعما العشاق هههه ....ومن بعد نعسنا وحنا كنشوفوا فنجوم ...وكنهضروا وكنضحكوا حتى نعسنا ...
ج71
.اصبحنا واصبح الملك لله........
..فقت وانا فحضن حبيبي ....جلست كنشوف فيه ....وهو ناعس كيف الملاك ....كندوز ايدي على وجهوا .....حتى حل عينيه وهو كيضحك
قيس:(كيتكسل)صباح الخير ....مراتي العزيزة ...
انا:صباح النور اعمري ....نوض بدل حوايجك خاصنا نرجعوا لفيلا
قيس:لا احبيبة ماعندنا غين نرجعوا غنبقاو فهاذ الجزيرة ....لمدة اسبوع ...
انا:اويلي حماقيتي اش نجلسوا نديروا هنا
قيس:كولشي كاين هنا ......لي بغيتيها كاينة .....نتساراو شوية .....
انا:بشرط اعمري
قيس:امري وانا نفد
انا:ماغاديش نزلوا ففندق ....انا من ديما حلمي نعيش فيخت ودابا خلينا ندوزوا هاد الاسبوع فاليخت(كنطلب فيه بحال درية صغيرة) عفاك عفاك ماتقولش لا
قيس:هاذشي كاع لي طلبتي ...موافق احبيبة ...
انا:(طرت عليه بتعنيقة)كنبغييييييك اراجلي العزيز
قيس:(ناض كيلبس حوايجوا)دغيا لبسي قدامنا شلى حوايج نشوفوهم ونديروهم
لبست صاية فالبيض حد ركبة وتشورط فالوردي وطلقت شعري مع حداء فالوردي درت ماكياج ....وخرجنا مشينا لمحلات قدام ...زرنا مأتير تاريخية وتغدينا بجنب البحر ....
وبالليل رجعنا ليخت ودزنا ليلة ولا في الاحلام ...سيهم قيس ماكيشبعش ههههه....
هكا دوزنا اسبوع ولا فالاحلام زاد حبنا لبعض ....حسيت براسي اميرة كاع احلامي تحققت ....كولشي بغيتوا او تمنيتوا درتوا مع حبيبي ....وحلالي .....الحمد.الله رجعاتلي السعادة بعدما فقدت الامل فكولشي ....
رجعنا لفيلا ....ومشا قيس لخدمتوا ....وانا بقيت فدار ...مع وقت الغدا .....رجع قيس فرحان هازني وكيدور بيا وكيضخك
انا:اويلي الحمق مالك ....
قيس:(حطني وعنقني)واخيرا داكشي لي بغيت تحقق واخيرا غادي نولي ديالك بوحدك اعمري .....انا فقمة السعادة
انا:شنو واقع احبيبة
قيس:(جلسني )سمعي هاذشي لي غادي نقوليك مزيان وفهميني وخليني حتى نكمل
انا:واخا كل لك اذن صاغية
ج72
.قيس:انا ماشي قيس العلوي ....هذا اسم لي قررت كاع ناس يعرفوني بيه ...انا سميتي الحقيقية... نزار طيبي ....
انا:(حاطة ايدي على فمي)شنوووو[?][?]
قيس:خليني نكمل
انا:واخا كمل
قيس:انا نزار طيبي ولد احمد الطيبي لي كان من اكبر رجال الاعمال فهولندا ....
كان الاب ديالي الله يرحموا من اطيب خلق الله وكان السائق ديالوا من احب ناس ليه ...مبرعوا بخيروا وعمروا حسبوا سائق ديالوا كان كيعتابروا خوه ....(.وسكت )
انا:كمل اقيس بليييز
قيس:لاب ديالي ...كان كيتيق فيه لذرجة داروا ايدو اليمنى ....ولكن للاسف طلع حيوان وغدار وغدر الاب ديالي ....وخدا ليه جميع الاملاك ديالوا ....ولاحنا فشارع ....الاب ديالي من صدمة مات بسكتة قلبية وبقينا انا والام ديالي كنتلاوحوا فشارع ....مرة كنعسوا فزنقة مرة كنطلبوا شي حد ويخلينا نعسوا عندو ....لقات الام ديال شي ناس خدموها عندهم ففيلا كبيرة...سكنا معهم... خلاوني نكمل قرايتي فمدرسة خصوصية .داك العام كان عندي 6 ابتدائي ...ماما كانت زوينة بزاف وباقي صغيرة ..كان فعمرها 31 عام .كنت غافل وغبي وانا كنشوف ماما كل لليلة كتنوض من حدايا وماترجع حتى لصباح...حتى لديك الليلة المشؤومة ..كانت 2 دالليل ضرباتني الفيقة وكيف العادة مالقيتش الام ديالي ...خرجت كنقلب عليها ..ولكن حسها ماكاينش خرجت من الفيلا ومشبت لجردة ...كيبان ليا الضوء مشعول فبيت كانت ورا الفيلا ...محدني كنقرب كنسمع صوت ماخافيش عليا ...وصلت لبيت وطليت من شرجم وياريت مطلبت .....(بدا كيبكي [?][?])
