الهدوء كان مالي الاوضة وعز كان مستني رد حبيبة بقلق.. دقيقة واتنين عدوا وهي لسه ساكتة ومنزلة وشها في الارض ومش بتبصله، عز حس انها هترفضه ففقد الامل خلاص واتنهد بس لاحظ ان جسمها بيرتعش اكتر واكتر.
عز: انتي كو-
اتفاجئ لما لقى حبيبة فطسانة ضحك وبتضحظ بصوت عالي وهو مصدوم من اللي بيحصل ومش فاهم حاجة.
حبيبة وهي بتمسح عينيها اللي دمعت من كتر الضحك: ااااااخ.. بطني وجعتني.. لا مش قادرة.
عز: انتي بتضحكي على ايه؟
حبيبة: هقولك... لما انت كنت بتكلم استاذ محمد في مكتبه انا سمعت النص الاول ومشيت فعلا وانا مضايقة بس وقفت مكاني لاني افتكرت اني قريت المشهد دا في رواية فقولت استنى واشوف انت هتقول ايه والحمدلله اني ممشتش.
عز بصدمة: يعني انتي كنت عارفه كل حاجة وبتضحكي عليا؟!
حبيبة: اه... الصراحة بقى انا اللي قولت لسمر تقولكم اني مشيت من شوية ولما انتوا طلبتوا مريم... انا في الوفت دا كنت حكتلها كل حاجة.. واتفقنا ان هي مش هتساعدك ولا هتخلي صاحبك يساعدك... اصل الصراحة كان نفسي اعلمك الادب بس صعبت عليا لما لقيت طنط سمية جيالي فوافقت عشانها وكان نفسي اكمل بس لقيت كدا اني هضيع نفسي قبلك.
عز وهو لسه مصدوم: يعني كل دا انتي كنتي مخططاله وكنتي عارفة كل حاجة؟
حبيبة: من اول يوم.
عز بعدم فهم: ازاي يعني؟
حبيبة: فاكر لما وديتك عند دكتور معتز وانت اتكلمت معاه.. الصراحة انا كنت واقفة ورا الباب وسمعت الحوار كله.
عز بصدمة: كل دا؟... وانتي سكتي وكنتي بتكلميني ليه؟
حبيبة: عشان كنت عايزة اشوف اخرتها معاك.
قاتل ملى المكان وكل واحد فيهم ساكت بس عز قطع السكوت دا.
عز: ها... موافقه تتجوزيني؟.. اظن انتي كده اخدتي حقك وزيادة.
حبيبة سكتت شوية بعدين بصتله وقالت بابتسامة وشوية كسوف: موافقة.
عز بفرحة: لا بجد!... طب قولي والله.
حبيبة بضحك: والله.
عز: طب قوليها.
حبيبة: اقول أي-... ااااهه.. لا با حلو لما ابقى مراتك.
عز كان لسه هيرد بس سمعوا صوت احمد ببرائه وصوت عالى: انتوا بتعملوا ايه؟
صوت زعيق جامد.. حبيبة راحت فتحت الباب ولقت ياسين وملاك واقفين جنب الباب وكانوا بيسمعوا الحوار ومريم واقفة جنبهم.
حبيبة بابتسامة متكلفة بتخبي بيها غيظها: بتعملوا ايه هنا؟
بصوا لبعض واتلبكوا ومريم قالت بهدوء: مفيش كنت ماشية ومعايا احمد ولقيت الاتنين دول كدا.
YOU ARE READING
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