انا:(عنقتوا وكنصبر فيه)ششش احبيبي صافي ماتبقاش تبكي ....
قيس:(كيمسح دموعوا)..كانت الام ديالي...مع مول الفيلا اهئ اهئ [?][?] كان كيستمتع بالجسد ديالها وكيدير فيها مابغا وهي كتضحك وعاجبها الحال تصدمت ...من داكشي لي شفت ...وفهمت علاش كانوا كيقريوني فالخصوصي وكيلبسوني احسن لبس ...فهمت علاش الام ديالي كانت معززة مكرمة ماكينش لي يقول ليها حتى كلمة ..... .....
ج74
من بعد ديك الليلة ...وصل صباح ورجعات الم ديالي لقاتني جمعت حوايجي جات كتسول فيا وانا كندفعها وكنبكي ...كنتفكر داكشي لي شفت كنكرها وكنكره راسي حيت ولدها .....كملت جميع وبغيت نخرج وحبساتني
...الام ديال قيس:ولدي مالك فين غادي الله ياولدي ياكما وقع ليك شي حاجة
قيس:بعدييي مني المجرمة ...انتي ماشي مي انا ماكنعرفكش ماما ماتت اهئ اهئ انتي وحدة اخرى .....
الام:اش كنقول اولدي انت باقي صغير ...علاش انا مجرمة شنو وقع
قيس:شفتك البارح اهئ اهئ شفتك مع سي المختار ....انا كنكرهك انتي ماشي ماما
الام(طاحت فلارض كتبكي)اهئ اهئ هاذشي كلو على قبلك باش تعيش حياة مرفهة وتقرأ اولدي ...كولشي درتوا على قبلك انت (بغات تحط ايديها فوق راسوا ودفعها)
قيس:(خارج من البيت)حتى حاجة ماتخليك ديري داكشي لي درتي انا غير سبب انتي ممزياناش وانا مابقيتش باغي نعيش معاك ....انا غادي نمشي ..وبمرة
...خرجت كنجري وماما تابعاني وكتبكي خرجت من الفيلا قطعت شانطي ...وماما كانت ورايا بغات تقطع شانطي ....ولكن ضرباتها طموبيل ...وماتت فالبلاصة اهئ اهئ ....
انا:(عنقتوا وكنبكي معاه)اهئ اهئ صافي احبيبي هاذشي كلو وقع ليك ...احياتي ...سمحليا احياتي ....
قيس:(كيبكي وكيهضر)من بعد الموت ديال ماما ...حلفت من داك نهار حتى انتقم من سبب لي هو سائق ديال بابا هو بسببوا مات الاب ديالي وبسببوا مامت كتبيع لحمها وبسببوا تحرمت من حنانها ومن حنان الاب ديالي ....قررت نصبر ونسكت ونكمل قرايتي حيت من بعد ماعرف مول الفيلا بالموت ديال ماما تبناني ...وانا طلبت منو يبدل ليا سمية والكنية ....وبالفعل عطاني كنيتوا وسماني قيس ...انا كنت كنكرهوا من بعد ماشفتوا هو وماما ولكن باش نقدر نتاقم خاصني نصبر ....هو ما كنش عندو الاولاد ....كبرني وقراني وقبل مايموت ...كتب ليا كولشي بسميتي ومن تما قررت نبدا انتقامي ....قلبت على سائق ديال بابا ....سنوات عديدة ...وفالاخير لقيتوا ....من بعد ما باع كولشي رجع لمغرب واستقر فيه .....وحتى انا رجعت لمغرب ....واستقريت هنا وبديت كنتقرب لعائلتوا شوية بشوية ....من بعد عرفت بلي عندو ولد لي كيف قالوا مات ....وعندو بنت كانت كتقرا فالخارج ...تسنيت الفرصة حتى جات ....وتعرفت عليها اقربت منها وفالاخير تزوجت بيها
انا:شنووووو [?]...متقولش لبنى
قيس:وي لبنى بن داوود بنت الراجل لي دمر لي حياتي
ج75
انا:ولكن شنو ذنبها هي علاش وهمتيها انك كتبغيها علاش انا كنبقى انثى بحالها ...ومانبغيش حتى حد يدير هكاك لي درتي ليها
قيس:سكتييييييييي ....[?][?]..ذنبها انها بنتوا ....وانا شنوووو ذنبي لي تحرمت من والديا واانا باقي صغير
انا:قيس انت كتخلعني [?]
قيس:باقي ماشافوا والوا ...انا بعد ماكتبت ليا لبنى اليوم املاك باها كلهم بسميتي ...ليهوما فالحقيقة املاكي ....غادي نرد ليهم صاع صاعين
انا:قيس عفاك ...بلى انتقام صافي نسا لي فات حنا ولاد اليوم
قيس:لا مستحيل نسا داكشي لي داروا فينا ....مستحييييييل نسا انهم هما سبب حتى فقدت والديا .....[?][?]
انا:اه عندك الحق ولكن الانتقام ماشي هو الحل .....
قيس:انا سواءا بغيتي او مابغيتي ...غادي نتاقم حيت فكرة الانتقام كبرات معايا ومستحيل نتراجع عليها ....اول خطوة راه درتها ....وتاني خطوة ....قريب نفدها
انا:شنو هي هاد الخطوة
قيس:غادي نرميهم لشارع كيف رماونا حنا
انا:لا اقيس انت ماديرهاش ...عفاك انت قلبك حنين وكبير....كيفاش ترميهم
قيس:غادي نرميهم هي غادي نرميهم ...
وهاذشي غادي يكون غدا ان شاء الله ...بغيت نشوف باها منين نخرجوا هو ووبنتوا بغيت نشوف الهزيمة فعينيه..
انا:هو وبنتوا ...يعني لبنى حتى هي غادي ..ترميها ....
قيس:اه ...حتى هي ...جا الوقت فاش تعرف بلي هي غير وسيلة باش نوصل لداكشي لي بغيت
انا:وبالنسبة لمرات باها شنو
قيس:...مادام نوال
...فضلها عليا كبير هاذشي كلو قدرت نديروا بمساعدتها
انا:وشنو سبب لي خلاها باش تعاونك
قيس:منقدرش نقوليك دابا ولكن لي خاصك تعرفي هو ان كولشي دارتوا ف فمصلحتها وفمصلحة انسان عزيز عليها ....
انا:انا كون سعفتيني ...احبيبي تراجع ولكن انت باينة فيك مصر على قرارك
قيس:طبعا مصر ...وعمرني نتراجع حتى نشوفهم كيتعذبوا ..... بغيت نشوف دموعوا سايلين ....مكرهت نشوفوا كيموت [?][?]...وهاذي غادي تكون الخطوة لي من بعد
انا:لااااا احبيبي الموت لا ...كيفاش تقدر تقتل انسان ....انت احبيبي ماديرهاش ...عفاك خليك الراجل لي كنعرف ...الانتقام لي بغيتي ...هو تشوفهم كيتعذبوا متافقة معاك ....ولكن تقتل لا منقبلهاش
قيس:(هاز كاس فايديه هرسوا وخرج ليه دم )غادي ننتاقم منهم [?][?][?]
اتا:(شادة ايديه وكنحبس الدم وكنبكي)اهئ اهئ حبيبي .[?][?][?]..عفاك تراجع على هاذ القرار عفاك على قبلي انا كيفاش نعيش معاك وايديك ملطخة بالدم ...منقدرش اعمري......
قيس:عمرني ننسا موت بابا وهو كيموت وكيوصيني نتاقم ليه وناخد ليه حقو من لي كان سبب ....وموت ماما ...لي مقدرت حتى نودعها ونضمها ....هاذشي كلو عمرو بتنسى ليا
ج76
انا:حبيبي كتبغيني جاوبني اه ولا لا
قيس:اكيد كنبغيك افيروز
انا:اذن وعدني تنسة فكرة القتل ...وكنقسم بالله الى بقيتي متشبت بهاذ الفكرة ....غادي تخسرني للابد....
قيس:(ناض وشد وجهي بين ايديه)متقوليش هكاك انتي لي عندي فهاذ الدنيا ...الى خسرتك غادي نموت
انا:اذن نسى فكرة القتل ...
قيس:(ضرب بايديه)اووووووف ...صافي نقدر ندير اي حاجة على قبلك انتي .....حيت الى بعدتي عليا ولو دقيقة غادي نموت ....ولكن فكرة اني نرميهم لشارع منقدرش نزولها من راسي
انا:(عنقتوا)اوكي ....المهم القتل لا ....وانا معاك فاي خطوة غادي ديرها ...كنواعدك
قيس:عارف ...هاذشي وان شاء الله منين نحقق انتقامي ...غادي نفرغ وقتي وحياتي كلها ليك انتي ...
انا:ان شاء الله ....احبيبي
.....اليوم ...هو اليوم لي كايتسنا قيس عمروا كامل بعدما فقنا ولبسنا حوايجنا توجهنا لقصر ....ذخلنا ولقينا لبنى جالسة فصالون ...غير شافتني ووقفات جاية جيهتي شداتني من ايدي باش تخرجني وحبسها قيس
لبنى:(كتغوط)كييييفاش تجرأ تحبسني ...هاذي اش كادير هنا ياك قلت ليك مانبقاش نشوف وجها
قيس:ماعندها فين تمشي مادام لبنى بن داوود
لبنى:(كتشوف فقيس وهي مافهمة والوا)كيفاش اقيس ....فهمني علاش مايمكنش ....كيفاش مادام لبنى فين مشات حبيبتي واميرتي
قيس:(جرني لعندوا وعنقني)هاذي هي اميرتي وحبيبتي ...روحي وعمري
لبنى:كيفاش اقيس ...شنوووو كتخربق ..صافي احبيبي باراكا من تفلية
قيس:(شادها من كتافها)ههههه تفلية ....هاذي هي الحقيقة ...الحقيقة لي غادي تصدمي ....منها ...انتي البنى بن داوود ....عمرك سكنتي قلبي ...ولو ثانية انتي غير مجرد وسيلة ...قدرت من وراك انتقم
لبنى:(دموع تجمعوا فعينيها)قيس حبيبي عفاك اش كتخربق ...هاذشي كذوب ...انت كتبغيني انا ...عفاك قول غير كذوب
ج77
قيس:(كيغوط)لااااااااا ماكنبغيكش وعمرني بغيتك ...انتي غير وسيلة باش ننتاقم من باباك..... انتي مجرد لعبة حقيرة ...كنت كنتحكم فيها كيف بغيت وانتي بغبائك صدقتي كولشي ....انا كيفاش نقدر نبغي وحدة بحالك
لبنى:(كتبكي وكتغوط)اهئ اهئ انت حيوان وحقير..... عااش ضحكتي عليا علاش خليتيني نبغيك ....انت غادي تندم اقيس غادي تندم انا غادي نحرمك من كولشي
قيس:(جارها باش يخرجها من القصر )بلاصتك فزنقة ...خرجي عليا من هنا انتي مابقات عندك بلاصة فحياتي
....جرها من ايديها وخرجها من القصر لاحها وجات مرمية فالارض ...كولشي كيشوف فيها شي كيضحك وشي كيبكي ....منكذبش عليكم الى قلت ليكم بلي مابقاتش فيا ...انا نزلوا دموع من عيني حيت تعرضات لصدمة ...كبيرة ....ولكن مايمكنش نوقف قدام قرار قيس وماننساش بلي حتى هو تعذب ..وكولشي بسبب الاب ديالها ...واكيد حتى ولادوا غادي يدفعوا الثمن ...وغالي ....وهاذشي لي وقع ....
مع لبنى هي تعاقبت على غلط داروا الاب ديالها .... خلاها برا بلى مايتلفت جرني وذخلنا وسد الباب ...وطاح الارض كيبكي اكيد تفكر نهار وقع ليه بحال هكا اكيد تفكر نهار مات الاب ديالوا ...نهار حصل الام ديالوا وتفكر موتها...اول مرة كنشوف قيس هكا كيبكي وكيضحك فنفس الوقت ...حطيت راسوا على صدري وكنبكي معاه ...حاسة بيه حيت حتى انا وقعلي بحالوا ....جلسنا فترة من زمن ...حتى كنسمعوا صوت الدقان بجهد واصوات رصاص ...عرفنا بابات لبنى جا .....
ج78
.خرج قيس وخلاني لداخل منع عليا نخرج حيت خايف عليا .....
عند قيس:
....من بعدما سمعت رصاص عرفت سي رؤوف بن داوود جا ...خرجت عندو لقيتوا شاد بنتوا ورجال دايرين بيه ...صيفط ميساج لرجالي ...باش يجيو ....ووقفت كنشوف فيهم ...
رؤووف:قيس العلوي .....كيفاش تجرأ ترمي بنت رؤووف بن داوود ....لشارع ...كيفاش تلوحها بهاذ الطريقة ...عند بالك ماعندها حد
قيس:(كيصفق)واااو ...سي رؤووف عندنا هنا .... كيفاش تنازلتي وجيتي بنفسك لعندي
رؤووف:هذا ماشي موضوعنا ....شنو وقع حتى تجرئتي ولحتي بنتي بهاد الطريقة
قيس:رؤووف بن داوود نجيك من الاخير....بنتك ماعندها بلاصة فحياتي ...هي غير وسيلة باش نقدر نتاقم منك....انت
رؤووف:شنووو ...كيفاش تنتاقم مني اش بينا لاش تنتاقم مني
قيس:احمد طيبي ....الراجل لي تاق فيك ودارك ليدو اليمنى ....وغدرتيه...عاقل عليه
رؤووف:(بصدمة )فين كتعرف انت احمد الطيبي ....
قيس:هذا لي واقف قدامك ....هو ابن احمد طيبي ...انا نزار الطيببي ....انا ولد الراجل لي غدرتيه ودمرتي عائلتوا.....
انا هو الولد لي حرمتيه من حنان الاب ومن حنان الام ...انا هو الولد لي بسببك كبر وقلبوا كل نهار كيتحجر ...انا لي هو نهايتك ....انا دمارك
لبنى:(كتبكي)انا شنو ذنبي اقيس من هاذشي الى كان بابا ...دلر هاذشي كلو انا كنت باقا صغيرة علاش تغدرني ...علاش تنتاقم مني
رؤووف:بنتي مايستحقش دموعك.
لبنى:(كتغوط على باها)سكتتتتتتت انت بعدا سكتتتتتتت ...ماتهضرش كولشي بسببك اهئ اهئ كولشي بسببك ....بسببك خسرت حب حياتي ...انت ماشي اب .....من ديما حارمني من حنانك ...واليوم بسببك تحرمت من رجال لي كنبغي اهئ اهئ كنكرهك كنكرهك ....ومشات كتجري ....
رؤووف:نزار طيبي ... قدرتي تلعب ببنتي كيف بغيتي ...ضحكتي علينا كاملين ولكن كون متأكد هاذشي ماغاديش ندوزوا ليك ....كون متأكد غادي نتاقم منك ....
قيس:دير لي عجبك ...المهم عندك يومين وتسلمني جميع املاكك لي ولاو دابا فسميتي ...والا غادي ناخد اجراءات ...اخرى ....ودابا سير من هنا قبل مانعيط على البوليس ...
ذخل وخلاهم برا ......شفتوا رجع ومشيت كنجري لعندوا ...كنعنق فيه وكنطمأن عليه
انا:حبيبي ....تخلعت عليك بزاف شنو وقع
ج79
قيس:الصمت
انا:حبيبي ياك داكشي لي بغيتي وصلتي ليه علاش دابا مقلق علاش ساكت ومكتهضرش
قيس:باقي موصلتش لداكشي لي بغيت ....بعد غدا غادي يكون انتقامي سالى ...
انا:ان شاء الله
......دازت يومين بسرعة البرق طول هاد اليومين ....قيس مكيهضرش ...وديما منعازل بوحدوا.....
....بقيت انا فالقصر...وقيس قرر يمشي بوحدوا يستلم ممتلاكاتوا ....
بقيت على الجمر ماعرفت اش وقع ليا قلبي تقبط ...وحسيت بصدري تزير عليا فلحضة ...نزلوا دموع من عيني ....ورعشة برد نزلات عليا ....تخلعت خفت يكون وقعات لقيس شي حاجة....كنتاصل ..بيه والوا ماكيجاوبش.....صافي توترت بزاف والاف الافكار كتديني وتجيبني ......خرجني من تفكيري ...اتصال من تيليفون ...قيس
هزيتوا نجاوب وليديا كترعد
انا:الوا حبيبي قيس ....تخلعت عليك فينك اعمري
الشخص:انتي مادام فيروز ....
انا:اه انا فيروز شكون انت وفين قيس ...شنو وقع لحبيبي
الشخص:راجلك امادام عطاك عمروا
انا:شنوووووووو [?][?]
....ماحسيت براسي حتى فقدت الوعي ........فقت لقيت راسي فسبيطار ...تفكرت كلام الشخص ...وبديت نغوط ....ذخلوا الممرضين والطبيب ...دgو ليا برا [注射] باش نتهدن ........دازت مدة قصيرة واستاعدت .....الوعي ديالي .......
لقيت البوليس فوق راسي ....
انا:شنو وقع لراجلي اهئ اهي شنو وقع ليه فين هو ...اهئ اهئ [?][?]
البوليس:مادام .....فيروز ...راجلك ....جاتنا اخبارية ...بلي تضرب برصاص وتلاح فنهر ....قلبنا عليه حتى عيينا ...ولكن لي متأكدين منو انو مات حيت على حساب شهود .....الرصاصة جاتوا فالقلب ...حنا باقي كنفتشوا على امل لقاوه....
انا:اهئ اهئ لا مايمكنش يموت ...مايمكنش يخليني .[?][?]...هو وعدني يبقى معايا اهئ اهئ[?][?][?] ...علاش مشا وخلاني بوحدي اهئ اهئ
البوليس:مادام ...لقينا القبض على المجرم ...الى كنتي باغا تعرفي شكون المجرم ورا موت سي قيس العلوي تفضلي معانا
انل:اهئ اهئ اهئ اهئ ...فين خليتيني بوحدي اقيس ..لمن خليتيني ....[?][?][?][?]
..نضت لبست حوايجي ومشيت معهم كل همي نشوف شكون حرمني من حبيبي شكون خداه مني اهئ اهئ علااااش اقيس علااااش خليتيني ...انت كذاب اهئ وعدتيني تبقى معايا وفالاخير مشيتي ....اهئ اهئ ......
....ذخلوني لغرفة ....جلست كنتسنى المجرم الحقير.....لي رزاني فراجلي ...حتى وقف عليا فراس ...ومشيت عنقتوا كنت كنضن جا يواسيني ...وانا كنبكي على حضنوا ....
....حتى سمعت الشيء لي صدمني
البوليس:فراس بن داوود .....هو سبب فموت راجلك هو لي قتلوا
انل:(حيدت ايدي منو ورجعت باللور )شنو فراس بن داوود ....اهئ اهئ شنو كتخربقوا ....هو ماشي فراس بن داوود ...
ج80
لا فراس ميقدرش يقتل ....(مشيت لعندوا )..انت ماقتلتيش قيس اهئ اهئ
...فراس:(دفعني بقوة وجيت طايحة فالارض)انا فراس بن داوود ....عند بالك غير قيس لي كيعرف يخبي حقيقتوا ههههه ....كيفما خبا هو بلي ولد احمد طيبي ...انا خبيت حقيقتي ...بلي انا ولد رؤووف بن داوود .....
انا:(وقفت ودموع فعيني جلست فكرسي وشادة راسي)اش هاد التخربيق اهئ اهئ ..علاش فراس علاش كتكذب ...
فراس:انا قررت اني نكمل قرايتي ...فهولنذا ....الاب ديالي وافق ...منين مشيت لهولندا ....عن طريق صدفة ....تعرفت على قيس .....وولينا وصحاب ....زعما كنت كنتعتقد اننا صحاب من بعد ما رجعت لمغرب هو كذلك رجع واستقر .....الحقير استغلني وخلاني حتى تقت فيه ....وغدرني ...حيت عرف....بلي انا ابن رؤووف ...هددني بحياة ...الاب ديالي ....وبقا كيلعب بيا كيف بغا ....وكيحقق طموحاتوا بيا .....
انا:مايمكنش هو قالي بلي عندهم ولد وميت
فراس:هو ختار هاد الكذبة ...هو كان عارف مزيان بلي انا ابن رؤووف منين كنا فهولندا ...ومنين رجع لمغرب ...هددني بلي الى ماوهمت الكل بلي مت غادي يقتل الاب دبالي وانا كنت عارف يقدر يديرها ...حيت كان احقر واحد نعرفوا....وهكا قدر يتقرب من عائلتي ....انا كنت متبع كل تصرفاتوا .....وخطواتوا ....وبسبب مرات الاب ديالي انا تحجزت فداك القصر ديال الدعارة .....ولكن من لعد اكتشفت بلي انتي هي بنت مادام منال .....وحاولت ما امكن نخليك تيقي فيا
انا:شنووو مادام منال هي ماما اهئ اهئ اش هاذشي كتقول ...علاش كولشي خبيتوه عليا... انت افراس ياك من ديما كنتيق فيك .... هي دابا كل تضحيات لي درتي غير على قبل تنتاقم مني ...حتى لامتى ...كنتي غادي تبقة مخبع هاذشي ....كون غير قتلتليني مع قيس وتهنيتي اهئ اهئ
فراس:بشوية عليك ....مادام العلوي اح زعما كنتي مادام العلوي...ههههههه...بسبب الام ديالك ....لي كانت دايرا الاب ديالي خاتم فصبعها ....بزز مني بقيت فقصر دعارة ....وحمايتي ليك ...هاذشي كلو كنت مجبور عليه ...ولكن مع الوقت ...وليت كنبغيك ...ديال بصاح .....
ج81
بغيتك افيروز من قلبي ....وقيس منين كتاشف اني وليت كنبغيك رجع تاني كيهددني بيك ....ولي زاد طين بلة انو تزوج اختي بلى مانعرف ....وخلاها تبغيه ولات بحال المجنونة ....لي قالها كتنفدها
انا:انت كتكذب ...كيفاش قدرتي تبقى حتى لدابا بلة مايعرفوك حي ...وعلاش زعما معرفوك
فراس:هاذشي بفضل قيس ..حيت دارلي عملية تجميل ...وبالنالي درت تغييرات متلا الى لحضتي انا ولبنى ختي عندنا نفس العينين ....ولكن ظاكشي لاخر كلو مبدل ....
انا:وعلاش هاذشي كلو ...شنو الفائدة الى وهمتي ناس بلي انت ميت شنو غادي يستافد قيس
فراس:ههههه سؤال غبي بحالك....قيس كان ضارب لحساب لكولشي ....هو كان عارف بلي الاب ديالي ...كانت اعز وحدة عندو هي بنتو لبنى ....وقال الى وهموا بلي انا مت ...غادي يدير تقة الكاملة فلبنى . ..وهكا يقدر قيس يلعب بلبنى وياخد كل الاملاك
انا:ولكن فالاصل هاذ الاملاك ديال الاب ديالوا ...باباك لي طلع واحد حقير ....وغدروا هو لي كان سبب حتى فقد والديه وتيتم باقي صغير
فراس:هذا ماشي شغلي انا ....فهمتي ...هذاك اخر همي ...يتيتم ولا مايتيتمش ماكيهمنيش
انا:طلعتي واحد حقير افراس ....عكس شخصيتك ...انت تبدلتي بزاف او بالاحرى ضهرتي على حقيقتك ...
فراس:قولي لي عجبك ....انا تعذبت بزاف بسببوا ...تحرمت من عيشة رفاهية ....بعدني على الاب ديالي وبعدني على ختي ....بسببوا وليت غير لعبة كيلعب بيها كيف بغى ...ولكن الحاحة الوحيدة لي كانت مصبراني هي انتي حبي ليك افيروز ....خلاني ...نفكر ونخطط ...ولكن انتي شنوووو درتي ...خليتيني انا لي كنبغيك
وبغيتيه هو ....باش حسن مني ..ولا الفلوس ....طماعة كل همك الفلوس الحقيرة
انا:(نضت من بلاصتي وكنغوط )انت هو الحقيييييييبيبييير...انا مشيت عندو مجبورة ....واش فهمتيييييي ...انا تجبرت ...ياك انت بإيديك عطيتيني ليه
فراس:هاذشي كنت مجبور عليه ...وهو سبب ....هاذشي كان مدبر من الاول ...قيس طلع ذكي وضرب الحساب لكولشي...
انا:وفالاخير قتلتيه ....
فراس:اه بهاد اليدين قتلتوا ....هاهاهاهاها ....(هاز ايديه بحال المجنون وكيغوط)وااااااخيييييييراااااااا .[?][?][?]..قتلت قيس العلوي ههههههه ...واخيرا .....
جاو البوليس ايديوه وانا واقفة كنشوف فيه وكنبكي ...فراس فقد عقلوا ...بسبب الانتقام ....اه انا عارفة قيس غلط وضلموا ...اهئ اهئ ...كولشي تقلب عليا ...كاع ناس تخلاو عليا اهئ اهئ ....
...كولشي تقلب عليا ...كاع ناس تخلاو عليا اهئ اهئ ....
.مشيت كنجري لبحر جالسة كنبكي وكنغوط لساعات طوال....حتى ..تفكرت لبنى ومادام منال ...لي فالحقيقة هي ماما ....ماما لي تبعات الفلوس ...وخلاتني كنتعذب .....
....مشيت لقصر .....لقيت لبنى قدام الباب كتبكي غير شافتني جات كتجري عندي وكتبكي
لبنى:(عنقاتني وكتبكي)..اهئ اهئ قيس مات .[?][?]....خويا قتلوا ...انا شفت خويا ....منين ضربوا برصاص ...شفت قيس منين طاح فنهر ...اهئ اهئ قيس مشا .....قيس مشا ....كولشي بسبب بابا كولشي بسببوا ...انا بلغت بيه ....والبوليس داوه الحبس
ج82
من قيس هما سبابوا حتى مات
انا:لا قيس ما ماتش ...هاذشي غير كذوب ...هو ما ماتش اهئ اهئ ...
لبنى:للاسف هو مات ....البوليس ...خبروني بلي لقاو الجتة ديالوا
انا:لااااا مايمكنش ماشي هو ...هاذشي كذوب
...لبنى:(جاراني من ايدي)يلاه تشوفي بعينك افيروز
...مشينا لمستودع الاموات ذخلنا لغرفة كان راجل مغطي بالابيض ....محدني كنقرب منو ...وانا كنحس برجلي كيفشلوا عليا .....حتى وصلت لعندوا .....جاتني دوخة وكنت غادي نطيح شداتني لبنى ....
....جا واحد راجل وطلب مني ...نكون قوية ......شديت راسي بزز .....وحط الراجل ايديه على ليزار كيحيدوا شوية بشوية .....حتى عراه كامل ...وياريت كون ما عراه ..يا ريت كون غير ماجيت ..ياريت كون غير بقيت عايشة على امل بلي هو عايش ..وبلي غادي يجي نهار ونشوفوا ....
ولكن ماشي كولشي كنتمناوه كيوقع ....ماشي كولشي بغيناه كيتحقق ....صافي حبيبي قيس مات جتة قيس قدامي ...هو ميت
انا:(كندوز ايدي عليه وكنطلب منو يفيق)اهئ اهي قيس فيق احبيبي ...عفاك غيق انت مامتيش ...صافي احبيبي باراكا من نعاس ....فيق عفاك ...انا انا حبيبتك واميرتك ....ياك وعدتيني مغاديش تخليني ...ياك وعدتيني تبقى معايا ديما ...وفييييييق (كتضرب فيه)عفاااااك فيق صافي فيق .....ماغاديش تخليني وتمشي ...اهئ اهئ ...علاش متي علاش ....علاش خليتيني ...شحال طلبتك تنسا الانتقام ...شفتي اش وقع اهئ اهئ [?][?][?]
......خرجت كنجري لبرا وكنغوط .....وصل لشارع شديت راسي ...وكنبكي وكنغوط حتى فقدت الوعي .........
ج83
حليت عيني ..... لقيت مرأة فالخمسينات من عمرها ....كانت كتشبه ليا بشكل رهيب...شعرها طويل بحالي ....وبيضا بحالي عينيها كبار بحالي ....كانت حاطة ايديها على ايدي ....وكتبكي .....
انا:شكون انتي
منال:اهئ اهئ انا ماماك ابنتي ...
انا:بعديييب مني انا ماعنديش ماما اهئ اهئ ...بعدي منا انا مكنعرفكش
ماما:لا ابنتي متقوليش هكاك انا ماماك ...سمحيليا ابنتي انا عارفة .. راسي غلطت معاك عارفة راسي تخليت عليك وانتي باقي صغيرة اهئ اهئ سمحيلي ابنتي عفاك سمحيلي
...انا:اهئ اهئ انا كنكرهك ....علاش تخليتي عليا وحرمتيني منك ....اهي اهئ علاش بعدتيني عليك ...كيفاش قدرتي تعيشي وانتي عارفة اني كنتعذب كل نهار ... ماما:حبيبة ...نساي الماضي عفاك ...حنا ولاد اليوم ...انتي دابا عندك غير انا ....فهاد الدنيا عفاك ابنتي باركا عليك الحرمان لش عشتيه ..خليني ابنتي نملئ الفراغ لي كتحسي بيه دابا
لبنى:(ذخلات وحلسات حدابا وكتبكي)حبيبة كيف بقيتي .....اهئ اهئ ....سمحيليا افيروز شحال عذبتك معايا ....وانتي صبرتي ..وفالاخير دابا حنا بحال بحال ...بجوجنا فقدنا اغلى انسان فحياتنا
....انا:(حالا ليديا باش تنعقني )لبنى ...انا حاسة بيك ...عارفاك كنتي كتبغيه ولكن دابا شنو اهئ اهئ شنو احبيبة ...
لبنى:(عنقاتني)وعديني ماتخلايش عليا حتى انتي .... وعديني نبقاو يد وحدة ...نكونوا خواتات عفاك ....انتي دابا لي بقيتي من ريحت قيس انتي وولدك
انا:اهئ اهئ انا ماحملاش انا ولدي طاح ليا ا لبنى سمحي ليا ...عفاك ...
لبنى:انا عارفة كولشي وقع ....ماماك عاودات لي كولشي ...ولكن
انا:شنو ولكن هضري عفاك
لبنى:اهئ اهئ انتي حاملة بولد قيس ...انتي حاملة دابا اهئ اهئ
انا:(تصدمت[?][?])شنوووو انا حاملة ....اهي اهئ انا حاملة .....انا حاملة بولد قيس اهئ اهئ مامصدقاش ...(عنقت ماما)مانا انا حاملة ....(نضت وقفت فوق ناموسية)انت حاملة اهئ اهئ مامصدقاش ...الحمد الله اربي ...اهئ اهي ياريت كون بقيتي عايش اقيس ...كنتي غادي تفرح ...توحشتك احبيبي .... توحشتك
......ذخل طبيب ودار فحص روتيني ....عرفت بلي عندي شهر ....وطلب مني نرد البال لراسي وما نجهدش راسي اكتر .
♡♡♡♡♡♡♡♡♡♡♡♡♡
............بعد مرور سنة ...............
♡♡♡♡♡♡♡♡♡♡♡♡♡